Edwɛkpa ne kɛmɔ Luku hɛlɛle la 8:47 - BAEBOLO ANZƐƐ BULUKU NWUANZANWUANZA

⁴⁷ Raalɛ ne nwunle kɛ ɔfea ɔ nwo a ɔnyɛ boɛ, yemɔti ɔvale anwowozolɛ ɔradule ɔdɔle Gyisɛse agyakɛ anu, ɔkpale ye edwɛkɛ nwo ɛdanlɛ wienyi wɔ menli ɛwolaa ne anyunlu na ɔhanle deɛ mɔɔ yemɔti ɔvale ɔ sa ɔhanle ye, nee ɔ nwo mɔɔ ɛza ɛkɛ ne ala la noko.

Edwɛkpa ne kɛmɔ Luku hɛlɛle la 8:47 ပူးပေါင်းရင်းမြစ်များ

Edwɛndolɛ Buluku ne 2:11

Bɛva ɛzulolɛ bɛzonle Ɛdɛnkɛma, bɛva anwowozolɛ bɛdu bɛgua ɔ gyakɛ anu,

Edwɛndolɛ Buluku ne 38:9

Awulae, ɛze me ngyianlɛ muala, me ɛkponlenlɛ ɛnvea wɔ.

Edwɛndolɛ Buluku ne 66:16

Bɛdabɛ mɔɔ bɛsulo Nyamenle la, bɛrɛla bɛradie, na mebaha mɔɔ yeyɛ yemaa me la meahile bɛ.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Hozia Buluku ne 13:1

Dɛba ne, saa Yifelaem tendɛ a, menli nwo wozo bɛ; bɛkpogyale ye zo wɔ Yizilayɛma avinli; na ɔluale bozonle Beeyale anwo zo ɔyɛle ɛtane na ɔwule.

Hozia Buluku ne 5:3

Meze Yifelaem, yɛɛ Yizilayɛ ɛnvea me nye zo. Na kɛkala, wɔmɔ Yifelaem, wɔbɔ tuutuu ɛbɛla, evinli ɛha Yizilayɛ.”

Habakɛke Buluku ne 3:16

Mete na me nwo wozo me, ɔ ne maa me nloa babonle wozo; me nwo golo me, me gyakɛ to bɛka nu. Mebayɛ koonwu meahendɛ amaneɛnwunlɛ kenle ne mɔɔ Nyamenle bava adea menli mɔɔ ko fa yɛ la.

Edwɛkpa ne kɛmɔ Mateyu hɛlɛle la 28:8

Yemɔti ndɛndɛ ne ala bɛvale ɛzulolɛ nee fɛlɛkolilɛ bɛvile sɛka ne azo bɛhɔle, na bɛvale ɛnriandilɛ kɛ bɛkabɔ Gyisɛse ɛdoavolɛma ne amaneɛ.

Edwɛkpa ne kɛmɔ Maake hɛlɛle la 5:33

Raalɛ ne nwunle mɔɔ ɛzi ye nu la, ɔvale ɛzulolɛ nee anwowozolɛ ɔrahotole Gyisɛse agyakɛ anu, na ɔhanle ye edwɛkɛ nɔhalɛ nu ɔhilele ye.

Edwɛkpa ne kɛmɔ Luku hɛlɛle la 8:46

Na Gyisɛse zele kɛ, “Awie ɛva ɔ sa ɛha me, ɔluakɛ mede ye me nu kɛ tumi vi me nuhua ɛhɔ.”

Edwɛkpa ne kɛmɔ Luku hɛlɛle la 8:48

Gyisɛse zele ye kɛ, “Me ra raalɛ, wɔ diedi ɛlie wɔ ngoane; kɔ anzonudwolɛ nu.”

Ɛzoanvolɛma Gyima ne 16:29

Pilizama sinzavolɛ ne manle bɛvale kɛnlaneɛ bɛrale, na ɔvale sulosulo ɔhɔdule ɔdɔle Pɔɔlo nee Saelase agyakɛ anu.

1 Kɔl 2:3

Yemɔti menvale bɛtɛɛyɛlɛ, ɛzulolɛ nee anwowozolɛ kpalɛ a me nee bɛ dɛnlanle a;

2 Kɔl 7:15

Yemɔti ɔlɛ bɛ nwo ɛhulolɛ kpole, na ɔkakye bɛ muala bɛ tieyɛ nee kɛ bɛzile bɛvale ɛzulolɛ nee anwowozolɛ bɛyɛle ye akɔaba la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

1 Sam 16:4

Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”