Edwɛkpa ne kɛmɔ Mateyu hɛlɛle la 1:20 - BAEBOLO ANZƐƐ BULUKU NWUANZANWUANZA

²⁰ Na mekɛ mɔɔ ɛnee Dwosefi ɛlɛdwenledwenle ɛhye anwo la, Awulae soanvolɛ yele ɔ nwo hilele ye wɔ ɛlalɛ nu na ɔzele ye kɛ, “Dwosefi, Devidi alɔnra, mmasulo kɛ ɛkɛva Mɛle ɛkɛyɛ ɛ ye, ɔluakɛ ɔlua Sunsum Nwuanzanwuanza ne anwo zo a yenrenzɛ a.

Edwɛkpa ne kɛmɔ Mateyu hɛlɛle la 1:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:11

Na Nyamenle soanvolɛ ne vɛlɛle me, ‘Gyekɔbo!’ Membuale kɛ, ‘Mewɔ ɛke!’

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 46:3

Na Nyamenle zele ye kɛ, “Medame Nyamenle, mɔɔ le ɛ ze mɔ Nyamenle ne la ɔ. Mmasulo kɛ ɛkɛhɔ Yigyibiti, ɔluakɛ mebayɛ wɔ maanle wɔ ɛkɛ ne.

1 Arl 17:13

Yilaegya zele kunlanvolɛ raalɛ ne kɛ, “Mmadwenle nwolɛ. Wɔmɔ kɔnlea yɛ mɔɔ wɔha la. Noko akee dumua te ekyi doa tata maa me kolaa na wɔado ɛ nee ɛ ra nrenya ne bɛ ɛdeɛ ne.

1 Arl 3:5

Kenle ko ne nɔe ne Ɛdɛnkɛma yele ɔ nwo hilele ye wɔ ɛlalɛ nu na ɔzele ye kɛ, “Duzu a ɛkpondɛ kɛ meyɛ memaa wɔ a?”

Edwɛndolɛ Buluku ne 119:125

Mele wɔ sonvolɛ; maa me ndelebɛbo, amaa meanwu wɔ mɛla ne mɔ!

Edwɛndolɛ Buluku ne 143:8

Maa mende wɔ ɛhulolɛ kpundii ne anwo bie nwonlomɔ mangyee ne, ɔluakɛ wɔ nuhua yɛɛ me rɛle wɔ a. Kilehile me adenle mɔɔ menva zo la, ɔluakɛ wɔmɔ ala a me nye la ɛ nwo zo a.

Edwɛndolɛ Buluku ne 94:19

Saa adwenleadwenle bo me nwo zo a, ɛkyekye me rɛle ɛmaa medi fɛlɛko.

Mrɛlɛbulɛ Buluku ne 12:5

Tenlenenli biala adwenle le fɔɔnwo; amumuyɛnli folɛdulɛ le mɛlɛbɛla.

Ayezaya Buluku ne 26:3

Sonla mɔɔ ye adwenle gyi ɛ nwo zo la, ɛmaa ye anzonudwolɛ mɔɔ di munli, ɔboalekɛ ɔ rɛle wɔ wɔ nu.

Ayezaya Buluku ne 30:21

Bɛbade edwɛkɛ wɔ bɛ nzi kɛ ɔlɛka yeahile bɛ kɛ, “Adenle ne ɛne, bɛlua nuhua” wɔ mekɛ mɔɔ bɛkɛminli bɛkɛva bɛne anzɛɛ fema zo la.

Ayezaya Buluku ne 51:7

“Bɛmɛ tenlenema, bɛdie me, bɛmɛ mɔɔ bɛdi me mɛla zo, bɛmmasulo menli ngehanleɛ, yɛɛ bɛmmamaa bɛ ahonle tu bɛ ɛnwunlonwunlanlɛ nwo.

Ayezaya Buluku ne 7:13

Ayezaya buale ye kɛ, “Ɛnee bɛmɛ Devidi abo zo amra, bɛdie! Bɛdwenle kɛ ɔle nzɛmedɛ kɛ bɛkɛgyegye menli, mɔɔ yemɔti bɛlɛgyegye me Nyamenle ɔdaye noko a?

Ayezaya Buluku ne 7:2

Mɔɔ bɛhanle bɛhilele Devidi sua nu amra kɛ ɛlɔnema vi Selea ɛraboka Yifelaem anwo la, Ehaze nee ye menli ne kɔsɔɔti ahonle dule na bɛ nwo wozole bɛ kɛ ɛbɔ nu mbaka mɔɔ anwoma ɛlɛbɔ nu la.

Gyɛlɛmaya Buluku ne 31:22

Yizilayɛma mɔɔ ɛnlɛ diedi a, bɛsie kenlenzu? Memaa debie ngakyile ɛzi ewiade ye: raalɛ bawowa nrenya.”

Gyɛlɛmaya Buluku ne 33:26

ɛnee mebakpo Gyekɔbo nee me sonvolɛ Devidi abo zo amra ne mɔ, yɛɛ menrɛmaa Devidi abo zo sonla ɛnrɛzie Ebileham, Ayezeke, yɛɛ Gyekɔbo abo zo amra. Ɔluakɛ mebaze bɛ anwunvɔne na meamaa bɛakpazi.”

Gyɛlɛmaya Buluku ne 40:9

Hyeefan anlɔnra Gɛdalaya, Ahaekam ara nrenya ne hakyele bɛ nee bɛ menli ne mɔ kɛ, “Bɛmmasulo kɛ bɛkɛzonle Babeloniama. Bɛdɛnla maanle ye anu, bɛzonle Babelonia belemgbunli ne na ɔkɛyɛ boɛ ɔkɛmaa bɛ.

Dwowɛle Buluku ne 2:28

“Na ɔbara kɛ nzinlii, mebawola me Sunsum ne meagua awie biala anwo zo: bɛ mra mrenya nee bɛ mra mraalɛ baha me nrɛlaleɛ ne; bɛ mgbanyinli baha ɛlalɛ, na bɛ mgbavolɛ anwu ɛnyelɛzodeɛnwunlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:6

Na Ɛdɛnkɛma zele bɛ kɛ, “Bɛdie mɔɔ meka la! Saa Nyamenle kpɔmanvolɛ ba bɛ avinli a, medame Ɛdɛnkɛma a meye me nwo mekile ye wɔ ɛnyelɛzodeɛnwunlɛ nu, na metendɛ mekile ye wɔ ɛlalɛ nu a.

Edwɛkpa ne kɛmɔ Mateyu hɛlɛle la 1:18

Kɛ Gyisɛse Kelaese awolɛ ne yɛle la ɛne. Mekɛ mɔɔ Dwosefi yiale Mɛle, mɔɔ le Gyisɛse ɔ nli ne, na ɔtɛnyianle ɔtɛyɛle ɔ nwo debie la bɛnwunle kɛ Mɛle lua Sunsum Nwuanzanwuanza ne anwo zo ɛva ɛkolɛ.

Edwɛkpa ne kɛmɔ Mateyu hɛlɛle la 2:12

Na Nyamenle hanle bɛ ɛlalɛ kɛ bɛmmasia bɛkɔ Belemgbunli Hɛlɔdo anwo lɔ bieko, yemɔti bɛvale adenle gyɛne zo bɛziale bɛhɔle bɛ maanle nu.

Edwɛkpa ne kɛmɔ Mateyu hɛlɛle la 2:13

Mɔɔ bɛhɔle la, Awulae soanvolɛ yele ɔ nwo hilele Dwosefi wɔ ɛlalɛ nu na ɔzele ye kɛ, “Belemgbunli Hɛlɔdo barakpondɛ kakula ye ahu ye, yemɔti dwazo na fa ye nee ɔ nli nriandi kɔ Yigyibiti maanle nu kɔdɛnla ɛkɛ ne kɔkpula mekɛ mɔɔ menwɔze wɔ kɛ akee ɛvi ɛkɛ ne la.”

Edwɛkpa ne kɛmɔ Mateyu hɛlɛle la 2:19

Mɔɔ Belemgbunli Hɛlɔdo wule la, Awulae soanvolɛ hanle Dwosefi ɛlalɛ wɔ Yigyibiti na

Edwɛkpa ne kɛmɔ Mateyu hɛlɛle la 2:22

Na mɔɔ Dwosefi dele kɛ Aakɛleeyɛse a ɛli ɔ ze Hɛlɔdo agya na yemɔ a ɔdi belemgbunli wɔ Dwudiya la, ɔzulole kɛ ɔkɛhɔ ɛkɛ ne. Bɛhakyele ye ɛhye wɔ ɛlalɛ nu, zɔhane ati ɔhɔle Galeli maanzinli nu,

Edwɛkpa ne kɛmɔ Mateyu hɛlɛle la 27:19

Eza mɔɔ ɛnee Paelɛte de ye ndɛnebualɛ ebia ne anu la, ɔ ye dole ye nrɛlaleɛ kɛ, “Mmayɛ nrenya ne ɛhwee na ɔnze nwolɛ bie. Ɔlua yemɔ ɔ ti, menwu ɛzulolɛ kpole ɛnɛ nɔe wɔ ɛlalɛ nu.”

Edwɛkpa ne kɛmɔ Mateyu hɛlɛle la 28:5

Na Nyamenle soanvolɛ ne zele mraalɛ ne mɔ kɛ, “Bɛmmasulo, meze kɛ bɛkpondɛ Gyisɛse mɔɔ bɛbɔle ye meanubaka nu la.

Edwɛkpa ne kɛmɔ Luku hɛlɛle la 1:19

Nyamenle soanvolɛ ne buale kɛ, “Mame a mele Nyamenle soanvolɛ kpanyinli ne mɔɔ bɛfɛlɛ ye Geebeleɛle la. Mame a megyi Nyamenle anyunlu a, yɛɛ yezoa me kɛ menva nrɛlaleɛ fɛlɛko ɛhye membɛlɛ wɔ a.

Edwɛkpa ne kɛmɔ Luku hɛlɛle la 2:4

Dwosefi vi Nazalɛte mɔɔ wɔ Galeli maanzinli nu la hɔle Belemgbunli Devidi sua zo Bɛtelɛhɛm mɔɔ wɔ Dwudiya maanzinli nu la. Ɔhɔle ɛkɛ ne, ɔluakɛ ɔvi Devidi abusua nu.

Ɛzoanvolɛma Gyima ne 5:19

Na kenle ko ne nɔe ne, Awulae soanvolɛ rabukele efiade ne nlenkɛ ne mɔ na ɔvale bɛ ɔvindele na ɔzele bɛ kɛ,

Yekile 19:7

Bɛmaa yɛ nye ɛlie na yɛli fɛlɛko; bɛmaa yɛyeyɛ ye kɛ ɔle kpole! Ɔluakɛ Boaneralɛ ne atɔfolɛlielɛ mekɛ ne ɛdwu, na ye atɔfolɛ nrenya ne ɛziezie ɔ nwo ɛwie.

Maanlebuvolɛma Buluku ne 13:3

Ɛdɛnkɛma soanvolɛ yele ɔ nwo hilele raalɛ ne na ɔzele ye kɛ, “Wɔmɔ, ɛle mota; ɛtɛwole ralɛ ɛlɛ. Ɛbava ɛkolɛ na wɔawo ralɛ nrenya.