Edwɛkpa ne kɛmɔ Luku hɛlɛle la 8:27 - BAEBOLO ANZƐƐ BULUKU NWUANZANWUANZA

²⁷ Gyisɛse dwule aze ala la, nrenya bie mɔɔ vi sua ne azo na sunsum ɛtane dɔɔnwo ɛva ye la yiale ye. Mekɛ dɔɔnwo mɔɔ ɛze la, nrenya ɛhye ɛngeda bie yɛɛ ɔmmo bie. Ɔnla sua nu, ye dabelɛ a le azie zo sɛka ne mɔ anu.

Edwɛkpa ne kɛmɔ Luku hɛlɛle la 8:27 ပူးပေါင်းရင်းမြစ်များ

Ayezaya Buluku ne 65:4

Bɛtɛnla sɛka zo, yɛɛ aleɛ dwo a bɛfea bɛ nwo bɛdi kpolike nane, yɛɛ bɛ subue nu le bɛkyi ninyɛne ngome.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:16

Saa awie fa ɔ sa ka sonla mɔɔ bɛhu ye anzɛɛ ɛwu ɔ ti anwo ewule wɔ ɛbɔ nu anzɛɛ saa awie fa ɔ sa ka sonla funli bowule anzɛɛ ɔfa ɔ sa ɔka sɛka a, ɛnee evinli ɛha ye toonwo kenle nsuu.

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Maake hɛlɛle la 5:15

Bɛradwule la, ɛnee nrenya bɔnavolɛ ne mɔɔ anrɛɛ mbɔnsam dɔɔnwo wɔ ɔ nwo la anye zo ɛtete ye, na ɔheda ɛdanlɛ ɔde Gyisɛse anwo ɛkɛ. Ɛhye yɛle bɛ ɛzulolɛ kpole.

Edwɛkpa ne kɛmɔ Luku hɛlɛle la 8:26

Gyisɛse nee ye ɛdoavolɛma ne hɔdwule aze wɔ Gɛlasa maanle nu wɔ Galeli tandane ne anzi lɔ.

Edwɛkpa ne kɛmɔ Luku hɛlɛle la 8:28

Mɔɔ ɔnwunle Gyisɛse la, ɔdeanle nu kpole bie, ɔradule ɔdɔle ɔ nyunlu na ɔhanle ye kpole kpalɛ kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mekpa wɔ kyɛlɛ, mmatea me!”

1 Sam 19:24

Ɔdaye noko ɔyeyele ye adɛladeɛ ne mɔ na ɔhanle Nyamenle nrɛlaleɛ ne wɔ Samoɛle anyunlu ɛkɛ ne. Kenle ko ne ewia ne nee nɔe ne ɔlɛle ɔ nwo zɔ. (Nyɛleɛ ɛhye a manle ɛrɛlɛ ne mɔɔ se, “Na Sɔɔlo ɔdaye ɔboka Nyamenle kpɔmanvolɛma ne mɔ anwo ɔ?” la rale a.)