Edwɛkpa ne kɛmɔ Luku hɛlɛle la 7:50 - BAEBOLO ANZƐƐ BULUKU NWUANZANWUANZA

⁵⁰ Na Gyisɛse zele raalɛ ne kɛ, “Kɔ anzonudwolɛ nu; wɔ diedi ɛlie wɔ ngoane.”

Edwɛkpa ne kɛmɔ Luku hɛlɛle la 7:50 ပူးပေါင်းရင်းမြစ်များ

Nolo 9:7

Kɔ zolɛ, di wɔ aleɛ anyelielɛ nu, na fa anyelielɛ no wɔ nza, ɔluakɛ Nyamenle ɛlie debie biala mɔɔ ɛyɛ la ɛdo nu.

Habakɛke Buluku ne 2:4

Nea, awie biala mɔɔ ɛnle tenlene la bakpo aze, noko tenlenenli ne balua ye diedi zo anyia ngoane.”

Edwɛkpa ne kɛmɔ Mateyu hɛlɛle la 9:22

Gyisɛse hakyile ɔ nye na ɔnwunle ye la, ɔzele raalɛ ne kɛ, “Ralɛ raalɛ, maa ɛ rɛle ɛdɔ wɔ azule nu. Wɔ diedi ɛmaa ɛ nwo ɛza.” Na ɛkɛ ne ala raalɛ ne anwo zale.

Edwɛkpa ne kɛmɔ Maake hɛlɛle la 10:52

Gyisɛse zele ye kɛ, “Kɔ, wɔ diedi ɛyɛ wɔ ayile.” Na ɛkɛ ne ala ɔnwunle debie na ɔdoale Gyisɛse.

Edwɛkpa ne kɛmɔ Maake hɛlɛle la 5:34

Gyisɛse zele ye kɛ, “Me ra raalɛ, wɔ diedi ɛlie wɔ ngoane. Fa anzonudwolɛ kɔ na wɔ ewule ne ɛhɔ bɔkɔɔ.”

Edwɛkpa ne kɛmɔ Luku hɛlɛle la 17:19

Na Gyisɛse zele nrenya ne kɛ, “Dwazo kɔ; wɔ diedi ɛyɛ wɔ ayile.”

Edwɛkpa ne kɛmɔ Luku hɛlɛle la 18:42

Na Gyisɛse zele ye kɛ, “Nwu debie! Wɔ diedi ɛyɛ wɔ ayile.”

Edwɛkpa ne kɛmɔ Luku hɛlɛle la 7:9

Gyisɛse dele ɛhye la ɔzinle ɔ nwo; ɔhakyile ɔ nye wɔ menli dɔɔnwo ne mɔɔ doa ye la anwo na ɔzele kɛ, “Meka meahile bɛ kɛ metɛnwunle diedi kpole zɛhae bie ɛlɛ, bɔbɔ wɔ Yizilayɛma avinli.”

Edwɛkpa ne kɛmɔ Luku hɛlɛle la 8:18

“Zɔhane ati bɛdie ye boɛ, ɔboalekɛ mɔɔ lɛ bie la, ɔbanyia bie dɔɔnwo yeaboka nwolɛ, na mɔɔ ɛnlɛ bie la, ekyi ne bɔbɔ mɔɔ ɔdwenle kɛ ɔlɛ la, bɛbalie bɛavi ɔ sa nu.”

Edwɛkpa ne kɛmɔ Luku hɛlɛle la 8:42

ɔluakɛ ɔ ra raalɛ kokye mɔɔ ɛli ɛvolɛ bulu nee nwiɔ la ɛlɛdie ewule awu. Gyisɛse nee nrenya ne bɛlɛkɔ la, menli dɔɔnwo doale ye na bɛhyelele ɔ nwo zo kpalɛ.

Edwɛkpa ne kɛmɔ Luku hɛlɛle la 8:48

Gyisɛse zele ye kɛ, “Me ra raalɛ, wɔ diedi ɛlie wɔ ngoane; kɔ anzonudwolɛ nu.”

1 Sam 1:17

Na Yilae zele ye kɛ, “Kɔ anzonudwolɛ nu; wɔ nzɛlɛlɛ ne mɔɔ wɔva wɔdo Yizilayɛ Nyamenle ne anyunlu la, ɔyɛ ye zɔhane ɔmaa wɔ.”