Edwɛkpa ne kɛmɔ Mateyu hɛlɛle la 10:3 - BAEBOLO ANZƐƐ BULUKU NWUANZANWUANZA

³ Felepe nee Baatɔlomiyu; Tɔmase nee Mateyu mɔɔ le adwuledievolɛ ne; Afeɛse ara Gyemise nee Tadease;

Edwɛkpa ne kɛmɔ Mateyu hɛlɛle la 10:3 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 18:17

Saa yeandie bɛ edwɛkɛ a, ka kile asɔnema amuala. Eza saa ɔnrɛdie asɔnema amuala noko edwɛkɛ a, ɛnee fa ye kɛ ɔnze Nyamenle anzɛɛ ɔle kɛ adwuledievolɛ la.

Edwɛkpa ne kɛmɔ Mateyu hɛlɛle la 27:56

Bɛ nuhua bie mɔ a le Mɛle mɔɔ vi Magedala la, Mɛle mɔɔ le Gyemise nee Dwosefi bɛ nli ne, yɛɛ Zɛbɛdi amra ne mɔ bɛ nli ne.

Edwɛkpa ne kɛmɔ Mateyu hɛlɛle la 9:9

Gyisɛse vi ɛkɛ ne na ɔkɔ la, ɔnwunle adwuledievolɛ bie mɔɔ bɛfɛlɛ ye Mateyu la kɛ ɔde adwulelielɛ sua ne anu. Gyisɛse zele ye kɛ, “Bɛla maa yɛhɔ.” Mateyu dwazole na ɔdoale ye.

Edwɛkpa ne kɛmɔ Maake hɛlɛle la 15:40

Ɛnee mraalɛ bie gyi ahane ɛlɛnea mɔɔ ɛlɛkɔ zolɛ la. Bie mɔ a le Mɛle mɔɔ vi Magedala la, Salome, yɛɛ Mɛle mɔɔ le Gyemise Ekyi nee Dwosefi bɛ nli ne.

Edwɛkpa ne kɛmɔ Maake hɛlɛle la 2:14

Wɔ ye ɛkpɔsalɛ ne anu, ɔnwunle Alefiyɛse ara Livae, adwuledievolɛ ne kɛ ɔde ɛkponle nwo wɔ ye gyima nu. Gyisɛse zele ye kɛ, “Bɛla maa yɛhɔ” Na Livae dwazole doale ye.

Edwɛkpa ne kɛmɔ Maake hɛlɛle la 3:18

Andelu, Felepe, Baatɔlomiyu, Mateyu, Tɔmase, Alefiyɛse ara Gyemise, Tadease, Saemɔn mɔɔ le Maanle Kulovolɛ ne,

Edwɛkpa ne kɛmɔ Luku hɛlɛle la 18:10

Ɔse, “Menli nwiɔ bie hɔle Ɛzonlenlɛ Sua ne anu kɛ bɛkazɛlɛ; ko le Falasiinli yɛɛ ko le adwuledievolɛ.

Edwɛkpa ne kɛmɔ Luku hɛlɛle la 18:11

“Falasiinli ne gyinlanle nzisi na ɔzɛlɛle kɛ, ‘Nyamenle, meyɛ wɔ mo kɛ membɔ apo, menli nzisi yɛɛ mendo awuvolɛvalɛ mɛla ne kɛ awie biala de la; meyɛ wɔ mo kɛ menle kɛ adwuledievolɛ ɛhye bɔbɔ mɔɔ wɔ lɔ la.

Edwɛkpa ne kɛmɔ Luku hɛlɛle la 18:13

“Na adwuledievolɛ ne gyinlanle ahane ɛleka bie, yeangulo kɛ ɔkɛkpogya ɔ ti zo bɔbɔ. Ɔvale ɔ sa ɔguale ye ɛbolɛ zo na ɔzele kɛ, ‘O Awulae Nyamenle, nwu me anwunvɔne na mele ɛtanevolɛ!’ ”

Edwɛkpa ne kɛmɔ Luku hɛlɛle la 19:2

Adwuledievolɛ kpanyinli bie noko wɔ sua ne azo mɔɔ ɛnyia ɔ nwo kpole a; bɛfɛlɛ ye Zakeɛse.

Edwɛkpa ne kɛmɔ Luku hɛlɛle la 5:27

Nzinlii Gyisɛse vindele alie nwo na ɔnwunle adwuledievolɛ bie mɔɔ bɛfɛlɛ ye Livae la kɛ ɔde ye gyima nu. Gyisɛse zele ye kɛ, “Bɛla maa yɛhɔ.”

Dw 1:48

Natanayɛle bizale ye kɛ, “Na ɛze me nienwu?” Gyisɛse buale kɛ, “Menwunle wɔ wɔ mekɛ mɔɔ ɛnee ɛde feege baka ne abo la kolaa na Felepe aravɛlɛ wɔ.”

Dw 11:16

Tɔmase (mɔɔ eza bɛfɛlɛ ye Nda la) zele ɔ gɔnwo mɔ ɛdoavolɛma ne mɔ kɛ, “Bɛmaa yɛ nee Kilehilevolɛ ne ɛhɔ na saa ewule bɔbɔ a yɛ nee ye ɛhɔwu.”

Dw 14:22

Dwudase (tɛ Dwudase Yesekaleɔto ɔ) bizale ye kɛ, “Awulae, duzu ati a ɛye ɛ nwo wɔahile yɛ na ɛnrɛye ɛ nwo ɛnrɛhile ewiade ɛ?”

Dw 14:5

Tɔmase bizale ye kɛ, “Awulae, yɛnze ɛleka mɔɔ ɛlɛkɔ la; na kɛ ɔkɛyɛ na yɛanwu adenle ne mɔɔ kɔ ɛkɛ ne la ɛ?”

Dw 14:9

Gyisɛse buale ye kɛ, “Felepe, yemɔti mekɛ tendenle ye mɔɔ me nee bɛ muala ɛdɛnla la bɛnze me? Awie mɔɔ ɛnwu me la ɛnwu Selɛ ne. Duzu ati a akee ɛbiza me kɛ, ‘Kile yɛ Selɛ ne ɛ?’

Dw 21:2

Saemɔn Pita, Tɔmase, mɔɔ bɛfɛlɛ ye Nda, Natanayɛle, mɔɔ vi Kana mɔɔ wɔ Galeli maanzinli nu la, Zɛbɛdi amra ne mɔ, yɛɛ Gyisɛse ɛdoavolɛma gyɛne nwiɔ, bɛ muala bɛwɔ ɛkɛ.

Ɛzoanvolɛma Gyima ne 1:13

Bɛdwule la, bɛhɔle anwuma sua ne mɔɔ ɛnee bɛwɔ nu la anu. Bɛmɛ a le: Pita, Dwɔn, Gyemise yɛɛ Andelu; Saemɔn mɔɔ le Maanle Kulovolɛ ne yɛɛ Felepe nee Tɔmase; Baatɔlomiyu, Mateyu, Afeɛse ara Gyemise, yɛɛ Dwudase mɔɔ le Gyemise ara ne.

Ɛzoanvolɛma Gyima ne 12:17

Ɔmanle ɔ sa zo kɛ bɛyɛ koonwu, na ɔhanle kɛ Awulae zile yele ye wɔ efiade ne la ɔhilele bɛ. Ɔzele bɛ kɛ, “Bɛha bɛhile Gyemise nee mediema mɔɔ ɛha la amuala,” na ɔvindele ɔhɔle.

Ɛzoanvolɛma Gyima ne 15:13

Mɔɔ bɛ nloa penle la, Gyemise dendɛle na ɔzele kɛ, “Mediema, bɛdie me.

Ɛzoanvolɛma Gyima ne 21:18

Aleɛ hyenle la Pɔɔlo nee yɛ hɔle Gyemise ɛkɛ ne kɛ yɛ nee ye kadendɛ; yɛhɔle la ɛnee asɔne mgbanyima ne mɔ amuala wɔ ɛkɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:19

Meangɔnwu ɛzoanvolɛ gyɛne bieko kɛ Gyemise mɔɔ le Awulae adiema nrenya ne ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:9

Gyemise, Pita, yɛɛ Dwɔn mɔɔ diedima ne bu bɛ kɛ bɛle mgbanyima la liele dole nu kɛ, nɔhalɛ, mame a Nyamenle ɛva ɛlolɛ gyima ɛhye ɛwula me sa nu a. Yemɔti bɛzomanle me nee Banabase, bɛyɛle yɛ mo nee yɛ, bɛhilele kɛ bɛlie yɛ bɛdo nu. Akee yɛ muala yɛliele yɛdole nu kɛ yɛmɛ yɛhɔbɔ nolo ne wɔ bɛdabɛ mɔɔ bɛnle Dwuuma la anu na bɛdabɛ noko bɛhɔ Dwuuma anu.

Gyemise Kɛlata ne 1:1

Kɛlata ɛhye vi Gyemise, Nyamenle nee Awulae Gyisɛse Kelaese akɛlɛ ne ɛkɛ. Mebiza Nyamenle menli ne mɔɔ ɛde ɛkponde aleɛabo la amuala kɔsɔɔti ahye.

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.