Edwɛkpa ne kɛmɔ Luku hɛlɛle la 9:1 - BAEBOLO ANZƐƐ BULUKU NWUANZANWUANZA

¹ Mekɛ guale nu ekyii la, Gyisɛse vɛlɛle ɛdoavolɛma bulu nee nwiɔ ne na ɔmanle bɛ tumi kɛ bɛva bɛdu sunsum ɛtane ne mɔ na bɛyɛ ewule ngakyile ayile.

Edwɛkpa ne kɛmɔ Luku hɛlɛle la 9:1 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 16:19

Mebava Anwuma Belemgbunlililɛ ne azanvɛ ne meawula ɛ sa nu; mɔɔ ɛkɛkyekye ye wɔ aze ɛke la, bɛkɛkyekye ye wɔ anwuma lɔ, mɔɔ ɛkɛtulu ye wɔ aze ɛke noko la, bɛkɛtulu ye wɔ anwuma lɔ.”

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Mateyu hɛlɛle la 8:9

Melɛ ɛlɔnema wɔ me bo suzuamgba, meka mekile bie kɛ, ‘kɔ’ a, ɔkɔ; meka mekile bie noko kɛ, ‘bɛla’ a, ɔba; yɛɛ meka mekile me akɛlɛ kɛ, ‘yɛ ɛhye’ a, ɔyɛ. Noko medame mele sonla mɔɔ mewɔ menlenlɛ bo a.”

Edwɛkpa ne kɛmɔ Luku hɛlɛle la 10:1

Nzinlii Awulae yele menli abulasuu nee nwiɔ noko na ɔzoanle bɛ nwiɔ nwiɔ ɔmanle bɛlumuale bɛhɔle sua biala azo nee ɛleka biala mɔɔ ɔdaye ɔbahɔ la.

Edwɛkpa ne kɛmɔ Luku hɛlɛle la 10:19

Na bɛdie! Memaa bɛ tumi wɔ Kpɔvolɛ ne anwo zo. Eza memaa bɛ tumi kɛ bɛtietia nwɔlɛ nee nyamenleakɛlɛ nwo zo na debie biala ɛnrɛyɛ bɛ.

Dw 14:12

Meka nɔhalɛ ne meahile bɛ: Awie mɔɔ kɛlie me kɛli la kɛyɛ gyima mɔɔ meyɛ la bie, yɛɛ ɔbayɛ mɔɔ tɛla ɛhye mɔ la bɔbɔ, ɔluakɛ melɛkɔ Selɛ ne anwo lɔ,

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 3:16

Gyisɛse ɛhye duma nu nee ye tumi zo nee diedi wɔ ye duma ne anu yɛɛ nrenya ɛhye ɛnɛ gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 4:30

Kile wɔ tumi wɔ ayileyɛlɛ nu, na boa maa yɛlua wɔ Sonvolɛ Nwuanzanwuanza Gyisɛse duma nu yɛyɛ nwanwane ninyɛne.”

Ɛzoanvolɛma Gyima ne 9:34

Na Pita zele ye kɛ, “Yiniase, Gyisɛse Kelaese ɛyɛ wɔ ayile. Dwazo na nyenya wɔ ɛkpa ne.” Na ɛkɛ ne ala Yiniase dwazole.