Edwɛkpa ne kɛmɔ Mateyu hɛlɛle la 13:6 - BAEBOLO ANZƐƐ BULUKU NWUANZANWUANZA

⁶ Na mɔɔ ewia bɔle la, bɛyelale, ɔluakɛ bɛ ndinli ne mɔ andwu azɛlɛ bo kpalɛ.

Edwɛkpa ne kɛmɔ Mateyu hɛlɛle la 13:6 ပူးပေါင်းရင်းမြစ်များ

Ayezaya Buluku ne 49:10

Ɛhɔne anzɛɛ nzuhɔne ɛnrɛhu bɛ, sɛnzɛne anzɛɛ anwoma wuluwulu ɛnrɛbɔ bɛ, ɔluakɛ ahenle mɔɔ nwu bɛ anwunvɔne la bali bɛ ti, yɛɛ ɔbava bɛ yeahɔ nzubula nwo.

Edwɛkpa ne kɛmɔ Mateyu hɛlɛle la 13:21

Noko edwɛkɛ ne ɛnzɔ ndinli wɔ bɛ nu la ati, ɔngyinla ɔngyɛ. Saa ɔlua edwɛkɛ ne ati bɛyɛ bɛ kpɔdekpɔde anzɛɛ bɛnwu amaneɛ a, ɛnee ɛkɛ ne ala bɛkpo aze.

Edwɛkpa ne kɛmɔ Mateyu hɛlɛle la 13:5

Bie guale azɛlɛ mɔɔ awolɛ dɔɔnwo wɔ nu la azo, ɛleka mɔɔ ndɛtɛlɛ anzo la, na ma ne fifile ndɛndɛ, ɔluakɛ azɛlɛ ne ɛmpi.

Edwɛkpa ne kɛmɔ Mateyu hɛlɛle la 13:7

Ma ne bie noko guale mbowule nu, na mbowule ne nyinle hedale bɛ nwo zo,

Edwɛkpa ne kɛmɔ Maake hɛlɛle la 4:6

na mɔɔ ewia ne vile hanle bɛ la, bɛyelale, ɔluakɛ bɛ ndinli ne andwu azɛlɛ bo.

Edwɛkpa ne kɛmɔ Luku hɛlɛle la 8:13

Ma ne mɔɔ guale awolɛ nu la a le bɛdabɛ mɔɔ bɛte edwɛkɛ ne a bɛfa fɛlɛko bɛdie noko ɔnwolowolo bɛ kpalɛ la. Bɛdie bɛdi wɔ mekɛ ekyi bie ala na kɛ sɔnea ba la ɛnee bɛkpo aze.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

Yekile 7:16

Ɛhɔne nee nzuhɔne ɛnrɛhu bɛ bieko, ewia ɛnrɛbɔ bɛ, anzɛɛ wuluwulu kpole biala ɛnrɛhu bɛ bieko.