Edwɛkpa ne kɛmɔ Luku hɛlɛle la 9:41 - BAEBOLO ANZƐƐ BULUKU NWUANZANWUANZA

⁴¹ Gyisɛse buale kɛ, “Bɛmɛ mɔɔ bɛnlɛ diedi na ɛvonlɛ ala a bɛfo a! Me nee bɛ ɛdɛnla ɔhɔkpula kenlenzu? Menyia bɛ nwo abotane ɔhɔkpula kenlenzu?” Na ɔzele nrenya ne kɛ, “Fa ɛ ra ne bɛla ɛke.”

Edwɛkpa ne kɛmɔ Luku hɛlɛle la 9:41 ပူးပေါင်းရင်းမြစ်များ

2 Arl 5:8

Na mɔɔ Nyamenle kpɔmanvolɛ Yilaehya dele edwɛkɛ ne nee kɛ belemgbunli ne zile suosuanle ye tɛladeɛ mɔɔ ɔwula la anu la, ɔzoanle ɔmanle bɛhɔzele ye kɛ, “Na duzu ati yɛɛ wɔsuosua wɔ tɛladeɛ ne anu a? Maa ɔrɛla me nwo ɛke amaa yeanwu kɛ Nyamenle kpɔmanvolɛ wɔ Yizilayɛ.”

Edwɛndolɛ Buluku ne 78:8

amaa bɛanyɛ kɛ bɛ nlenya mɔ, bɛanyɛ awolɛndoazo atuadelɛma nee anzosesebɛ; awolɛndoazo mɔɔ ɛnnea ɛleka ko, mɔɔ ɛnli nɔhalɛ ɛmmaa Nyamenle la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:28

Na Ɛdɛnkɛma zele Mosisi kɛ, “Kenlenzu yɛɛ bɛkɛkpo kɛ bɛnrɛli me mɛla ne mɔ azo a?

Gyɛlɛmaya Buluku ne 4:14

O Gyɛlusalɛm, ye ɛtane fi wɔ ahonle nu, amaa bɛalie wɔ ngoane. Bɛfa ɛtaneyɛlɛ adwenle bɛazie bɛ adwenle nu toonwo yeahɔdwu kenlenzu?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:11

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:27

“Kenle nyɛ yɛɛ munzule menli ɛhye mɔ fa adendɛ atia me a? Mede Yizilayɛma ɛdendɛlɛ mɔɔ bɛtendɛ bɛtia me la.

Edwɛkpa ne kɛmɔ Mateyu hɛlɛle la 11:28

“Bɛdabɛ mɔɔ bɛzo ɛnlomboɛ na bɛvɛ la, bɛ muala bɛrɛla me nwo ɛke, na menwɔmaa bɛ ɛnwomenlelielɛ.

Edwɛkpa ne kɛmɔ Mateyu hɛlɛle la 12:39

Gyisɛse buale bɛ kɛ, “Adwuleso amra ye le munzule menli, bɛnze Nyamenle! Bɛbiza bɛanlea nwanwane sɛkɛlɛneɛ? Bɛnrɛnwu bie, kyesɛ Nyamenle kpɔmanvolɛ Dwona ɛdeɛ ne ala.

Edwɛkpa ne kɛmɔ Mateyu hɛlɛle la 12:45

akee ɔfinde na ɔkɔfa sunsum ɛtane nsuu mɔɔ le amumuyɛ tɛla ɔdaye mumua ne la ɔba na bɛbatɛnla ɛkɛ ne. Nzinlii sonla ɛhye akee sɛkye kpalɛ bɔkɔɔ tɛla alumua ne. Zɔhane ala yɛɛ ɔbazi adwuleso amra munzule anwo zo a.”

Edwɛkpa ne kɛmɔ Mateyu hɛlɛle la 16:4

Adwuleso amra munzule mɔɔ ɛnze Nyamenle a! Bɛbiza me bɛanlea nwanwane sɛkɛlɛneɛ? Bɛnrɛnwu bie! Mɔɔ bɛkɛnwu ye la ala a le Dwona ɛdeɛ ne.” Na Gyisɛse vile bɛ nwo ɛkɛ ne hɔle.

Edwɛkpa ne kɛmɔ Mateyu hɛlɛle la 17:17

Gyisɛse buale kɛ, “Bɛmɛ mɔɔ bɛnlɛ diedi na bɛfo a! Me nee bɛ ɛdɛnla, menyia bɛ nwo abotane ɔhɔdwu kenlenzu? Fa kakula nrenya ne bɛla ɛke.”

Edwɛkpa ne kɛmɔ Mateyu hɛlɛle la 23:36

Nɔhalɛ, meka meahile bɛ, ɛhye mɔ amuala anwo ndeanlɛ bara bɛdabɛ adwuleso amra anwo zo.

Edwɛkpa ne kɛmɔ Mateyu hɛlɛle la 3:7

Dwɔn nwunle kɛ menli dɔɔnwo vi Falasiima nee Sadusiima fane ne mɔ anu ɛlɛba bɛamaa bɛazɔne bɛ la, ɔzele bɛ kɛ, “Bɛmɛ nwɔlɛ! Nwane a zele bɛ kɛ bɛnriandi bɛvi Nyamenle ndeanlɛ ne mɔɔ bara la anwo ɛ?

Edwɛkpa ne kɛmɔ Maake hɛlɛle la 10:14

Mɔɔ Gyisɛse nwunle ye la, ɔvale ɛya na ɔzele ye ɛdoavolɛma ne mɔ kɛ, “Bɛgyakyi ngakula ne mɔ bɛmaa bɛrɛla me nwo, bɛmmatua bɛ, na bɛdabɛ mɔɔ bɛle kɛ ɛhye mɔ zɛhae la yɛɛ Nyamenle Belemgbunlililɛ ne le bɛ ɛdeɛ a.

Edwɛkpa ne kɛmɔ Maake hɛlɛle la 10:49

Gyisɛse gyinlanle na ɔzele kɛ, “Bɛvɛlɛ ye bɛmaa me.” Bɛvɛlɛle nrenya anyenzinliravolɛ ne na bɛzele ye kɛ, “Ka wɔ ahonle to azule nu; dwazo na ɔlɛfɛlɛ wɔ.”

Edwɛkpa ne kɛmɔ Maake hɛlɛle la 9:19

Gyisɛse zele bɛ kɛ, “Bɛmɛ mɔɔ bɛnlɛ diedi a! Me nee bɛ ɛdɛnla ɔhɔkpula kenlenzu? Menyia bɛ nwo abotane ɔhɔkpula kenlenzu? Bɛva kakula ne bɛrɛlɛ me!”

Edwɛkpa ne kɛmɔ Luku hɛlɛle la 8:25

Akee ɔzele ye ɛdoavolɛma ne kɛ, “Bɛ diedi ne wɔ nienwu?” Na ɔyɛle bɛ azibɛnwo na bɛzulole, na bɛhanle bɛhilele bɛ nwo ngoko kɛ, “Duzu sonla a le ɛhye? Ɔtendɛ a anwoma nee azule bɔbɔ tie ye!”

Edwɛkpa ne kɛmɔ Luku hɛlɛle la 9:40

Membodole wɔ ɛdoavolɛma ne mɔ kɛ bɛdu ye wɔ ɔ nwo bɛmaa me, noko bɛangola.”

Edwɛkpa ne kɛmɔ Luku hɛlɛle la 9:42

Mɔɔ kakula ne ɛlɛba la, sunsum ɛtane ne manle ɔpɛle ɔfinle na ye mgbutike ne rale. Gyisɛse deanle sunsum ɛtane ne nu, ɔdule ye, ɔyɛle kakula ne ayile, na ɔvale ye ɔmanle ɔ ze.

Dw 14:9

Gyisɛse buale ye kɛ, “Felepe, yemɔti mekɛ tendenle ye mɔɔ me nee bɛ muala ɛdɛnla la bɛnze me? Awie mɔɔ ɛnwu me la ɛnwu Selɛ ne. Duzu ati a akee ɛbiza me kɛ, ‘Kile yɛ Selɛ ne ɛ?’

Dw 20:27

Akee ɔzele Tɔmase kɛ, “Tɔmase, fa ɛ sa bɛla ɛke na nea me sa nu; tenrɛ ɛ sa fua me nvenle. Gyakyi wɔ kpolerazulɛ ne na die di!”

Ɛzoanvolɛma Gyima ne 13:18

na ɔnyianle bɛ nwo abotane ɔnleanle bɛ gyɛlɛɛnye wɔ ɛsɛlɛ ne azo ɛvolɛ abulanla.

Ɛzoanvolɛma Gyima ne 2:40

Na Pita hɔle zolɛ hanle edwɛkɛ dɔɔnwo hilele bɛ na ɔdule bɛ folɛ kɛ, “Bɛhwe bɛ nwo bɛvi amaneɛ mɔɔ amumuyɛma ɛhye mɔ banwu ye la anu.”

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Mɛla 32:5

Bɛanli nɔhalɛ bɛammaa ye, bɛnle ɔ mra ko, ɔboalekɛ bɛ nwo lɛ dɛne; bɛle awolɛndoazo ɛtane, anzosesebɛma.

Kɛlata mɔɔ bɛhɛlɛle bɛhɔmanle Hibuluma la 3:19

Ɛhye maa yɛnwu kɛ bɛandwu ɛleka ne, ɔboalekɛ bɛanlie bɛanli.

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

Kɛlata mɔɔ bɛhɛlɛle bɛhɔmanle Hibuluma la 4:2

Ɔluakɛ yɛdayɛ noko yɛde Edwɛkpa ne, kɛmɔ bɛdele la. Bɛdele edwɛkɛ ne, na kɛmɔ bɛanlie bɛanli la ati, yeanyɛ nvasoɛ yeammaa bɛ.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.