Edwɛkpa ne kɛmɔ Luku hɛlɛle la 9:62 - BAEBOLO ANZƐƐ BULUKU NWUANZANWUANZA

⁶² Gyisɛse zele ye kɛ, “Awie biala mɔɔ kɛzɔ koanlɛ nu wɔ ye ɛya nu na ɔkɛtoto ɔ nye ɔ nzi la ɛnfɛta Nyamenle Belemgbunlililɛ ne.”

Edwɛkpa ne kɛmɔ Luku hɛlɛle la 9:62 ပူးပေါင်းရင်းမြစ်များ

1 Arl 19:20

na Yilaehya gyakyile ye nlankɛ ne mɔ ɛkɛ na ɔnriandile ɔdoale Yilaegya ɔhanle ɔhilele ye kɛ, “Maa mengɔngɛla ɔmɔ nee egya na mearadoa wɔ.” Yilaegya buale ye kɛ, “Sia ɛ nzi ɛ. Mensisi ɛ nwo zo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 3:13

Mediema, nɔhalɛ, menva ye kɛ me sa ɛha ahyɛlɛdeɛ ne; debie ko yɛɛ meyɛ a, na yemɔ a le kɛ me rɛle kɛvi mɔɔ ɛze me nzi la na menwɔbɔ mɔdenle kɛ menwɔdwu mɔɔ wɔ me nyunlu la anwo.

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

Kɛlata mɔɔ bɛhɛlɛle bɛhɔmanle Hibuluma la 10:38

Diedi zo yɛɛ sonla ne mɔɔ sɔ me nye la balua anyia ngoane a. Saa ɔsia ɔ nzi a, me nye ɛnrɛlie ɔ nwo.”