Edwɛkpa ne kɛmɔ Mateyu hɛlɛle la 12:4 - BAEBOLO ANZƐƐ BULUKU NWUANZANWUANZA

⁴ Se Devidi hɔle Nyamenle Sua ne anu na ɔhɔvale azu kpanwo ne bie ɔlile, wɔ mekɛ mɔɔ adenle ɛnla ɛkɛ kɛ awie di bie kyesɛ sɛlɛvolɛma ala la.

Edwɛkpa ne kɛmɔ Mateyu hɛlɛle la 12:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:30

Bɛva ɛkponle ne bɛzie me Ngyekyeleɛ Ɛlɛka ne anyunlu ɛkɛ ne na bɛva kpanwo mɔɔ dahuu bɛkɛva bɛkɛbɔ azu bɛkɛmaa me la bɛgua zolɛ.

Sɛlɛ 8:31

Na Mosisi zele Aalɔn nee ɔ mra ne mɔ kɛ, “Bɛdo nane ne wɔ Ɛdɛnkɛma Ndanlɛ Sua ye anuhɔlɛ lɔ, na bɛli bɛboka kpanwo ne mɔɔ wɔ kɛndɛne ne mɔɔ sɛlɛvolɛwulalɛ azubɔlɛ ninyɛne ne mɔ wɔ nu la, kɛmɔ menzele bɛ la kɛ, ‘Aalɔn nee ɔ mra ne mɔ a bali a.’

Edwɛkpa ne kɛmɔ Mateyu hɛlɛle la 12:3

Gyisɛse buale bɛ kɛ, “Asoo bɛtɛkengale mɔɔ Devidi yɛle, wɔ mekɛ mɔɔ ɛnee ɛhɔne ɛlɛku ye nee ye menli mɔɔ ɔ nee bɛ lua la?

Edwɛkpa ne kɛmɔ Mateyu hɛlɛle la 12:5

Anzɛɛ bɛtɛkengale ye wɔ Mosisi mɛla ne anu kɛ sɛlɛvolɛma mɔɔ wɔ Ɛzonlenlɛ Sua ne anu la to Ɛnwomenlelielɛ Kenle mɛla ne mekɛ biala, noko akee bɛnli fɔlɛ ɔ?

Edwɛkpa ne kɛmɔ Maake hɛlɛle la 2:26

Wɔ Sɛlɛvolɛ Kpanyinli Abayata mekɛ zo, Devidi hɔle Nyamenle sua ne anu na ɔ nee ye menli ne mɔ lile kpanwo ne mɔɔ bɛva bɛbɔ azu bɛmaa Nyamenle la. Yɛ mɛla ne kile kɛ ɔwɔ kɛ sɛlɛvolɛma angome ala a di zɛhae kpanwo ne a. Noko Devidi lile bie, eza ɔvale bie ɔmanle menli mɔɔ ɔ nee bɛ lua la lile. Asoo bɛtɛtele ɛhye?”

Edwɛkpa ne kɛmɔ Luku hɛlɛle la 6:4

Ɔhɔle Nyamenle sua ne anu na ɔhɔvale kpanwo ne mɔɔ bɛva bɛbɔ azu bɛmaa Nyamenle la, ɔlile bie na ɔvale bie ɔmanle ye menli ne mɔ lile. Noko yɛ mɛla ne tua kɛ awie gyɛne mmadi bie kyesɛ sɛlɛvolɛma ne mɔ ala.”

Kɛlata mɔɔ bɛhɛlɛle bɛhɔmanle Hibuluma la 9:2

Bɛzile ndanlɛ sua ko, ye findezo mgbɛnu ne bɛfɛlɛ ye Ɛleka Nwuanzanwuanza. Ɛkɛ a kɛnlaneɛ baka ne, ɛkponle ne nee kpanwo ne mɔɔ bɛfa bɛbɔ azu bɛmaa Nyamenle la wɔ a.

1 Sam 21:4

Sɛlɛvolɛ ne zele Devidi kɛ, “Menlɛ kpanwo biala wɔ ɛke kɛ kpanwo nwuanzanwuanza ne mɔ ala. Debie mɔɔ hyia la a le kɛ saa wɔ mgbavolɛ ne mɔ ɛtɛfale bɛ nwo ɛtɛkanle mraalɛ kenle nsa ye ala ɛdeɛ a.”

1 Sam 21:6

Yemɔti sɛlɛvolɛ ne manle Devidi kpanwo nwuanzanwuanza ne bie, ɔluakɛ ɛnee kpanwo mɔɔ wɔ ɛkɛ ne la ala a le mɔɔ bɛva bɛbɔ azu bɛmaa Ɛdɛnkɛma na bɛva bɛzie Ɛdɛnkɛma anyunlu la. Saa bɛye bɛfi azukponle ne azo a, ɔwɔ kɛ bɛfa fofolɛ wuluwulu bɛsie ɔ bo zo ne.