Edwɛkpa ne kɛmɔ Mateyu hɛlɛle la 10:11 - BAEBOLO ANZƐƐ BULUKU NWUANZANWUANZA

¹¹ “Saa bɛkɔ sua bie anzɛɛ namule bie azo a, bɛbiza bɛnwu sonla mɔɔ kɛlie bɛ la na bɛhɔzokoɛ ye, na bɛdɛnla ɔ nwo ɛkɛ ne ɔhɔdwu mekɛ mɔɔ bɛkɛvi sua ne anzɛɛ namule ne azo la.

Edwɛkpa ne kɛmɔ Mateyu hɛlɛle la 10:11 ပူးပေါင်းရင်းမြစ်များ

Dwobu Buluku ne 31:32

Adendulɛma ɛtɛsokoɛle gua zo ɛlɛ, mebuke me nlenkɛ memaa nyɛvolɛ.

Edwɛkpa ne kɛmɔ Mateyu hɛlɛle la 10:10

bɛmmafa aleɛ kodoku wɔ bɛ adendulɛ nu. Bɛmmafa anwuma adɛladeɛ nwiɔ, mgbɔlaboa anzɛɛ kpɔma, ɔluakɛ soamɛlɛkɛ didi mgbane.

Edwɛkpa ne kɛmɔ Mateyu hɛlɛle la 10:12

Saa bɛwolo awuke nu a, bɛze ɛkɛ ne amra kɛ, ‘Anzonudwolɛ ɛha bɛ.’

Edwɛkpa ne kɛmɔ Maake hɛlɛle la 6:10

Eza ɔzele bɛ kɛ, “Awuke biala mɔɔ bɛkɛlie bɛ nu la, bɛdɛnla ɛkɛ ne ala bɛmaa ɔhɔkpula kenle mɔɔ bɛkɛvi sua ne azo la.

Edwɛkpa ne kɛmɔ Luku hɛlɛle la 19:7

Menli mɔɔ nwunle ye la amuala dendɛle bɛ nzo abo kɛ, “Akee ɛtanenli ɛhye sua nu a nrenya ye ɛhɔ kazokoɛ a!”

Edwɛkpa ne kɛmɔ Luku hɛlɛle la 9:4

Awuke biala mɔɔ bɛkɛlie bɛ nu la, bɛdɛnla ɛkɛ ne kɔkpula mekɛ mɔɔ bɛkɛvi sua ne azo la,

Ɛzoanvolɛma Gyima ne 16:15

Na ɔmanle bɛzɔnenle ye nee ye sua nu amra amuala, na ɔzele yɛ kɛ, “Saa bɛbu me kɛ melɛ diedi wɔ Awulae anu a, ɛnee bɛ nee me ɛradɛnla me sua nu.” Ɔtinlinle zolɛ na ɔ nee yɛ hɔle.