Edwɛkpa ne kɛmɔ Luku hɛlɛle la 7:38 - BAEBOLO ANZƐƐ BULUKU NWUANZANWUANZA

³⁸ ɔhɔhotole Gyisɛse agyakɛ anu na ɔbɔle ɔ bo kɛ ɔsu yeava ɔ nye monle yeanrinzi ɔ gyakɛ nwiɔ ne anwo. Akee ɔvale ɔ ti enrinli ɔkyikyile, ɔvole ɔ gyakɛ anwo na ɔwolale anatele ne ɔguale nwo.

Edwɛkpa ne kɛmɔ Luku hɛlɛle la 7:38 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:4

Bɛmaa membɛlɛ bɛ nzule ekyi bɛnrinzi bɛ gyakɛ anwo, na bɛlie bɛ ɛnwomenle ekyii wɔ mbaka ye abo.

Ɛzela Buluku ne 10:1

Mekɛ mɔɔ Ɛzela ɛlɛyɛ nzɛlɛlɛ ne na ɔlɛ ɛzunlɛ ɔlɛka ɛtane mɔɔ bɛyɛ, ɔweweɛ ɔ nwo aze wɔ Nyamenle Ɛzonlenlɛ Sua ne anyunlu ɛkɛ ne la, Yizilayɛma dɔɔnwo kpalɛ, mraalɛ nee mrenya, nee ngakula, rabɔle yiale ye, na bɛdabɛ noko bɛzunle bɛmanle ɔyɛle alɔbɔlɛ.

Edwɛndolɛ Buluku ne 38:18

Meka me ɛtane meto gua, medi me ɛtane nwo nyane.

Edwɛndolɛ Buluku ne 51:17

Ahonle bɛlɛvo a le azubɔlɛ mɔɔ sɔ Nyamenle anye a, O Nyamenle, ɛmkpo ahonle mɔɔ le bɛlɛvo na yenlu ɔ nwo la.

Nolo 9:8

Dahuu maa wɔ adɛladeɛ anye ɛyɛ bɔkɔbɔkɔ; yɛɛ mmamaa nwole kpa ɛ ti zo ɛlɛ.

Sɔlɔmɔn Edwɛne 1:3

Wɔ nwole ne mɔɔ ɛkpokpa la bɔ evuanlɛ, Wɔ duma le kɛ nwole mɔɔ bɛlɛwola, yemɔti mbɛlɛra ne mɔ kulo wɔ.

Ayezaya Buluku ne 57:9

Bɛvale anatele evuanlɛ kpalɛ bɛguale bɛ nwo bɛhɔzonlenle bɛ bozonle Molɛke, bɛzoanle menli bɛmanle bɛhɔle moa moa, na bɛmanle bɛhɔle toonwo bɛhɔle Ɛbolɔ.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Gyɛlɛmaya Buluku ne 31:9

Yizilayɛma bava ɛzunlɛ ara, mebakyekye bɛ rɛle, meava bɛ meazia meara sua nu, mebava bɛ measianle azudenle nloa, bɛbalua ademgbole fɔɔnwo mɔɔ bɛnrɛdu koti nu la anu, ɔluakɛ mele selɛ memaa Yizilayɛ, yɛɛ me belamunli ralɛ nrenya a le Yifelaem.

Dwowɛle Buluku ne 2:12

Ɛdɛnkɛma se, “Kɛkala bɔbɔ, awie biala ɛva ɛhɔnehyelɛ, ɛzunlɛ nee nyanelilɛ, yɛɛ ye ahonle kɔsɔɔti ɛzia ɛrɛla me nwo ɛke.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Edwɛkpa ne kɛmɔ Luku hɛlɛle la 22:62

Na Pita vindele hɔzunle alɔbɔlɛ ɛzunlɛ.

Edwɛkpa ne kɛmɔ Luku hɛlɛle la 6:21

“Nyilalɛ ɛha bɛdabɛ mɔɔ ɛhɔne ɛlɛku bɛ kɛkala la; Nyamenle bamaa bɛ ko ayi. “Nyilalɛ ɛha bɛdabɛ mɔɔ bɛlɛsu kɛkala la; Nyamenle bamaa bɛazele.

Edwɛkpa ne kɛmɔ Luku hɛlɛle la 7:37

Raalɛ bie wɔ sua ne azo mɔɔ bɔle ɛbɛla mgbane mgbane a. Ɔdele kɛ Gyisɛse wɔ Falasiinli ne sua nu la, ɔvale anatele mɔɔ wɔ toba mɔɔ bɛvale “alabaseta” bolɛ a bɛyɛle la anu la ko ɔhɔle ɛkɛ ne;

Edwɛkpa ne kɛmɔ Luku hɛlɛle la 7:39

Mɔɔ Falasiinli ne mɔɔ yiale Gyisɛse la nwunle ɛhye la, ɔhanle ye ɔ ti akunlu kɛ, “Saa amgba nrenya ɛhye le Nyamenle kpɔmanvolɛ a, anrɛɛ ɔkɛnwu raalɛ holɛ ko mɔɔ ɛlɛfa ɔ sa aha ye la, na ɔkɛnwu ye ɛbɛla mgbane mgbane mɔɔ ɔbɔ la.”

Dw 11:2

(Mɛle ɛhye a wolale nwole evuanlɛ ne guale Awulae agyakɛ anwo na ɔvale ɔ ti enrinli ɔkyikyile la, yɛɛ ɔ diema nrenya a le Lazalɛse ɛhye mɔɔ ɛnde kpɔkɛ la.)

Gyemise Kɛlata ne 4:9

Bɛli nyane na bɛzu; bɛmaa bɛ ɛzelekɛ ɛyɛ ɛzunlɛ na bɛ fɛlɛkolilɛ ɛyɛ alɔbɔlɛ.