Edwɛkpa ne kɛmɔ Luku hɛlɛle la 7:7 - BAEBOLO ANZƐƐ BULUKU NWUANZANWUANZA

⁷ Eza menea a medame bɔbɔ menfɛta kɛ menwɔra ɛ nyunlu. Zɔhane ati wɔmɔ ka ɛ nloa edwɛkɛ ne ala na me sonvolɛ ne anwo kɛza.

Edwɛkpa ne kɛmɔ Luku hɛlɛle la 7:7 ပူးပေါင်းရင်းမြစ်များ

Edwɛndolɛ Buluku ne 107:20

Ɔhanle edwɛkɛ ne, na bɛ nwo zale, na ɔliele bɛ ɔvile ewule nu.

Edwɛndolɛ Buluku ne 33:9

Ɔluakɛ ɔdendɛle, na ɔyɛle zɔ; ɔzele, na ɔyɛle zɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:26

Ɔzele bɛ kɛ, “Saa bɛtie medame Ɛdɛnkɛma, bɛ Nyamenle ne me ne, bɛyɛ debie mɔɔ sɔ me nye, bɛdi me mɛla nee me ngyehyɛlɛ ne mɔ azo a, ewule ngakyile mɔɔ memanle ɔrale Yigyibitima anwo zo la, menrɛmaa bie ɛnrɛra bɛ nwo zo; ɔluakɛ medame a mele Ɛdɛnkɛma mɔɔ metondo bɛ ewule a.”

Edwɛkpa ne kɛmɔ Maake hɛlɛle la 1:27

Ɛhye yɛle menli ne amuala azibɛnwo kpole na bɛbizale bɛ nwo ngoko kɛ, “Duzu edwɛkɛ ɛ? Ngilehilelɛ fofolɛ boni ɛ? Nrenya ye lɛ tumi mɔɔ ɔtendɛ ɔkile sunsum ɛtane ne mɔ bɔbɔ a, bɛtie ye!”

Edwɛkpa ne kɛmɔ Luku hɛlɛle la 4:36

Ɔyɛle bɛ muala azibɛnwo na bɛhanle bɛhilele bɛ nwo ngoko kɛ, “Duzu edwɛkɛ a le ɛhye? Nrenya ɛhye lɛ tumi ɔfa ɔtea sunsum ɛtane ne mɔ nu ɔmaa bɛfi menli nwo bɛtu.”

Edwɛkpa ne kɛmɔ Luku hɛlɛle la 5:13

Gyisɛse vale ɔ sa hanle ye na ɔzele ye kɛ, “Mekulo! Ɛ nwo ɛza!” Na ɛkɛ ne ala ɔ nwo zale.

Edwɛkpa ne kɛmɔ Luku hɛlɛle la 7:6

Yemɔti Gyisɛse nee bɛ hɔle. Na mɔɔ ɔka ekyii ɔdwu sua nu ɛkɛ ne la, Wulomu sogya kpanyinli ne zoanle ɔ gɔnwo mɔ manle bɛhɔyiale Gyisɛse na bɛzele ye kɛ, “Yɛmenle, mmafa ɛvɛlɛ ɛhye ɛto ɛ nwo zo na menfɛta kɛ wɔmɔ ɛkɛra me kpɔda ye abo.

Edwɛkpa ne kɛmɔ Luku hɛlɛle la 7:8

Melɛ sogyama bɔbɔ wɔ me bo ɛdeɛ, mɔɔ meka mekile bie kɛ, ‘Kɔ’ a, ɔkɔ; meka mekile bie noko kɛ, ‘Yɛ ɛhye’ a, ɔyɛ, noko medame mumua ne mewɔ tumi bo.”

Mɛla 32:39

“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.

1 Sam 2:6

Ɛdɛnkɛma a ku a yɛɛ ɔdaye a ɔmaa ngoane a; ɔmaa menli kɔ mɔwuamra sua zo, na ɔfa bɛ ɔsia ɔba file zo.