Edwɛkpa ne kɛmɔ Luku hɛlɛle la 9:10 - BAEBOLO ANZƐƐ BULUKU NWUANZANWUANZA

¹⁰ Ɛdoavolɛma ne ziale rale rahanle mɔɔ bɛyɛle la amuala bɛhilele Gyisɛse. Na ɔvale bɛ ɔ nee bɛ hɔle sua bie mɔɔ bɛfɛlɛ ye Bɛteseeyeda la azo.

Edwɛkpa ne kɛmɔ Luku hɛlɛle la 9:10 ပူးပေါင်းရင်းမြစ်များ

Zɛkalaya Buluku ne 1:10

Na nrenya ne mɔɔ gyi ‘mɛtele’ mbaka ne mɔ avinli la buale kɛ, ‘Ɛhye mɔ a Ɛdɛnkɛma ɛzoa bɛ kɛ bɛrakpɔla azɛlɛ ye la.’

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Edwɛkpa ne kɛmɔ Maake hɛlɛle la 2:7

“Duzu munzule edwɛkɛ a sonla ye ɛlɛka atia Nyamenle la? Nyamenle ala a fa ɛtane kyɛ a!”

Edwɛkpa ne kɛmɔ Luku hɛlɛle la 10:17

Abulasuu nee nwiɔ ne vale fɛlɛkolilɛ ziale rahanle hilele Gyisɛse kɛ, “Awulae, saa yɛbɔ wɔ duma yɛtendɛ yɛkile sunsum ɛtane ne mɔ bɔbɔ a bɛbɛlɛ bɛ nwo aze bɛtie yɛ!”

Dw 1:44

(Felepe vi Bɛteseeyeda, Andelu nee Pita sua zo.)

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.