Edwɛkpa ne kɛmɔ Mateyu hɛlɛle la 13:57 - BAEBOLO ANZƐƐ BULUKU NWUANZANWUANZA

⁵⁷ Yemɔti bɛkpole ye. Gyisɛse zele bɛ kɛ, “Bɛdi Nyamenle kpɔmanvolɛ biala eni wɔ ɛleka biala, kyesɛ ɔdaye ye sua zo nee ye abusua nu ala.”

Edwɛkpa ne kɛmɔ Mateyu hɛlɛle la 13:57 ပူးပေါင်းရင်းမြစ်များ

Ayezaya Buluku ne 49:7

Ɛdɛnkɛma, Yizilayɛ Kpɔnevolɛ ne, Yizilayɛ Nwuanzanwuanza Ko ne ɛlɛka ahile sonla ne mɔɔ le arelemgbunli sonvolɛ, mɔɔ maanle maanle ne mɔ ɛkpo ye, na bɛkyi ye kpole kpalɛ la kɛ, “Arelemgbunli banwu wɔ na bɛadwazo; arelemgbunli amra mrenya badu agua ɛ nyunlu, ɔboalekɛ Ɛdɛnkɛma, Yizilayɛ Nwuanzanwuanza Ko ne, mɔɔ ɛkpa nu ɛye wɔ la di nɔhalɛ.”

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Ayezaya Buluku ne 8:14

Na yemɔ yɛɛ ɔbayɛ ɛleka nwuanzanwuanza a. Ɔbayɛ bolɛ mɔɔ menli bava ɔ nwo ɛya, ɔbayɛ azekpolɛ bodane yeamaa Yizilayɛma nee Dwudama, yɛɛ ɔbayɛ ɛhane yeamaa Gyɛlusalɛmma.

Edwɛkpa ne kɛmɔ Mateyu hɛlɛle la 11:6

Nyilalɛ ɛha bɛdabɛ mɔɔ bɛ ti anu ɛnyɛ bɛ kesee wɔ me nwo la.”

Edwɛkpa ne kɛmɔ Mateyu hɛlɛle la 13:58

Na yeanyɛ nwanwane gyima kpaziwɔkɛ biala wɔ ɛkɛ ne, ɔboalekɛ bɛanlie ye bɛanli.

Edwɛkpa ne kɛmɔ Maake hɛlɛle la 6:1

Gyisɛse vi ɛkɛ ne la ɔ nee ye ɛdoavolɛma ne ziale rale ye sua zo.

Edwɛkpa ne kɛmɔ Maake hɛlɛle la 6:14

Belemgbunli Hɛlɔdo dele ɛhye mɔ anwo bie, ɔluakɛ Gyisɛse nganeɛ ɛdwu ɛleka biala, na menli ɛlɛkeha kɛ, “Dwɔn Sɔnevolɛ ne ɛzia ɛra ngoane nu bieko, yemɔti a ɔkola ɔyɛ nwanwane ninyɛne ɛhye mɔ a.”

Edwɛkpa ne kɛmɔ Maake hɛlɛle la 6:3

Na tɛ Mɛle ara kapenta ye ɛ? Tɛ ɔ mediema mrenya a le Gyemise, Dwosefi, Dwudase, yɛɛ Saemɔn? Tɛ ɔ mediema mraalɛ noko a yɛ nee bɛ gua sua ye azo la ɔ?” Na bɛkpole ye.

Edwɛkpa ne kɛmɔ Maake hɛlɛle la 6:4

Gyisɛse zele bɛ kɛ, “Nyamenle kpɔmanvolɛ biala lɛ ɔ nyunlu wɔ ɛleka biala, kyesɛ ɔdaye ye sua zo, ye mbusua nu anzɛɛ ye sua nu ala.”

Edwɛkpa ne kɛmɔ Luku hɛlɛle la 4:24

Gyisɛse zɔle zo hanle kɛ, “Meka ko ɛhye meahile bɛ: Nyamenle kpɔmanvolɛ biala ɛnlɛ ɔ nyunlu wɔ ye sua zo.

Edwɛkpa ne kɛmɔ Luku hɛlɛle la 7:23

Nyilalɛ ɛha bɛdabɛ mɔɔ medame ti bɛmkpo aze wɔ diedi nu la.”

Dw 4:44

ɔluakɛ Gyisɛse ɔdaye mumua ne yeha ye ɛlɛ kɛ, “Nyamenle kpɔmanvolɛ biala ɛnlɛ ɔ nyunlu wɔ ɔdaye ye maanle nu.”

Dw 6:42

Na bɛhanle kɛ, “Tɛ Dwosefi ara Gyisɛse ɛhye ɔ? Yɛze ɔ ze nee ɔ nli. Adenle boni azo a ɔlua mɔɔ ɔka kɛ ɔvi anwuma a yera a?”

Dw 6:61

Awie anga angile Gyisɛse, noko ɔnwunle mɔɔ menli mɔɔ doa ye la ɛlɛka ye bɛ nzo abo wɔ ɛhye anwo la; yemɔti ɔzele bɛ kɛ, “Ɛhye kpondɛ amaa bɛakpo aze ɔ?