Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.
Mraalɛ bie mɔɔ bɛdule sunsum ɛtane wɔ bɛ nwo, nee mɔɔ bɛyɛle bɛ anwonyane ayile la noko nee ye hɔle. Bɛmɛ a le Mɛle mɔɔ vi Magedala, mɔɔ ɔ nwo a bɛdule mbɔnsam nsuu ne la;
Ɔhanle ɛhye, ɔluakɛ ɛnee Gyisɛse ɛze sunsum ɛtane ne kɛ ɔvi ɔ nwo ɔdu. Mekɛ dɔɔnwo sunsum ɛtane zɛhae ɛvo nrenya ne ɛmaa bɛhye ye bɛdo sua nu, bɛgua ɔ sa nee ɔ gyakɛ nwɔnzɔnwɔnzɔ, noko sunsum ɛtane ne ɛmaa yebubu nwɔnzɔnwɔnzɔ ne na yeva ye yedɔ ɛbɔ nu wɔ fienemgbole ne anu.