Edwɛkpa ne kɛmɔ Luku hɛlɛle la 8:8 - BAEBOLO ANZƐƐ BULUKU NWUANZANWUANZA

⁸ yɛɛ bie noko guale azɛlɛ kpalɛ zo, na bɛfifile bɛzole ma mɔnwo ɛya.” Gyisɛse dwulale ye edwɛkɛ ne kɛ, “Bɛdie, mɔɔ lɛ ɛnzonlɛ la ɛdie!”

Edwɛkpa ne kɛmɔ Luku hɛlɛle la 8:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:12

Ɛvolɛ zɔhane Ayezeke yɛle egyinli wɔ ɛkɛ ne azɛlɛ ne azo, na ɛbuhenle ne dwule la ye bɛyɔba ne bɔle nwolɛ ɛya. Ɛdɛnkɛma yilale ye, na ɔnyianle ɔ nwo.

Mrɛlɛbulɛ Buluku ne 20:12

Ɛnzonlɛ mɔɔ te edwɛkɛ nee ɛnyelɛ mɔɔ nwu debie, Ɛdɛnkɛma a ɛbɔ bɛ mu nwiɔ a.

Mrɛlɛbulɛ Buluku ne 8:1

Bɛdie, nrɛlɛbɛ ɛlɛfɛlɛ, ndelebɛbo ɛmaa ɔ ne zo ɛlɛfɛlɛ.

Gyɛlɛmaya Buluku ne 13:15

Yizilayɛma, bɛdie na Ɛdɛnkɛma ɛdendɛ! Bɛmmamemaa bɛ nwo zo.

Gyɛlɛmaya Buluku ne 25:4

Ɛdɛnkɛma soa ye kpɔmanvolɛma la ɛnee ɔsoa bɛ, noko bɛangyea bɛ nzo kɛ bɛtie.

Edwɛkpa ne kɛmɔ Mateyu hɛlɛle la 11:15

Mɔɔ lɛ ɛnzonlɛ la ɛdie.

Edwɛkpa ne kɛmɔ Mateyu hɛlɛle la 13:23

Na ma ne mɔɔ guale azɛlɛ kpalɛ zo la a le bɛdabɛ mɔɔ bɛtie edwɛkɛ ne na bɛte ɔ bo la. Nɔhalɛ, ɛhye mɔ so ma: bie mɔnwo ɛya, bie mɔnwo abulasia yɛɛ bie mɔnwo abulasa.”

Edwɛkpa ne kɛmɔ Maake hɛlɛle la 4:20

Akee menli ne bie mɔ noko le kɛ ma ne mɔɔ gua azɛlɛ kpalɛ zo la. Menli ɛhye mɔ te edwɛkɛ ne, bɛdie bɛto nu, na bɛso ma: bie mɔnwo abulasa, bie mɔnwo abulasia, yɛɛ bie mɔnwo ɛya.”

Edwɛkpa ne kɛmɔ Maake hɛlɛle la 4:23

Bɛdabɛ mɔɔ bɛlɛ ɛnzonlɛ la, bɛdie!”

Edwɛkpa ne kɛmɔ Maake hɛlɛle la 4:8

Akee ma ne bie noko guale azɛlɛ kpalɛ zo, na bɛfifile, bɛnyinle, na bɛzole ma: bie mɔnwo abulasa, bie mɔnwo abulasia, yɛɛ bie mɔnwo ɛya.”

Edwɛkpa ne kɛmɔ Maake hɛlɛle la 7:16

Bɛdabɛ mɔɔ bɛlɛ ɛnzonlɛ la, bɛdie!”]

Edwɛkpa ne kɛmɔ Luku hɛlɛle la 14:35

Bɛfa bɛyɛ debie biala a ɔnyɛ boɛ; bɛgua ye lɔ. Yemɔti mɔɔ lɛ ɛnzonlɛ la ɛdie!”

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Edwɛkpa ne kɛmɔ Luku hɛlɛle la 8:7

Bie guale mbowule nu, na mbowule ne nyinle hedale bɛ nwo zo,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Yekile 13:9

Zɔhane ati, ɛdawɔ mɔɔ ɛlɛ ɛnzonlɛ la, tie!

Yekile 2:11

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la, ewule ne mɔɔ tɔ zolɛ nwiɔ la bakpa ɔ ti.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 3:13

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.

Yekile 3:6

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.