Edwɛkpa ne kɛmɔ Luku hɛlɛle la 8:41 - BAEBOLO ANZƐƐ BULUKU NWUANZANWUANZA

⁴¹ Nrenya bie mɔɔ bɛfɛlɛ ye Gyeeyaelɛse la rale ɛkɛ ne. Nrenya ɛhye le sua ne azo nyianu sua ne neavolɛ. Ɔdule ɔdɔle Gyisɛse agyakɛ anu na ɔbodole ye kɛ ɔmaa bɛhɔ ye sua nu,

Edwɛkpa ne kɛmɔ Luku hɛlɛle la 8:41 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 13:14

Nyianu sua ne kpanyinli ne vale ɛya kɛ Gyisɛse ɛyɛ ayile wɔ Ɛnwomenlelielɛ Kenle ne a, na ɔzele menli mɔɔ wɔ ɛkɛ ne la kɛ, “Yɛlɛ kenle nsia mɔɔ ɔwɔ kɛ yɛfa yɛyɛ gyima a; yemɔti bɛrɛla kenle zɔhane mɔ bɛmaa bɛyɛ bɛ ayile, na bɛgyakyi Ɛnwomenlelielɛ Kenle ne bɛmaa ɔla ɛkɛ ne.”

Edwɛkpa ne kɛmɔ Luku hɛlɛle la 17:16

na ɔradule ɔdɔle Gyisɛse agyakɛ anu mutule nu na ɔyɛle ye mo somaa. Nrenya ɛhye le Samɛleanli.

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Edwɛkpa ne kɛmɔ Luku hɛlɛle la 8:42

ɔluakɛ ɔ ra raalɛ kokye mɔɔ ɛli ɛvolɛ bulu nee nwiɔ la ɛlɛdie ewule awu. Gyisɛse nee nrenya ne bɛlɛkɔ la, menli dɔɔnwo doale ye na bɛhyelele ɔ nwo zo kpalɛ.

Edwɛkpa ne kɛmɔ Luku hɛlɛle la 8:49

Gyisɛse anloa wɔ ɛhye azo la, nrenya bie vi nyianu sua ne neavolɛ ne sua nu razele Gyeeyaelɛse kɛ, “Ɛ ra raalɛ ne ɛwu, yemɔti mmagyegye kilehilevolɛ ne.”

Dw 11:21

Maata hanle hilele Gyisɛse kɛ, “Awulae, saa ɛwɔ ɛke a, anrɛɛ me diema nrenya ne anwu!

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Ɛzoanvolɛma Gyima ne 18:17

Bɛvindele la, bɛhɔle Sɔsotɛnize mɔɔ nea nyianu sua ne azo la anwo zo na bɛbole ye dwɛɛ wɔ kɔɔto sua ne anyunlu ɛkɛ ne, noko ɛhye anvane Galeyo anwo nretee zɛhae bɔbɔ.

Ɛzoanvolɛma Gyima ne 18:8

Kelesepɛse mɔɔ nea nyianu sua ne azo la nee ye sua nu amra liele Awulae lile, yɛɛ Kɔlentema dɔɔnwo mɔɔ dele Edwɛkpa ne la liele lile na bɛmanle bɛzɔnenle bɛ.

Ɛzoanvolɛma Gyima ne 9:38

Dwɔpa nee Leda anwa biala. Yemɔti mɔɔ diedima ne mɔɔ wɔ Dwɔpa la dele kɛ Pita wɔ Leda la, bɛzoanle menli nwiɔ bɛmanle bɛhɔvale nrɛlaleɛ bɛhɔmanle ye kɛ. “Yɛsɛlɛ wɔ, bɔ mɔdenle ka ɛ nwo bɛla.”

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.