Edwɛkpa ne kɛmɔ Luku hɛlɛle la 9:22 - BAEBOLO ANZƐƐ BULUKU NWUANZANWUANZA

²² Akee Gyisɛse zele bɛ kɛ, “Medame Sonla Ra, ɔwɔ kɛ menwu amaneɛ somaa na mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ kpo me. Bɛbahu me, na ye kenle nsa ne anzi Nyamenle badwazo me ara ngoane nu.”

Edwɛkpa ne kɛmɔ Luku hɛlɛle la 9:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Daneɛle Buluku ne 9:26

Mekɛ zɔhane anzi bɛbahu sonla ne mɔɔ bɛkpokpa ye nwole la atisesebɛ nu. Na belemgbunli holɛ ko ne mɔɔ bara la ɛlɔnema ne bazɛkye suakpole ne nee ɛleka nwuanzanwuanza ne. Ye awieleɛ bara kɛ azuyilɛ na nzinlii yeawie konle. Ninyɛne dɔɔnwo bazɛkye, kɛmɔ Nyamenle ɛhyehyɛ la.

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Edwɛkpa ne kɛmɔ Mateyu hɛlɛle la 17:12

Noko meka meahile bɛ kɛ, Yilaegya ɛra dɛbadɛba, noko menli annwu ye, bɛyɛle ye kɛmɔ bɛdabɛ bɛkulo la. Zɔhane ala noko yɛɛ bɛbayɛ medame, Sonla Ra a.”

Edwɛkpa ne kɛmɔ Mateyu hɛlɛle la 17:22

Mɔɔ ɛdoavolɛma ne amuala anloa yiale Galeli la, Gyisɛse zele bɛ kɛ, “Bɛbaye medame Sonla Ra bɛamaa menli

Edwɛkpa ne kɛmɔ Mateyu hɛlɛle la 27:63

na bɛzele ye kɛ, “Yɛmenle, yɛkakye kɛ mekɛ mɔɔ adalɛ ne de aze la, ɔhanle kɛ, ‘Ye kenle nsa ne azo bɛbadwazo me bɛara ngoane nu.’

Edwɛkpa ne kɛmɔ Maake hɛlɛle la 8:31

Akee Gyisɛse bɔle ɔ bo kɛ ɔkilehile ye ɛdoavolɛma ne kɛ, “Ɔwɔ kɛ Medame Sonla Ra, menwu amaneɛ somaa na mgbanyima ne nee sɛlɛvolɛ mgbanyinli nee mɛla kilehilevolɛma ne mɔ kpo me. Bɛbahu me na kenle nsa ne anzi mebadwazo meara ngoane nu bieko.”

Edwɛkpa ne kɛmɔ Maake hɛlɛle la 9:31

ɔboalekɛ ɛnee ɔlɛkilehile ye ɛdoavolɛma ne kɛ, “Bɛbaye Medame Sonla Ra bɛawula menli sa nu bɛamaa bɛahu me, na ye kenle nsa ne anzi mebadwazo meara ngoane nu.”

Edwɛkpa ne kɛmɔ Luku hɛlɛle la 17:25

Noko ɔwɔ kɛ medumua menwu amaneɛ dɔɔnwo na adwuleso amra kpo me.

Edwɛkpa ne kɛmɔ Luku hɛlɛle la 24:26

Asoo bɛnnwu ye kɛ ɔwɔ kɛ Mɛzaya ne nwu amaneɛ ɛhye mɔ amuala na yeahɔ ye anyunlunyia ne anu?”

Edwɛkpa ne kɛmɔ Luku hɛlɛle la 24:44

Akee ɔzele bɛ kɛ, “Ɛhye mɔ a le ninyɛne mɔɔ menganle nwolɛ edwɛkɛ mengilele bɛ wɔ mekɛ mɔɔ ɛnee me nee bɛ de la: debie biala mɔɔ bɛhɛlɛ ye wɔ Mosisi mɛla ne anu, nee mɔɔ wɔ Nyamenle kpɔmanvolɛma, nee Edwɛndolɛ mbuluku ne mɔ anu mɔɔ fane me nwo la kpokpoti ɔwɔ kɛ yɛ nɔhalɛ.”

Edwɛkpa ne kɛmɔ Luku hɛlɛle la 24:7

‘Ɔwɔ kɛ bɛye Sonla Ra ne bɛwula ɛtanevolɛma asa anu, na bɛbɔ ye meanubaka nu bɛku ye; na ye kenle nsa ne anzi ɔdwazo ɔba ngoane nu.’ ”

Edwɛkpa ne kɛmɔ Luku hɛlɛle la 9:44

“Bɛmaa ɛhye ɛhɔ bɛ nzo nu! Bɛbaye medame Sonla Ra bɛawula menli sa nu.”

1 Kɔl 15:4

Bɛziele ye na ye kenle nsa ne azo, Nyamenle dwazole ye rale ngoane nu, kɛmɔ Nyamenle Edwɛkɛ ne se la.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.