Edwɛkpa ne kɛmɔ Mateyu hɛlɛle la 10:6 - BAEBOLO ANZƐƐ BULUKU NWUANZANWUANZA

⁶ bɛhɔ Yizilayɛma mɔɔ ɛminli la ɛkɛ ne.

Edwɛkpa ne kɛmɔ Mateyu hɛlɛle la 10:6 ပူးပေါင်းရင်းမြစ်များ

Edwɛndolɛ Buluku ne 119:176

Meminli kɛ boane; kpondɛ wɔ sonvolɛ abo zo, ɔluakɛ me rɛle ɛnvi wɔ mɛla ne mɔ.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Gyɛlɛmaya Buluku ne 50:17

“Yizilayɛma le kɛ mboane mɔɔ awenade ɛvoa bɛ ɛmaa bɛbɔ asande la. Aselea belemgbunli ne lumuale hyele bɛ lile, yɛɛ Babelonia Belemgbunli Nɛbukadenɛza ɛfufo bɛ mbowule nu.

Gyɛlɛmaya Buluku ne 50:6

“Me menli ne ɛyɛ kɛ mboane mɔɔ ɛminli la, bɛ neavolɛma a ɛminli bɛ a. Bɛtulu bɛ bɛmaa bɛluolua awoka ne mɔ azo. Bɛkpɔsa awoka mgbole nee ngyikyi zo, bɛnnwu bɛ tunli ne adenle.

Yizikeɛle Buluku ne 34:16

“Mebakpondɛ mɔɔ ɛminli la, na me nee mɔɔ agyakɛ ɛvo adenle la azia ara sua nu; mebabɔ mɔɔ ɛbubu la bɔlɛ, meamaa mɔɔ anwo ɛbɛlɛ ye la anyia anwosesebɛ, na mɔɔ ɛhye nee mɔɔ lɛ anwosesebɛ la, mebavede me nye meanlea bɛ boɛ. Mebamaa biala aleɛ, kɛmɔ ɔfɛta la.

Yizikeɛle Buluku ne 34:4

Bɛannea mɔɔ anwo ɛbɛlɛ ye la, bɛanyɛ mɔɔ ɛnde kpɔkɛ la ayile, mɔɔ ɛboda la, bɛambɔ ye bɔlɛ, mɔɔ vonle adenle la, bɛanva ye bɛamba, bɛamkpondɛ mɔɔ ɛminli la, na bɛvale atisesebɛ nee amumuyɛ a bɛnleanle bɛ a.

Yizikeɛle Buluku ne 34:6

Me mboane ne mɔ bɔle asande, bɛluoluale awoka mgbole nee ngyikyi ne mɔ azo; me mboane ne mɔ bɔle asande wɔ azɛlɛ ye azo amuala, na bɛannyia awie amkpondɛ bɛ anzɛɛ amkpo bɛ bo zo.

Yizikeɛle Buluku ne 34:8

Suzuamgba ala mɔɔ medame Awulae Nyamenle mede aze la, kɛmɔ me mboane ne ɛdɔ agyie, na bɛyɛ aleɛ bɛmaa ɛbɔ nu nanemgbole, na bɛnlɛ mboaneneavolɛ biala, kɛmɔ me mboaneneavolɛma ne amkpo me mboane ne mɔ abo zo, na mboaneneavolɛma ne ɛli bɛdabɛ bɛ ngome bɛ nwo adane, na bɛanyɛne me mboane ne la,

Edwɛkpa ne kɛmɔ Mateyu hɛlɛle la 18:10

“Bɛnlea na bɛambu ngakula ɛhye mɔ anu biala, kɛ ɔle mgbane, ɔluakɛ anwuma lɔ, bɛ soanvolɛma nwu Egya mɔɔ wɔ anwuma la anyunlu dahuu. [

Edwɛkpa ne kɛmɔ Mateyu hɛlɛle la 18:11

“Ɔluakɛ medame Sonla Ra, membale kɛ mebalie bɛdabɛ mɔɔ bɛminli la ngoane.]

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Ɛzoanvolɛma Gyima ne 26:20

Na menlumuale menganle ye wɔ Dɛmasekɛse nee Gyɛlusalɛm yɛɛ Dwudiya maanle ne mɔ amuala anu, nee maanle maanle mɔɔ ɛmboka Dwuuma anwo la anu, kɛ bɛnlu bɛ nwo na bɛzia bɛrɛla Nyamenle ɛkɛ, na bɛbɔ ɛbɛla mɔɔ kile kɛ bɛnlu bɛ nwo la.

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

1 Pit 2:25

Ɛnee bɛle kɛ mboane mɔɔ ɛminli la, na kɛkala bɛva bɛ bɛzia bɛra kɛ bɛrali Mboaneneavolɛ ne nee bɛ ɛkɛla sinzavolɛ ne anzi.