Edwɛkpa ne kɛmɔ Mateyu hɛlɛle la 1:2 - BAEBOLO ANZƐƐ BULUKU NWUANZANWUANZA

² Ebileham wole Ayezeke, Ayezeke wole Gyekɔbo, Gyekɔbo wole Dwuda nee ɔ mediema ne mɔ.

Edwɛkpa ne kɛmɔ Mateyu hɛlɛle la 1:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:19

Ebileham ara nrenya Ayezeke abo zo amra ɛne: Ebileham wole Ayezeke.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:26

Akee bɛwole ekyi ne, na yemɔ ɔkara la, ɛnee ɔlɛ Yisɔ agyakɛ taboa ne anzi. Na bɛdonle ye Gyekɔbo. Ayezeke lile ɛvolɛ abulasia la yɛɛ ɔwole bɛ a.

1 Edk 1:28

Ebileham amra mrenya nwiɔ: Ayezeke yɛɛ Yehyemeeyɛle.

1 Edk 1:34

Ebileham ara nrenya a le Ayezeke; Ayezeke amra mrenya a le Yisɔ nee Yizilayɛ.

Ayezaya Buluku ne 41:8

“Na bɛmɛ Yizilayɛma, me sonvolɛ Gyekɔbo abo zo amra mɔɔ mekpa nu meye bɛ, me gɔnwo Ebileham nlɔnra,

Ayezaya Buluku ne 51:2

Bɛnlea bɛ nlenya Ebileham, nee bɛ nla Sɛla mɔɔ zole bɛ; ɔluakɛ mɔɔ ɛnee Ebileham ɛtɛwole ralɛ la, yɛɛ menvɛlɛle ye a. Na menyilale ye memanle ɔ bo zo amra yɛle dɔɔnwo.

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Mateyu hɛlɛle la 1:3

Dwuda wole Pɛlɛze nee Zila (bɛfɛlɛ bɛ nli Teemaa), Pɛlɛze wole Hɛzelɔn, Hɛzelɔn wole Relam,

Ɛzoanvolɛma Gyima ne 7:8

Na Nyamenle manle Ebileham ngyekyeleɛ ɛhye anwo sɛkɛlɛneɛ, yemɔ a le mrenyanu nzonlɛyɛlɛ. Yemɔti Ebileham wole Ayezeke la ye kenle mɔtwɛ ne azo ɔyɛle ye mrenyanu nzonlɛ. Ayezeke wole Gyekɔbo na ɔyɛle ye mrenyanu nzonlɛ, yɛɛ Gyekɔbo wole mralɛ mrenya bulu nee nwiɔ ne, mɔɔ le yɛ nlenya mɔ titile ne, na ɔyɛle bɛ mrenyanu nzonlɛ.

Kɛlata mɔɔ bɛhɛlɛle bɛhɔmanle Hibuluma la 11:11

Ɔlua diedi zo yɛɛ Sɛla, mɔɔ ɛnee yeyɛ ɛrelera na yebo awolɛ zo bɔbɔ la, nrenzɛle wole a, ɔluakɛ ɔliele ɔlile kɛ Nyamenle mɔɔ bɔle ɛwɔkɛ ne la le nɔhalɛ na ɔkola ɔyɛ.

Kɛlata mɔɔ bɛhɛlɛle bɛhɔmanle Hibuluma la 7:14

Yɛze kɛ bɛwole ye wɔ Dwuda abusua nu, yɛɛ Mosisi noko ambɔ abusua ɛhye duma wɔ mekɛ mɔɔ ɔyɛ sɛlɛvolɛma ngyehyɛlɛ ne la.

Yekile 7:5

Apenle ngoko bulu nee nwiɔ vi mbusua ekpunli ɛhye mɔ ko biala anu: Dwuda, Wulubɛn, Gaade, Ahya, Nafetalae, Manasɛ, Semɛyɔn, Livae, Yesakaa, Zɛbulɛn, Dwosefi, yɛɛ Bɛngyaman abusua nu.