Edwɛkpa ne kɛmɔ Luku hɛlɛle la 7:8 - BAEBOLO ANZƐƐ BULUKU NWUANZANWUANZA

⁸ Melɛ sogyama bɔbɔ wɔ me bo ɛdeɛ, mɔɔ meka mekile bie kɛ, ‘Kɔ’ a, ɔkɔ; meka mekile bie noko kɛ, ‘Yɛ ɛhye’ a, ɔyɛ, noko medame mumua ne mewɔ tumi bo.”

Edwɛkpa ne kɛmɔ Luku hɛlɛle la 7:8 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 7:7

Eza menea a medame bɔbɔ menfɛta kɛ menwɔra ɛ nyunlu. Zɔhane ati wɔmɔ ka ɛ nloa edwɛkɛ ne ala na me sonvolɛ ne anwo kɛza.

Edwɛkpa ne kɛmɔ Luku hɛlɛle la 7:9

Gyisɛse dele ɛhye la ɔzinle ɔ nwo; ɔhakyile ɔ nye wɔ menli dɔɔnwo ne mɔɔ doa ye la anwo na ɔzele kɛ, “Meka meahile bɛ kɛ metɛnwunle diedi kpole zɛhae bie ɛlɛ, bɔbɔ wɔ Yizilayɛma avinli.”

Ɛzoanvolɛma Gyima ne 23:17

Na Pɔɔlo vɛlɛle sogya kpanyinli ko na ɔzele ye kɛ, “Fa kpavolɛ ye kɔ sogyama kpanyinli ne ɛkɛ na ɔlɛ edwɛkɛ ɔka yeahile ye.”

Ɛzoanvolɛma Gyima ne 23:23

Sogyama kpanyinli ne vɛlɛle sogya mgbanyinli nwiɔ na ɔzele bɛ kɛ, “Bɛmaa ɔyɛ ndɛ bɛhɔva sogyama mɔɔ dua aze la ɛya nwiɔ yɛɛ atwɛdolɛ sogyama ɛya nwiɔ na bɛ nee sogyama mɔɔ tɛnla ɛkpɔnwɔ zo la abulasuu bɛhɔ toonwo bɛhɔdwu Sizalia. Bɛha bɛ nwo na bɛdu bɛ bo ɛke ɛnɛ nɔsolɛ dɔne ngɔnla.

Ɛzoanvolɛma Gyima ne 23:26

“Medame Kolɔdeɛse Lesease a melɛkɛlɛ kɛlata ɛhye mearɛlɛ Amɛnlado Filekese a, mebiza wɔ ahye.

Ɛzoanvolɛma Gyima ne 23:31

Sogyama ne yɛle bɛ gyima ne kɛmɔ bɛhilele bɛ la na nɔe ne ala bɛvale Pɔɔlo bɛ nee ye hɔle toonwo bɛhɔdwule Antepatelese.

Ɛzoanvolɛma Gyima ne 24:23

Akee ɔzele sogya kpanyinli ne mɔɔ Pɔɔlo wɔ ɔ sa nu la kɛ ɔnlea ye boɛ, na ɔmaa ɔnyia adenle ɔkpundi ɔ nwo, na ɔmaa ɔ gɔnwo mɔ adenle ɔmaa bɛva ninyɛne mɔɔ ɔhyia nwo la bɛrɛlɛ ye.

Ɛzoanvolɛma Gyima ne 25:26

Noko mennwu edwɛkɛ kpaziwɔkɛ mɔɔ megyinla zolɛ meahɛlɛ meahɔmaa Maanle Maanle belemgbunli ne a. Yemɔti me nee ye ɛra bɛ nyunlu ɛke, bɔbɔ wɔmɔ Belemgbunli Agelepa, amaa wɔanleɛnlea ye edwɛkɛ ne anu boɛ, na meanyia edwɛkɛ kpalɛ meahɛlɛ meahɔ.

Kɔlɔ 3:22

Ngɛkɛlɛ, bɛdie bɛ ewiade ye anu menlenlɛma edwɛkɛ wɔ debie biala anu, bɛmmayɛ ye wɔ ɛnyelɛ zo kɛ bɛyɛ bɛahile ala na bɛayɛ bɛ mo; bɛva Nyamenle ɛzulolɛ bɛyeye bɛ ahonle nu bɛyɛ.