Edwɛkpa ne kɛmɔ Mateyu hɛlɛle la 11:5 - BAEBOLO ANZƐƐ BULUKU NWUANZANWUANZA

⁵ anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo mɔwuamra bɛba ngoane nu bieko, yɛɛ bɛka Edwɛkpa ne bɛkile ehyianvolɛma.

Edwɛkpa ne kɛmɔ Mateyu hɛlɛle la 11:5 ပူးပေါင်းရင်းမြစ်များ

2 Arl 5:14

Na Neeman hɔle Dwɔdan ne anloa na ɔdɔle nu fane nsuu kɛmɔ Yilaehya zele ye la, na ɔdele kpɔkɛ bɔkɔɔ. Ye nwonane ne yɛle kɛnlɛma kɛ adɔma nwonane la.

2 Arl 5:7

Yizilayɛ belemgbunli ne asa hanle kɛlata ne na ɔgengale la, nyane ngome manle ɔsuosuanle ye tɛladeɛ ne mɔɔ ɔwula la anu na ɔzele kɛ, “Na mele Nyamenle ɔ, mɔɔ mekola meku sonla eza metunwue ye mɔɔ yemɔti, bɛva nrenya ɛhye bɛrɛlɛ me kɛ menyɛ ye kokobɛ ayile a? Ɛhye kile kɛ konle ala yɛɛ ɔfa yearadoa me a.”

Edwɛndolɛ Buluku ne 146:8

ɔtukue mɔɔ anye ɛzi la anye. Ɛdɛnkɛma dwazo bɛdabɛ mɔɔ bɛgua aze la; ɔkulo bɛdabɛ mɔɔ bɛle tenlene la.

Edwɛndolɛ Buluku ne 22:26

Ehyianli bali ɔ ko ayi, bɛdabɛ mɔɔ bɛkpondɛ Ɛdɛnkɛma la baye ye ayɛlɛ. Ɛdɛnkɛma ɛmaa bɛnyi bɛhyɛ!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:11

Ɛdɛnkɛma zele ye kɛ, “Nwane a bɔle sonla nloa a? Nwane a maa ɔyɛ mumule anzɛɛ anzondiliravolɛ, anzɛɛ nwane a maa ɔnwu debie anzɛɛ ɔyɛ anyenzinliravolɛ a? Asoo tɛ medame, Ɛdɛnkɛma ɔ?

Ayezaya Buluku ne 29:18

Mekɛ ne anu anzondilirama bade buluku nu edwɛkɛ, na anyenzinlirama vi bɛ awozinli kabii ne anu anwu debie.

Ayezaya Buluku ne 29:19

Sonla mɔɔ le bɛlɛvo la banyia anyelielɛ fofolɛ bie wɔ Ɛdɛnkɛma ati, na Yizilayɛ Nwuanzanwuanza Ko ne ati, ehyianvolɛma mɔɔ wɔ menli avinli la ali fɛlɛko.

Ayezaya Buluku ne 43:8

Nyamenle se, “Bɛva menli ne mɔɔ lɛ ɛnyelɛ, noko bɛ nye ɛzi, bɛlɛ ɛnzonlɛ, noko bɛ nzo ɛdi la bɛrɛla.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Zɛkalaya Buluku ne 11:7

Yemɔti menyɛle mboane ne mɔ mɔɔ bɛ nee bɛ ɛlɛkɔ ahunleɛ bɛamaa menli mɔɔ di mboane awule gua la neavolɛ. Menvale agbɔma nwiɔ; mendonle ko “Ɛlolɛ” yɛɛ ko ne noko mendonle ye “Koyɛlɛ”.

Edwɛkpa ne kɛmɔ Mateyu hɛlɛle la 10:8

Bɛyɛ wuleravolɛma ayile, bɛdunwue mɔɔ ɛwu la, bɛmaa kokobɛvolɛma ɛde kpɔkɛ, na bɛdu sunsum ɛtane ne mɔ. Bɛnyia tumi ɛhye mgbane mɔɔ bɛandua nwolɛ ɛhwee a, yemɔti bɛva bɛmaa mgbane mɔɔ bɛnlie ɛhwee a.

Edwɛkpa ne kɛmɔ Mateyu hɛlɛle la 11:4

Gyisɛse buale kɛ, “Bɛzia bɛhɔha mɔɔ bɛde nee mɔɔ bɛnwu ye la bɛhile Dwɔn:

Edwɛkpa ne kɛmɔ Mateyu hɛlɛle la 12:13

Akee ɔzele nrenya ne kɛ, “Tenrɛ ɛ sa nu.” Nrenya ne denrɛle ɔ sa ne anu, na ɔyɛle kpalɛ kɛ ɔ sa ɛhendeɛ ne ala la.

Edwɛkpa ne kɛmɔ Mateyu hɛlɛle la 21:14

Anyenzinliravolɛma nee abuburama rale ɔ nwo ɛkɛ ne wɔ Ɛzonlenlɛ Sua ne anu, na ɔyɛle bɛ ayile.

Edwɛkpa ne kɛmɔ Mateyu hɛlɛle la 5:3

“Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Edwɛkpa ne kɛmɔ Mateyu hɛlɛle la 9:30

Na bɛ nye ne mɔ dukuedukuele. Gyisɛse bɔle bɛ nloa kɛ, “Bɛmmabɔ zo bɛmaa awie biala te.”

Edwɛkpa ne kɛmɔ Maake hɛlɛle la 7:37

Ɔyɛle bɛdabɛ mɔɔ bɛdele la amuala azibɛnwo kpole na bɛbɔle nu bɛhanle kɛ, “Ɔyɛ debie biala boɛ! Ɔmaa anzondilira te edwɛkɛ na mumule tendɛ.”

Edwɛkpa ne kɛmɔ Maake hɛlɛle la 9:25

Gyisɛse nwunle kɛ menli dɔɔnwo ɛlɛba arahyele bɛ nwo zo la, ɔdeanle sunsum ɛtane ne nu na ɔzele ye kɛ, “Sunsum mumule, ɛvi kakula nrenya ye anwo tu, mmabawolo ye bieko!”

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Dw 10:25

Gyisɛse buale bɛ kɛ, “Meha mehile bɛ dɛba, na bɛanlie me bɛanli, Gyima mɔɔ Egya maa meyɛ la di me daselɛ,

Dw 10:38

Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 2:23

Akpabɛnwo Ɛvoyia ne anu ɛnee Gyisɛse wɔ Gyɛlusalɛm, na bɛdabɛ dɔɔnwo mɔɔ bɛnwunle gyima mgbole mɔɔ ɔlile la liele ye lile.

Dw 3:2

Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Dw 5:36

Melɛ dasevolɛ kpole bie mɔɔ ka me nwo edwɛkɛ kpalɛ tɛla mɔɔ Dwɔn hanle la. Gyima ne mɔɔ meyɛ, gyima ne mɔɔ Selɛ ne ɛva ɛmaa me kɛ menyɛ la, yemɔ a di me daselɛ kpalɛ na ɔkile kɛ Selɛ ne a zoanle me a.

Dw 9:7

na ɔzele ye kɛ, “Kɔ kɔnrinzi ɛ nyunlu wɔ nzubula ne mɔɔ bɛfɛlɛ ye Saelowam la anu.” (Saelowam abo a le “Ɛzoanlɛ”.) Nrenya ne hɔle hɔnrinzinle ɔ nyunlu wɔ nzubula ne anu, na ɔkara la ɛnee ɔnwu debie.

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.