Edwɛkpa ne kɛmɔ Mateyu hɛlɛle la 1:11 - BAEBOLO ANZƐƐ BULUKU NWUANZANWUANZA

¹¹ Dwosaya wole Gyɛhɔyakɛn nee ɔ mediema ne mɔ. Mekɛ ɛhye anu yɛɛ Babelɔnoma hyele Dwuda maanlema dɔɔnwo hɔle nlɔnu a.

Edwɛkpa ne kɛmɔ Mateyu hɛlɛle la 1:11 ပူးပေါင်းရင်းမြစ်များ

2 Arl 23:31

Dwowahaze lile ɛvolɛ abulanwiɔ nee nsa la yɛɛ bɛziele ye Dwuda belemgbunli a, yɛɛ ɔdɛnlanle ebia ne azo siane nsa wɔ Gyɛlusalɛm. Ɔ nli a le Gyɛlɛmaya mɔɔ vi Lebena la ara raalɛ Hamutale.

2 Arl 24:14

Nɛbukadenɛza hyele menli mɔɔ wɔ Gyɛlusalɛm la nuokɛ, arelemgbunli mra mrenya nee menli titile mɔɔ wɔ suakpole ne azo la amuala na ɔ nee bɛ hɔle; bɛlua menli apenle bulu. Eza ɔvale dwinvolɛma nee bɛdabɛ mɔɔ bɛze bɛ sa anloa gyima la kɔsɔɔti ɔhɔle na ɔgyakyile bɛdabɛ mɔɔ ehyia ɛwie bɛ ti enrinli tudu wɔ Dwuda maanle ne anu la.

2 Arl 25:11

Na Nɛbuzaladan vale menli mɔɔ hale suakpole ne azo mɔɔ ze gyima, nee bɛdabɛ mɔɔ bɛva bɛ nwo bɛmaa Babeloniama la amuala hɔle Babelonia.

2 Edk 36:10

Ɛvolɛ ne mɔɔ ɔlile ebia ne la ala anu, nyenyensuo mekɛ ne anu, Belemgbunli Nɛbukadenɛza zoanle manle bɛhɔvale ye bɛhɔle Babelonia, na bɛsesale Ɛdɛnkɛma Ɛzonlenlɛ Sua ne anu dwora nee ahyɛnze biala mɔɔ sonle bolɛ la bɛhɔle, na bɛyɛle ɔ diema Zɛdikaya Dwuda nee Gyɛlusalɛm belemgbunli.

2 Edk 36:20

Akee bɛhyele bɛdabɛ mɔɔ bɛangu bɛ la amuala nuokɛ bɛ nee bɛ hɔle nlɔnu wɔ Babelonia, na bɛmanle bɛhɔzonlenle Babelonia belemgbunli ne nee ɔ mra mrenya ne mɔ toonwo ɔhɔdwule kɛ akee Pɛhyea Belemgbunli Maanle ne rale zolɛ la.

Ayezaya Buluku ne 13:1

Nrɛlaleɛ mɔɔ fane Babelɔn anwo, mɔɔ Nyamenle luale Emɔzo ara Ayezaya anwo zo vale dole gua la ɛne:

Gyɛlɛmaya Buluku ne 39:9

Na Babelonia ɛlɔnema kpanyinli Nɛbuzaladan vale menli mɔɔ hale suakpole ne azo, nee menli mɔɔ ɛva bɛ nwo ɛmaa ye dɛba la hɔle nlɔnu wɔ Babelonia.

Daneɛle Buluku ne 1:2

Na Awulae yele Belemgbunli Gyɛhɔyakem manle Nɛbukadenɛza lile ɔ nwo zo konim na ɔsesale Ɛzonlenlɛ Sua ne anu ninyɛne ne mɔ bie ɔhɔle. Ɔvale ninyɛne ne mɔ ɔhɔle Hyaenaa na ɔhɔguale bɛ ye bozonle ne abo.

Edwɛkpa ne kɛmɔ Mateyu hɛlɛle la 1:12

Bɛvale bɛ bɛhɔle Babelɔn la nzinlii Gyɛhɔyakɛn wole Hyealeteɛle, Hyealeteɛle wole Zɛlɛbabɛle,

Edwɛkpa ne kɛmɔ Mateyu hɛlɛle la 1:17

Zɔhane ati, ɔvi Ebileham anwo zo toonwo mɔɔ badwu Devidi anwo zo la le awolɛndoazo bulu nee nna, yɛɛ ɔvi Devidi anwo zo toonwo mɔɔ badwu mekɛ mɔɔ bɛhyele Dwuda maanlema bɛhɔle Babelɔn la le awolɛndoazo bulu nee nna, yɛɛ ɔvi mekɛ zɔhane mɔɔ badwu Kelaese ne awolɛ nu la le awolɛndoazo bulu nee nna.