Edwɛkpa ne kɛmɔ Luku hɛlɛle la 9:44 - BAEBOLO ANZƐƐ BULUKU NWUANZANWUANZA

⁴⁴ “Bɛmaa ɛhye ɛhɔ bɛ nzo nu! Bɛbaye medame Sonla Ra bɛawula menli sa nu.”

Edwɛkpa ne kɛmɔ Luku hɛlɛle la 9:44 ပူးပေါင်းရင်းမြစ်များ

2 Sam 24:14

Na Devidi zele Gaade kɛ, “Mewɔ anwongyelelɛ nu! Noko akee kɛ dasanli kɛdua me kakɛ la, maa Ɛdɛnkɛma mumua ne ɛdua me kakɛ, ɔluakɛ yemɔ, ye anwunvɔnezelɛ le kpole.”

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 26:2

“Kɛmɔ bɛdabɛ bɛze la, yeha kenle nwiɔ ɛnee Akpabɛnwo Ɛvoyia ne ɛdwu zo, na bɛbaye medame Sonla Ra bɛamaa bɛabɔ me meanubaka nu.”

Edwɛkpa ne kɛmɔ Maake hɛlɛle la 8:31

Akee Gyisɛse bɔle ɔ bo kɛ ɔkilehile ye ɛdoavolɛma ne kɛ, “Ɔwɔ kɛ Medame Sonla Ra, menwu amaneɛ somaa na mgbanyima ne nee sɛlɛvolɛ mgbanyinli nee mɛla kilehilevolɛma ne mɔ kpo me. Bɛbahu me na kenle nsa ne anzi mebadwazo meara ngoane nu bieko.”

Edwɛkpa ne kɛmɔ Maake hɛlɛle la 9:31

ɔboalekɛ ɛnee ɔlɛkilehile ye ɛdoavolɛma ne kɛ, “Bɛbaye Medame Sonla Ra bɛawula menli sa nu bɛamaa bɛahu me, na ye kenle nsa ne anzi mebadwazo meara ngoane nu.”

Edwɛkpa ne kɛmɔ Luku hɛlɛle la 1:66

Awie biala mɔɔ dele la dwenlenle nwolɛ, ɔluakɛ ɛnee yela ɛkɛ ne wienyi kɛ Awulae tumi ne wɔ kakula ne anwo zo. Yemɔti bɛhanle kɛ, “Nɔhalɛ, kakula ɛhye bayɛ sonlakpole!”

Edwɛkpa ne kɛmɔ Luku hɛlɛle la 18:31

Gyisɛse vale ɛdoavolɛma bulu nee nwiɔ ne hɔle ahane na ɔzele bɛ kɛ, “Bɛdie! Yɛlɛkɔ Gyɛlusalɛm, na ɛkɛ ne yɛɛ debie biala mɔɔ Nyamenle kpɔmanvolɛma hɛlɛle wɔ medame Sonla Ra me nwo la bayɛ zɔhane a.

Edwɛkpa ne kɛmɔ Luku hɛlɛle la 2:19

Mɛle vale edwɛkɛ ɛhye mɔ amuala ziele ɔ ti anu na ɔdwenlenle nwolɛ kpalɛ.

Edwɛkpa ne kɛmɔ Luku hɛlɛle la 2:51

Yemɔti Gyisɛse nee bɛ ziale rale Nazalɛte, na ɔyɛle tieyɛ ɔmanle bɛ. Ɔ nli vale edwɛkɛ ɛhye mɔ amuala ziele ɔ ti akunlu.

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Edwɛkpa ne kɛmɔ Luku hɛlɛle la 9:22

Akee Gyisɛse zele bɛ kɛ, “Medame Sonla Ra, ɔwɔ kɛ menwu amaneɛ somaa na mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ kpo me. Bɛbahu me, na ye kenle nsa ne anzi Nyamenle badwazo me ara ngoane nu.”

Dw 16:31

Gyisɛse buale kɛ, “Akee bɛlie bɛli ɔ?

Dw 16:4

Na meha ɛhye mɔ mehile bɛ, amaa saa mekɛ ne dwu na bɛlɛfa bɛayɛ bɛ a, bɛahakye kɛ menganle mengilele bɛ. “Meanga ɛhye mɔ meangile bɛ alumua ne, ɔboalekɛ ɛnee me nee bɛ a de a.

Dw 19:11

Gyisɛse buale ye kɛ, “Ɛlɛ me nwo zo tumi, ɔluakɛ Nyamenle yɛɛ ɛva ɛmaa wɔ a. Yemɔti sonla ne mɔɔ vale me rawulale ɛ sa nu la a di ɛzonle kpole kpalɛ a.”

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Kɛlata mɔɔ bɛhɛlɛle bɛhɔmanle Hibuluma la 2:1

Zɔhane ati ɔwɔ kɛ yɛsɔ nɔhalɛ edwɛkɛ ne mɔɔ yɛde la anu ɛsesebɛ, amaa yɛamminli.