Edwɛkpa ne kɛmɔ Mateyu hɛlɛle la 13:52 - BAEBOLO ANZƐƐ BULUKU NWUANZANWUANZA

⁵² Na ɔzele bɛ kɛ, “Zɔhane ati mɛla kilehilevolɛ biala mɔɔ bɛtete ye wɔ Anwuma Belemgbunlililɛ ne anwo la le kɛ awuke zo neavolɛ mɔɔ ye ninyɛne fofolɛ nee dɛba fi ye gya nu finde la.”

Edwɛkpa ne kɛmɔ Mateyu hɛlɛle la 13:52 ပူးပေါင်းရင်းမြစ်များ

Ɛzela Buluku ne 7:10

Ɛzela ɛnee ɛdu ɔ nwo ɛmaa na yeva ye mekɛ kɔsɔɔti yezukoa Ɛdɛnkɛma Mɛla ne mɔɔ yeva yemaa Yizilayɛma la kpalɛ, na yevua kɛ ɔdi zolɛ na yeahilehile Yizilayɛma noko.

Ɛzela Buluku ne 7:21

“Akee medame, Belemgbunli Atazɛzɛse, meyɛ mɛla ɛhye na mese me gya sievolɛma mɔɔ wɔ Yufileti Adɔleɛ la amuala kɛ: Debie biala mɔɔ sɛlɛvolɛ Ɛzela, mɔɔ le Nyamenle ne mɔɔ wɔ anwuma la Mɛla kɛlɛhɛlɛvolɛ ne kɛbiza bɛ la, bɛnlea na bɛyɛ ye gyɛlɛɛnye bɛmaa ye.

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Mrɛlɛbulɛ Buluku ne 11:30

Ma mɔɔ tenlenenli so la le ngoane, na sonla mɔɔ to nzaka la kuhu menli.

Mrɛlɛbulɛ Buluku ne 15:7

Nrɛlɛbɛvolɛma ɛdendɛlɛ maa adwenle tende. Ahoasea adwenle ɛnle zɔhane.

Mrɛlɛbulɛ Buluku ne 18:4

Sonla anloa edwɛkɛ le azule buma, yɛɛ nrɛlɛbɛ dɔɔnwo le kɛ azule mɔɔ ɛdukue la.

Sɔlɔmɔn Edwɛne 7:13

Mandileki ne mɔ evuanlɛ ba, ma fɛlɛko, dɛba nee fofolɛ kɔsɔɔti wɔ yɛ sua nu ɛke. O me kulovokpa, meva ɛhye mɔ kɔsɔɔti mezie wɔ.

Edwɛkpa ne kɛmɔ Mateyu hɛlɛle la 12:35

Sonlakpalɛ biala yɛ debie kpalɛ, yɛɛ sonlatane biala yɛ ninyɛndane.

Edwɛkpa ne kɛmɔ Mateyu hɛlɛle la 13:51

Gyisɛse bizale ye ɛdoavolɛma ne kɛ, “Asoo bɛte ɛhye mɔ amuala abo?” Bɛbuale kɛ, “Ɛhɛe.”

Edwɛkpa ne kɛmɔ Mateyu hɛlɛle la 13:53

Mɔɔ Gyisɛse wiele mrɛlɛ ne mɔ bu la ɔvile ɛkɛ ne,

Edwɛkpa ne kɛmɔ Mateyu hɛlɛle la 23:34

Ɛhye ala ati yɛɛ melɛsoa Nyamenle kpɔmanvolɛma, nrɛlɛbɛvolɛma, yɛɛ kilehilevolɛma wɔ bɛ nwo a; noko bɛbahu bie mɔ, bɛbabɔ bie mɔ meanubaka nu, bɛbabo bie mɔ wɔ bɛ nyianu azua ne mɔ anu, na bɛayɛ bie mɔ kpɔdekpɔde wɔ bɛ azua ne mɔ azo.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Luku hɛlɛle la 11:49

Ɛhye ati a Nyamenle Nrɛlɛbɛ ne hanle la, ɔse: ‘Bɛbayɛ Nyamenle kpɔmanvolɛma nee bɛdabɛ mɔɔ mebazoa bɛ wɔ bɛ nwo la kpɔdekpɔde na bɛahu bie mɔ.’

Dw 13:34

Memaa bɛ mɛla fofolɛ: Bɛhulo bɛ nwo ngoko ngoko. Kɛ mezi mehulo bɛ la, zɔhane ala yɛɛ bɛhulo bɛ nwo ngoko ngoko a.

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:4

na saa bɛkenga mɔɔ mehɛlɛ la a anrɛɛ bɛkɛnwu me ndelebɛbo ne mɔɔ fane Kelaese anwo edwɛkɛ ne mɔɔ vea la anu.)

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Kɔlɔ 1:7

Ɛpafelase a hilehilele bɛ Nyamenle ɛlolɛ ɛhye anwo edwɛkɛ a. Ɔle yɛ diema sonvolɛ kpalɛ kpalɛ mɔɔ sonle Kelaese nɔhalɛ nu a; ɔgyi yɛ gyakɛ anu wɔ lɔ.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

1 Tem 3:6

Ɔnle kɛ ɔyɛ sonla mɔɔ rale asɔne ne anu la ɛtɛkyɛle a, anrɛɛ ɔkɛmemaa ɔ nwo zo ɔkɛmaa bɛkɛbua ye fɔlɛ kɛ bɛbua Abɔnsam la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:9

Ɔwɔ kɛ ɔsɔ Nyamenle edwɛkɛ ne mɔɔ bɛkola bɛfa bɛ rɛle bɛto zo na eza ɔ nee yɛ ngilehilelɛ ne kɔ zolɛ la anu kyengye. Adenle ɛhye azo yɛɛ ɔbamaa yeahola yeamaa menli anwosesebɛ na yeahilehile bɛ na eza yeamaa bɛdabɛ mɔɔ bɛtia ngilehilelɛ ne la anwu bɛ nvonleɛ a.