Edwɛkpa ne kɛmɔ Mateyu hɛlɛle la 11:11 - BAEBOLO ANZƐƐ BULUKU NWUANZANWUANZA

¹¹ Nɔhalɛ, meka meahile bɛ, wɔ menli mɔɔ bɛwo bɛ bɛgua ɛbɛla azɛlɛ ɛhye azo la anu, awie ɛtɛdwazole mɔɔ le kpole tɛla Dwɔn Sɔnevolɛ ne a. Noko akee awie mɔɔ le ekyi wɔ Anwuma Belemgbunlililɛ nu la le kpole tɛla ye.

Edwɛkpa ne kɛmɔ Mateyu hɛlɛle la 11:11 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 7:28

Na Gyisɛse hanle zɔle zolɛ kɛ, “Meka meahile bɛ, Dwɔn le kpole tɛla sonla biala mɔɔ bɛwo ye la; noko akee mɔɔ le ekyi kpalɛ wɔ Nyamenle Belemgbunlililɛ nu la le kpole tɛla ye.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Dw 1:15

Dwɔn hanle ɔ nwo edwɛkɛ. Ɔse, “Ɛhye a le mɔɔ menganle ɔ nwo edwɛkɛ kɛ, ‘Ɔli me nzi ɔlɛba, na ɔle sonlakpole ɔtɛla me la, ɔboalekɛ bɛkawo me la ɛnee ɔwɔ ɛkɛ.’ ”

Edwɛkpa ne kɛmɔ Mateyu hɛlɛle la 5:19

Awie biala mɔɔ kɛbu ɔ nye kɛgua mɛla ɛhye mɔ biala anu nretee ko azo na ɔkɛhilehile awie mɔ zɔhane la kɛyɛ ekyi wɔ Anwuma Belemgbunlililɛ nu.

Edwɛkpa ne kɛmɔ Mateyu hɛlɛle la 3:11

Mame mefa nzule a mesɔne bɛ a, amaa bɛanwu kɛ bɛnlu bɛ nwo, na awie bie vi me nzi ɛlɛba mɔɔ yemɔ ɔle kpole ɔtɛla me a. Menfɛta kɛ menwɔzoa ye mgbɔlaboa bɔbɔ. Na yemɔ, ɔbava Sunsum Nwuanzanwuanza ne nee ndɛnebualɛ senle ne a yeazɔne a.

Edwɛkpa ne kɛmɔ Luku hɛlɛle la 9:48

na ɔzele bɛ kɛ, “Awie biala mɔɔ kɛlie kakula ɛhye wɔ me duma nu la, ɛlie medame; yɛɛ awie biala mɔɔ kɛlie me la, ɛlie ahenle mɔɔ zoanle me la noko. Ɔluakɛ mɔɔ le bɛ nuhua ekyi la a le sonlakpole kpalɛ wɔ bɛ avinli a.”

1 Pit 1:10

Nyamenle kpɔmanvolɛma mɔɔ hanle ɛlolɛ ɛhye mɔɔ le bɛ ɛdeɛ la anwo edwɛkɛ dole ɛkɛ ne la nleɛnleanle nu, na bɛkpondɛle ngoanelielɛ ɛhye mɔɔ Nyamenle bava amaa bɛ la anu.

Kɛlata mɔɔ bɛhɛlɛle bɛhɔmanle Hibuluma la 11:40

ɔboalekɛ Nyamenle ɛbɔ gyinlabelɛ kpalɛ mɔɔ ɔfa yeamaa yɛ la anwo kpɔkɛ. Ye ngyehyɛlɛ ne titile a le kɛ saa yɛboka bɛ nwo a yɛɛ bɛkɛli munli a.

1 Kɔl 15:9

Ɔluakɛ medame a mele ɛzoanvolɛma ne mɔ anu ekyi kpalɛ kpalɛ, mɔɔ menfɛta kɛ bɛkɛvɛlɛ me ɛzoanvolɛ a, ɔboalekɛ menyɛle Nyamenle menli ne kpɔdekpɔde.

1 Kɔl 6:4

Saa ɔle zɛhae a ɛnee edwɛkɛ ɛhye mɔ bie si a, duzu ati a bɛfa bɛkɔmaa menli mɔɔ asɔne ye ɛmbu bɛ bie la siezie ɛ?

Dw 10:41

Menli dɔɔnwo hɔle ɔ nwo ɛkɛ. Bɛse, “Dwɔn anyɛ nwanwane gyima mgbole biala, noko edwɛkɛ biala mɔɔ ɔhanle wɔ nrenya ɛhye anwo la le nɔhalɛ.”

Dw 3:30

Ɔwɔ kɛ ɔyɛ sonlakpole ɔtɛla me, na meyɛ ekyi.”

Edwɛndolɛ Buluku ne 51:5

Nea, bɛwole me amumuyɛ nu, yɛɛ ɛtane nu a ɔmɔ nrenzɛle me a.

Dwobu Buluku ne 15:14

“Sonla le duzu, mɔɔ ɔ nwo kola te a? Anzɛɛ sonla boni yɛɛ raalɛ ɛwo ye mɔɔ kola sɔ Nyamenle anye a?

Dwobu Buluku ne 14:4

Nwane a kɛhola kɛye debie bɔkɔbɔkɔ kɛvi evinli nu a? Awie biala ɛnle ɛkɛ.

Dwobu Buluku ne 14:1

“Sonla dasanli mɔɔ raalɛ ɛwo ye la mekɛ le ezinraa, yɛɛ nuhua le amaneɛ ngome.

Dw 5:35

Dwɔn le kɛ kɛnlaneɛ la, ɔzɔle na ɔdale, noko bɛ nye liele ye wienyi ne anu mekɛ ekyi bie ala.

Dw 1:27

Yemɔ, ɔli me nzi ɔlɛba, na menfɛta kɛ menwɔzianyi ye mgbɔlaboa zo nyɛma bɔbɔ.”

Zɛkalaya Buluku ne 12:8

Mekɛ ne anu mebawowa Gyɛlusalɛmma, amaa mɔɔ anwo ɛngyinla ye fee bɔbɔ wɔ bɛ avinli la anwo ayɛ se kɛ Devidi. Devidi abo zo amra bayɛ kɛ Nyamenle; bɛbayɛ kɛ Ɛdɛnkɛma soanvolɛ bɛali menli ne ati.

Dw 7:39

Gyisɛse hanle ɛhye wɔ Sunsum ne mɔɔ menli mɔɔ die ye di la banyia ye la anwo. Mekɛ ne anu ɛnee bɛtɛfale Sunsum ne bɛtɛmanle, ɔboalekɛ ɛnee bɛtɛdwazole Gyisɛse bɛtɛbale ye anyunlunyia ne anu.

Ayezaya Buluku ne 30:26

Siane ne ɛdalɛ ne bayɛ kpole kɛ sɛnzɛne ne ɛdalɛ la, yɛɛ sɛnzɛne ne ɛdalɛ bayɛ mɔnwo nsuu kɛ kenle nsuu ɛdalɛ wɔ mekɛ mɔɔ Ɛdɛnkɛma kɛze kɛ ɔyɛ ye menli ne ayile na yeakyekye bɛ nganlɛ ne mɔ mɔɔ yebɔ bɛ la azo la.

Dwobu Buluku ne 25:4

Ɛnee kɛ ɔkɛyɛ na sonla ayɛ tenlenenli wɔ Nyamenle anyunlu ɛ? Anzɛɛ kɛ ɔkɛyɛ na dasanli mɔɔ raalɛ ɛwo ye la anwo ade ɛ?

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

2 Tem 1:10

yɛɛ ɛnɛ bɛlua yɛ ngoanedievolɛ Kelaese Gyisɛse ɛralɛ ne ati bɛla ye ali a. Ɔpɛle ewule tumi ne anu na ɔluale Edwɛkpa ne azo ɔlale ngoane mɔɔ ɛnlɛ awieleɛ la ali ɔhilele yɛ.

Edwɛkpa ne kɛmɔ Luku hɛlɛle la 1:15

Ɔbayɛ sonlakpole wɔ Awulae anyunlu. Ɔnle kɛ ɔno nwanye anzɛɛ nza ɛsesebɛ biala. Sunsum Nwuanzanwuanza ne bawolo ye, bɔbɔ, wɔ mekɛ mɔɔ ɔla ɔ nli akunlu la.

Edwɛkpa ne kɛmɔ Mateyu hɛlɛle la 3:1

Mekɛ ne anu Dwɔn Sɔnevolɛ ne rale Dwudiya fienemgbole ne anu na ɔbɔle nolo kɛ,

Edwɛkpa ne kɛmɔ Mateyu hɛlɛle la 11:10

Ɔluakɛ Dwɔn a Nyamenle Edwɛkɛ ne ka ye ɔ nwo kɛ: ‘Nyamenle se, mebazoa me ɛbɔfoɔ meamaa yealumua ɛ nyunlu na yeahɔziezie adenle ne anu yeamaa wɔ’ la.

Edwɛkpa ne kɛmɔ Mateyu hɛlɛle la 11:12

Ɔvi mekɛ mɔɔ Dwɔn Sɔnevolɛ ne bɔle ye nolobɔlɛ bo mɔɔ ɛradwu ɛnɛ la, ngyegyelɛ dɔɔnwo ɛra Anwuma Belemgbunlililɛ ne anwo ɛsesebɛ, na menli mɔɔ di mgbonde la ɛlɛbɔ mɔdenle kɛ bɛkɛpemgbe bɛkɛnyia ye.