Edwɛkpa ne kɛmɔ Luku hɛlɛle la 8:13 - BAEBOLO ANZƐƐ BULUKU NWUANZANWUANZA

¹³ Ma ne mɔɔ guale awolɛ nu la a le bɛdabɛ mɔɔ bɛte edwɛkɛ ne a bɛfa fɛlɛko bɛdie noko ɔnwolowolo bɛ kpalɛ la. Bɛdie bɛdi wɔ mekɛ ekyi bie ala na kɛ sɔnea ba la ɛnee bɛkpo aze.

Edwɛkpa ne kɛmɔ Luku hɛlɛle la 8:13 ပူးပေါင်းရင်းမြစ်များ

Dwobu Buluku ne 19:28

Saa ɛbiza kɛ, ‘Kɛ yɛbazi yɛavoa ye ɛ?’ na bɛse kɛ, ‘Edwɛkɛ ne abo wɔ ye ɛkɛ’ a,

Mrɛlɛbulɛ Buluku ne 12:12

Amumuyɛnli tawa mɔɔ gyi kpundii la bubu gua, na tenlenenli sɔ ndinli gyinla kpundii.

Mrɛlɛbulɛ Buluku ne 12:3

Amumuyɛ sonla ɛmkpazi, na sonla tenlene sɔ ndinli, ɛtu ye a ɔndu.

Ayezaya Buluku ne 58:2

Dahuu bɛkpondɛ me na bɛkulo kɛ bɛnwu me ndenle ne mɔ, kɛ asɛɛ bɛle maanle mɔɔ bɔ tenlene ɛbɛla na bɛtɛkpole medame, bɛ Nyamenle ne mɛla ne mɔ la. Bɛsɛlɛ me kɛ membua ndɛne tenlene nu, bɛkulo kɛ bɛtwe bɛbikye me.

Yizikeɛle Buluku ne 33:32

Na nea, ɛle bɛ nye zo kɛ sonla bie mɔɔ fa ɛnelɛ fɛlɛko to ɛhulolɛ edwɛne na ɔbɔ agole la, ɔluakɛ bɛte mɔɔ ɛka la, noko bɛnrɛyɛ ye ɛlɛ.

Hozia Buluku ne 6:4

Na Ɛdɛnkɛma se, “O Yifelaemma, kɛ menyɛ bɛ ɛ? O Dwudama, kɛ menyɛ bɛ ɛ? Me nwo ɛhulolɛ mɔɔ bɛlɛ la le kɛ nwonlomɔ amungu, ɔle kɛ nwonlomɔ ɛbɔlɛ, ɔngyɛ na yeawe.

Edwɛkpa ne kɛmɔ Maake hɛlɛle la 6:20

Hɛlɔdo zulole, ɔboalekɛ Dwɔn le sonla mɔɔ ye ɛbɛla tenrɛ na ɔ nwo te a, yemɔti ɔvale ye ɔziele kpalɛ. Ɔhulole kɛ ɔkɛdie Dwɔn anloa edwɛkɛ, noko kenle mɔɔ ɔkɛdie ye la ɛnee ɔ ti akunlu ɛzɛkye bɔkɔɔ.

Edwɛkpa ne kɛmɔ Luku hɛlɛle la 8:12

Mɔɔ guale adenle nu la gyi ɛkɛ ne maa bɛdabɛ mɔɔ bɛtie edwɛkɛ ne, na Abɔnsam baye edwɛkɛ ne wɔ bɛ ahonle nu, amaa bɛanlie bɛanli na bɛanyia ngoane la.

Edwɛkpa ne kɛmɔ Luku hɛlɛle la 8:14

Ma ne mɔɔ guale mbowule nu la a le bɛdabɛ mɔɔ bɛtie edwɛkɛ ne, na bɛmaa ɛbɛlabɔlɛ nwo adwenleadwenle, anwonyia nee anyelielɛ fo keda edwɛkɛ ne azo la, ɛhye ati bɛ ma ɛnyɛ kpalɛ.

Dw 15:2

Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.

Dw 15:6

Awie biala mɔɔ andɛnla me nu la bɛfuandi ye bɛto kɛ baka ɛhane mɔɔ bɛpɛ la; ɔwe na ɔkyengye. Mbaka ngane mɔɔ le zɛhae la, bɛboɔboa bɛ nloa na bɛfuandi bɛ bɛgua senle nu bɛyela bɛ.

Dw 5:35

Dwɔn le kɛ kɛnlaneɛ la, ɔzɔle na ɔdale, noko bɛ nye liele ye wienyi ne anu mekɛ ekyi bie ala.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 15:2

Saa bɛsɔ nu ɛsesebɛ a bɛkɛnyia ngoane mɔɔ ɛnlɛ awieleɛ; kyesɛ bɛanlie bɛanli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:4

Anzɛɛ bɛkpondɛ kɛ mɔɔ bɛnwu ye nee mɔɔ bɛnyia ye la amuala yɛ mgbane ɔ? Ɔnle kɛ ɔba ye zɔhane fee!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

1 Tem 1:19

na nyia diedi nee adwenle kpalɛ mɔɔ anu te la. Menli ne bie mɔ ɛminli bɛ diedi, ɔluakɛ bɛnlɛ adwenle kpalɛ mɔɔ anu te a.

Kɛlata mɔɔ bɛhɛlɛle bɛhɔmanle Hibuluma la 10:39

Yɛnle menli mɔɔ yɛsia yɛ nzi na yɛminli a. Yɛlɛ diedi, yemɔti yɛlɛ ngoane.

Gyemise Kɛlata ne 2:26

Yemɔti, kɛmɔ nwonane mɔɔ sunsum ɛnle nu la le funli la, zɔhane ala yɛɛ diedi mɔɔ gyimayɛlɛ ɛmboka nwolɛ la le wulera a.

2 Pit 2:20

Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.

2 Pit 2:22

Mɔɔ si bɛ nwo zo la kile kɛ ɛrɛlɛ ne le nɔhalɛ bɔkɔɔ, “Twea fe a ɔsia ɔkɔdi”, yɛɛ “ɛbia kpolike a ɔsia ɔkɔboto ndɛtɛlɛ.”

1 Dw 2:19

Menli ɛhye mɔ vi yɛ nu a hɔle a, na bɛmboka yɛ nwo. Saa bɛboka yɛ nwo a, anrɛɛ bɛ nee yɛ dɛnlanle. Bɛgyakyile yɛ bɛhɔle, amaa yeala ali wienyi kɛ bɛ biala ɛmboka yɛ nwo.

Dwuudu Kɛlata ne 1:12

Bɛle kɛ andɔma anzɛɛ atasonlɛ wɔ mediema ɛhulolɛ ɛkponledolɛ bo; bɛno nza bɛbo, bɛbɔ bɛ nwo anyiemgba. Bɛdwenle bɛ ngome bɛ nwo ala. Bɛle kɛ amungu mɔɔ nzule ɛnle nu la ati, anwoma maa ɔdi akɔneaba. Bɛle kɛ bokile mgbenleɛ mbaka mɔɔ anzo ma la. Bɛtudu bɛ bɛ bo nee bɛ ndinli ne mɔ amuala na bɛwu bɔkɔɔ.