Edwɛkpa ne kɛmɔ Luku hɛlɛle la 8:3 - BAEBOLO ANZƐƐ BULUKU NWUANZANWUANZA

³ Twuza, mɔɔ le Hɛlɔdo suakunlu ɛkɛ ne abɔlɔba kpanyinli ne mɔɔ nea ye ninyɛne zo la aye ne mɔɔ bɛfɛlɛ ye Dwowana la, yɛɛ Susana nee mraalɛ dɔɔnwo bie mɔ. Mraalɛ ɛhye mɔ, bɛdabɛ bɛvale mɔɔ bɛlɛ ye la bɛboale Gyisɛse nee ye ɛdoavolɛma ne mɔ.

Edwɛkpa ne kɛmɔ Luku hɛlɛle la 8:3 ပူးပေါင်းရင်းမြစ်များ

1 Edk 29:14

“Noko me nee me menli ye, yɛngola yɛmmaa wɔ ɛhwee, ɔboalekɛ debie biala mɔɔ yɛlɛ la le ahyɛlɛdeɛ mɔɔ vi wɔ ɛkɛ ne a. Ɛdawɔ wɔ ɛdeɛ yɛɛ yɛzia yɛva yɛrɛlɛ wɔ a.

Ayezaya Buluku ne 23:18

Ye gualilɛ ninyɛne nee mɔɔ ɔkɛnyia bɛ wɔ ɛkpa ɛbɔlɛ nu la, bɛbadu bɛamaa Ɛdɛnkɛma. Bɛnrɛva bɛnrɛzie yɛɛ bɛnrɛva bɛnrɛvea. Ye gualilɛ ninyɛne bamaa yeanyia aleɛ dɔɔnwo nee ndanlɛ ngɛnlɛma yeamaa bɛdabɛ mɔɔ bɛsonle Ɛdɛnkɛma la.

Edwɛkpa ne kɛmɔ Mateyu hɛlɛle la 14:1

Mekɛ ne anu ala Hɛlɔdo mɔɔ ɛnee le amɛnlado mɔɔ sie Galeli maanle ne la dele Gyisɛse nganeɛ,

Edwɛkpa ne kɛmɔ Mateyu hɛlɛle la 14:3

Na yemɔ a le kɛ, Hɛlɔdo manle bɛhyele Dwɔn, bɛguale ye nwɔnzɔnwɔnzɔ na bɛdole ye efiade. Ɔ diema Felepe aye Hɛlɔdease ati a ɔyɛle ɛhye a,

Edwɛkpa ne kɛmɔ Mateyu hɛlɛle la 14:6

Kenle ko Hɛlɔdo awolɛ kenle dwule na ɔdi ye ɛvoyia la, Hɛlɔdease ara raalɛ ne razile agole lieliele menli ne anye. Hɛlɔdo anye liele ye agolezilɛ ne anwo kpole,

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.

Edwɛkpa ne kɛmɔ Mateyu hɛlɛle la 20:8

“Mɔɔ aleɛ ne yɛle nɔsolɛ la, egyinli menle ne zele ye sonvolɛ kpanyinli ne kɛ, ‘Fɛlɛ gyimayɛvoma ne na tua bɛ kakɛ, bɔ ɔ bo fi amozi amra anwo zo kɔkpula alumuama anwo zo.’

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

Edwɛkpa ne kɛmɔ Mateyu hɛlɛle la 26:11

Bɛmɛ, bɛ nee ehyianvolɛma de dahuu na mame, me nee bɛ ɛnde dahuu.

Edwɛkpa ne kɛmɔ Mateyu hɛlɛle la 27:55

Ɛnee mraalɛ dɔɔnwo bie wɔ ɛkɛ ne, bɛgyinlanle amozi moa moa na bɛnleanle mɔɔ ɛlɛkɔ zolɛ la. Bɛdoale Gyisɛse bɛ nee ye vi Galeli na bɛzonlenle ye.

Edwɛkpa ne kɛmɔ Luku hɛlɛle la 24:10

Mraalɛ ne mɔ a le Mɛle mɔɔ vi Magedala la, Dwowana, yɛɛ Gyemise ɔ nli Mɛle. Bɛmɛ yɛɛ mraalɛ ɛhendeɛ ne mɔ mɔɔ nee bɛ lua la a hanle edwɛkɛ ne hilele ɛzoanvolɛma ne mɔ a.

Dw 12:6

Tɛ kɛ asɛɛ ɔdwenle ehyianvolɛma anwo somaa la ati a ɔhanle ɛhye a, na ɔle awule, eza kɛmɔ ɔdaye a ɔsie bɛ gya ne la, ɔyɛ a ɔto ɔ sa nu.

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:22

Nyamenle menli ne mɔɔ wɔ ɛke la amuala, bɔbɔ Maanle Maanle belemgbunli ne suakunlu amra ne mɔ biza bɛ ahye.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.