Edwɛkpa ne kɛmɔ Mateyu hɛlɛle la 12:3 - BAEBOLO ANZƐƐ BULUKU NWUANZANWUANZA

³ Gyisɛse buale bɛ kɛ, “Asoo bɛtɛkengale mɔɔ Devidi yɛle, wɔ mekɛ mɔɔ ɛnee ɛhɔne ɛlɛku ye nee ye menli mɔɔ ɔ nee bɛ lua la?

Edwɛkpa ne kɛmɔ Mateyu hɛlɛle la 12:3 ပူးပေါင်းရင်းမြစ်များ

Sɛlɛ 10:20

Mɔɔ Mosisi dele ɛhye la, ɔ kunlu dwole.

Edwɛkpa ne kɛmɔ Mateyu hɛlɛle la 12:2

Falasiima bie mɔ nwunle ɛhye la bɛzele Gyisɛse kɛ, “Nea, kɛ wɔ ɛdoavolɛma ne ɛlɛyɛ mɔɔ bɛnyɛ la wɔ Ɛnwomenlelielɛ Kenle ɛ; ɔtia yɛ mɛla ne!”

Edwɛkpa ne kɛmɔ Mateyu hɛlɛle la 12:4

Se Devidi hɔle Nyamenle Sua ne anu na ɔhɔvale azu kpanwo ne bie ɔlile, wɔ mekɛ mɔɔ adenle ɛnla ɛkɛ kɛ awie di bie kyesɛ sɛlɛvolɛma ala la.

Edwɛkpa ne kɛmɔ Mateyu hɛlɛle la 12:5

Anzɛɛ bɛtɛkengale ye wɔ Mosisi mɛla ne anu kɛ sɛlɛvolɛma mɔɔ wɔ Ɛzonlenlɛ Sua ne anu la to Ɛnwomenlelielɛ Kenle mɛla ne mekɛ biala, noko akee bɛnli fɔlɛ ɔ?

Edwɛkpa ne kɛmɔ Mateyu hɛlɛle la 19:4

Gyisɛse buale kɛ, “Bɛtɛkengale Nyamenle Edwɛkɛ ne mɔɔ se: Mɔlebɛbo ne Nyamenle bɔle bɛ nrenya nee raalɛ

Edwɛkpa ne kɛmɔ Mateyu hɛlɛle la 21:16

Yemɔti bɛbizale Gyisɛse kɛ, “Ɛte mɔɔ ɛhye mɔ ɛlɛkeha la ɔ?” Gyisɛse buale bɛ kɛ, “Nɔhalɛ, mete. Na bɛtɛkengale Nyamenle Edwɛkɛ ne mɔɔ fane ɛhye anwo la ɔ? Ɔse, ‘Bɛtete ngakula ndetendete nee nlɔma kɛ bɛye Nyamenle ayɛlɛ mɔɔ di munli a!’ ”

Edwɛkpa ne kɛmɔ Mateyu hɛlɛle la 22:31

Bɛtɛkengale mɔɔ Nyamenle ɛha, mɔɔ fane mɔwuamra ɛdwazolɛ nwo la ɛlɛ ɔ? Ɔse,

Edwɛkpa ne kɛmɔ Maake hɛlɛle la 12:10

Meze kɛ bɛgenga Nyamenle Edwɛkɛ ɛhye: ‘Bolɛ ko ne ala mɔɔ suasivoma ne kpole la ɛrayɛ bolɛ mɔɔ anwo hyia kpole kpalɛ kɛ sua mgbɛnezo sika la.

Edwɛkpa ne kɛmɔ Maake hɛlɛle la 12:26

Akee mɔɔ fane mɔwuamra ɛdwazolɛ ne, asoo bɛtɛkengale ye Mosisi buluku ne anu kɛ Nyamenle hanle hilele ye wɔ ɛbɔ ne anu kɛ, ‘Mame a mele Ebileham nee Ayezeke nee Gyekɔbo Nyamenle ne a?’

Edwɛkpa ne kɛmɔ Luku hɛlɛle la 10:26

Gyisɛse buale kɛ, “Duzu a bɛhɛlɛ ye wɔ mɛla ne anu a? Kɛ ɛsi ɛkile ɔ bo ɛ?”

Edwɛkpa ne kɛmɔ Luku hɛlɛle la 6:3

Na Gyisɛse buale bɛ kɛ, “Asoo bɛtɛkengale mɔɔ Devidi yɛle wɔ mekɛ mɔɔ ɛhɔne hunle ye nee ye menli ne mɔ la?