Edwɛkpa ne kɛmɔ Mateyu hɛlɛle la 11:8 - BAEBOLO ANZƐƐ BULUKU NWUANZANWUANZA

⁸ Na duzu a bɛhɔle ye ɛnleanlɛ a? Awie mɔɔ heda ɛdakpa la ɔ? Bɛdabɛ mɔɔ bɛheda ɛdakpa la dede arelemgbunli azua nu.

Edwɛkpa ne kɛmɔ Mateyu hɛlɛle la 11:8 ပူးပေါင်းရင်းမြစ်များ

2 Arl 1:8

Bɛbuale ye kɛ, “Nrenya ne wula enrinli ɛdanlɛ tɛladeɛ na nwoma akyeso hye ye avinli.” Belemgbunli ne zele kɛ, “Yilaegya mɔɔ vi Tehyebe la ɔ.”

Ayezaya Buluku ne 20:2

Mekɛ ne anu ɛnee Ɛdɛnkɛma ɛdendɛ ɛhile Emɔzo ara Ayezaya kɛ, “Kɔzianyi ɛrele ne mɔɔ hye ɛ nze zo la na yeye ɛ gyakɛ mgbɔlaboa ne mɔ,” na yeyɛ ye zɔ, ɔlɛ ɔ nwo zɔ, ɔ gyakɛ gua aze na ɔzo ɔlua.

Zɛkalaya Buluku ne 13:4

Mekɛ ne anu Nyamenle kpɔmanvolɛ biala mɔɔ baha Nyamenle nrɛlaleɛ, yeaha ɛnyelɛzodeɛnwunlɛ edwɛkɛ la baze nwolɛ nyiane. Ɔnrɛva ɛdanlɛ mɔɔ bɛnwo ye futuu la ɔnrɛheda ɔ ti zo ɔnrɛbɛlɛbɛla menli.

Edwɛkpa ne kɛmɔ Mateyu hɛlɛle la 11:7

Mɔɔ Dwɔn ɛdoavolɛma ne ziale kɛ bɛkɔ la, Gyisɛse bɔle ɔ bo kɛ ɔka Dwɔn anwo edwɛkɛ yeahile menli dɔɔnwo ne. Ɔse, “Mɔɔ bɛhɔle Dwɔn anwo lɔ wɔ fienemgbole ne anu la, duzu a ɛnee bɛ nye la kɛ bɛkɛnwu ye a? Ɛhonle mɔɔ anwoma ɛlɛkpusu ye la ɔ?

Edwɛkpa ne kɛmɔ Mateyu hɛlɛle la 11:9

Bɛha bɛhile me ɛ; ɛnee akee duzu a bɛhɔle ye ɛnleanlɛ a? Nyamenle kpɔmanvolɛ ɔ? Ɛhɛe, na meka meahile bɛ kɛ bɛnwunle awie mɔɔ tɛla Nyamenle kpɔmanvolɛ bɔbɔ la.

Edwɛkpa ne kɛmɔ Mateyu hɛlɛle la 3:4

Dwɔn wula tɛladeɛ mɔɔ bɛva afunlumu enrinli a bɛnwo la, na yeva nwoma akyeso yehye ɔ nze zo, yɛɛ ye aleɛ a le abɛbɛ nee wolɛ.

Edwɛkpa ne kɛmɔ Luku hɛlɛle la 7:25

Duzu a bɛhɔle ye ɛnleanlɛ a? Sonla mɔɔ heda ɛdakpa la ɔ? Nɔhalɛ, bɛdabɛ mɔɔ bɛkeda ɛdakpa na bɛde anyelielɛ nu la wɔ arelemgbunli azua nu.

1 Kɔl 4:11

Ɛnɛ nee ɛnɛ ala ɛhɔne nee nzuhɔne tɛku yɛ; yɛ adɛladeɛ ɛtete yɛ nwo, bɛbila yɛ mbaka, yɛnlɛ awuke, mgbɔsa mgbɔsa a ɛdɔ yɛ nwo a;

2 Kɔl 11:27

Meli gyima nee mgbelera dɔɔnwo; aleɛ dwo a nafelɛ ɛngɔ me nye zo; ɛhɔne nee nzuhɔne ku me; mekye ɛhɔne, ɛyɛlɛ ku me yɛɛ melɛ me nwo zɔ ɛlɛ.

Mɛla 28:54

Saa ɔba ye zɔhane a, sonla nrenya bɔbɔ mɔɔ di ɔ nwo eni na ɔle sonlakpole la ati bayɛ se. Ɛhɔne anyezota bamaa yeava ye aleɛ yeavea, ɔnrɛmaa ɔ diema nrenya bie, ɔnrɛmaa ɔ ye bɔbɔ mɔɔ la ye ahonle nwo la bie, na yeayɛ ɔ mra mɔɔ ɔ nee bɛ de la. Ɔku ɔ mra ne mɔ bie bɔbɔ ɔto aleɛ a ɔnrɛmaa awie bie, ɔluakɛ ɛhwee ɛnle sua nu.

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”