Edwɛkpa ne kɛmɔ Luku hɛlɛle la 8:21 - BAEBOLO ANZƐƐ BULUKU NWUANZANWUANZA

²¹ Gyisɛse zele bɛ kɛ, “Me nli nee me mediema a le bɛdabɛ mɔɔ bɛtie Nyamenle edwɛkɛ ne na bɛdi zolɛ la.”

Edwɛkpa ne kɛmɔ Luku hɛlɛle la 8:21 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

Edwɛkpa ne kɛmɔ Mateyu hɛlɛle la 25:45

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛkpole kɛ bɛnrɛboa menli ɛhye mɔ mɔɔ anwo ɛngyia la anu ko bɔbɔ la, bɛkpole kɛ bɛnrɛboa medame noko.’

Edwɛkpa ne kɛmɔ Mateyu hɛlɛle la 28:10

Gyisɛse zele bɛ kɛ, “Bɛmmasulo; bɛhɔze me mediema ne mɔ kɛ bɛhɔ Galeli, na ɛkɛ ne yɛɛ bɛkɛnwu me a.”

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Edwɛkpa ne kɛmɔ Luku hɛlɛle la 8:20

Awie hanle hilele Gyisɛse kɛ, “Ɛ nli nee ɛ mediema ne mɔ gyi alie nwo lɔ, na bɛkulo kɛ bɛnwu wɔ.”

Dw 13:17

Kɛkala mɔɔ bɛnwu nɔhalɛ ɛhye la, saa bɛfa bɛyɛ gyima a bɛkɛli fɛlɛko kpole!

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

2 Kɔl 6:18

Mebayɛ bɛ ze, na bɛayɛ me mra mrenya nee mraalɛ, kɛ Tumivolɛ Awulae se la ɛne!”

Gyemise Kɛlata ne 1:22

Bɛmmabɛlɛbɛla bɛ nwo bɛyɛ mɔɔ asɛɛ bɛtie ye edwɛkɛ ne ala a; bɛyɛ mɔɔ bɛkɛde la.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.