Edwɛkpa ne kɛmɔ Luku hɛlɛle la 9:7 - BAEBOLO ANZƐƐ BULUKU NWUANZANWUANZA

⁷ Hɛlɔdo mɔɔ ɛnee le Galeli maanzinli zo neavolɛ la dele mɔɔ ɛlɛkɔ zolɛ la amuala, na ye adwenle zɛkyele. Ɔluakɛ ɛnee bie mɔ ɛlɛka kɛ, Dwɔn Sɔnevolɛ ne ɛzia ɛra ngoane nu.

Edwɛkpa ne kɛmɔ Luku hɛlɛle la 9:7 ပူးပေါင်းရင်းမြစ်များ

Edwɛndolɛ Buluku ne 73:19

Ndɛndɛ ne ala ɛnee bɛ bo zo ɛbɔ, bɛ bo zo ɛminli ɛzulolɛ ɛzulolɛ bie.

Ayezaya Buluku ne 22:5

Ɔluakɛ Tumivolɛ Awulae Nyamenle ne anyezota, ye konle nee ye menli ɛhunlɛ mekɛ wɔ Ɛnyelɛzodeɛnwunlɛ Bɔnza ɛdwu, na bɛbabubu suakpole ne bane ne mɔ bɛagua, na ɛdeɛdeanlɛ bara awoka ne mɔ azo lɔ.

Maeka Buluku ne 7:4

Kpalɛ mɔɔ wɔ bɛ avinli la le kɛ mbowule nyɛma yɛɛ mɔɔ di boɛ la le kɛ mbowuzaka. Mekɛ mɔɔ bɛfa bɛadea bɛ la ɛdwu; kɛkala ɔnrɛhyɛ biala, bɛ adwenle baha abɔ nu.

Edwɛkpa ne kɛmɔ Mateyu hɛlɛle la 11:2

Gyisɛse gyima mɔɔ ɛnee ɔlɛdi la nganeɛ dwule Dwɔn Sɔnevolɛ ne anzo nu wɔ mekɛ mɔɔ ɛnee ɔla efiade la. Yemɔti ɔzoanle ye ɛdoavolɛma ne bie mɔ wɔ Gyisɛse ɛkɛ ne;

Edwɛkpa ne kɛmɔ Maake hɛlɛle la 8:28

Bɛbuale ye kɛ, “Bie mɔ se wɔmɔ a ɛle Dwɔn Sɔnevolɛ ne; bie mɔ noko se wɔmɔ a ɛle Yilaegya, yɛɛ eza bie mɔ se ɛle Nyamenle kpɔmanvolɛma ne mɔ ko.”

Edwɛkpa ne kɛmɔ Luku hɛlɛle la 13:31

Mekɛ ne anu Falasiima bie rale Gyisɛse anwo ɛkɛ ne razele ye kɛ, “Ye ɛ nwo ɛke na kɔ ɛleka fofolɛ, ɔluakɛ Hɛlɔdo kpondɛ wɔ ahu wɔ.”

Edwɛkpa ne kɛmɔ Luku hɛlɛle la 21:25

“Sɛkɛlɛneɛ ɛzulolɛ basisi sɛnzɛne ne, siane ne nee nwɔlɔra ne mɔ anyunlu. Maanle maanle arɛle babɔ, na bɛ ti akunlu azɛkye nyevile ne ɛzɛkyelɛ nee ye ɛhululɛ nwo.

Edwɛkpa ne kɛmɔ Luku hɛlɛle la 23:7

Na mɔɔ ɔdele ɔ bo kɛ Gyisɛse vi maanzinli ne mɔɔ Hɛlɔdo a nea zo la anu la, ɔmanle bɛvale ye bɛhɔmanle Hɛlɔdo; mekɛ ne anu ɛnee Hɛlɔdo ɔdaye yera Gyɛlusalɛm.

Edwɛkpa ne kɛmɔ Luku hɛlɛle la 3:1

Mɔɔ bɛvale Taebileɛse bɛziele Wulomu Maanle Maanle Belemgbunli na ɔnyianle ɛvolɛ bulu nee nnu la, ɛnee Pɔnteɛse Paelɛte a le amɛnlado wɔ Dwudiya a, yɛɛ Hɛlɔdo noko a ɛnee nea Galeli maanzinli ne azo a. Hɛlɔdo adiema Felepe ɔdaye ɛnee ɔnea Ayetulia nee Telakonaetɛse maanzinli zo, yɛɛ Laeseenease noko nea Abelin maanzinli zo.

Edwɛkpa ne kɛmɔ Luku hɛlɛle la 9:19

Bɛbuale ye kɛ, “Bie mɔ se wɔmɔ a le Dwɔn Sɔnevolɛ ne, bie mɔ noko se wɔmɔ a le Yilaegya, yɛɛ bie mɔ se mɔmoane Nyamenle kpɔmanvolɛma ne mɔ anu ko a ɛzia ɛra ngoane nu a.”