Edwɛkpa ne kɛmɔ Luku hɛlɛle la 7:34 - BAEBOLO ANZƐƐ BULUKU NWUANZANWUANZA

³⁴ Medame Sonla Ra noko mera, medi na meno a eza bɛse, ‘Nea ɛhye! Adidikpoku, nzanli nee adwuledievolɛma nee bɛdabɛ mɔɔ awie ɛmbu bɛ bie la agɔnwo!’

Edwɛkpa ne kɛmɔ Luku hɛlɛle la 7:34 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:19

Medame, Sonla Ra noko mera, na melɛdi meanlo a, awie biala se, ‘Bɛnlea ɛhye! Adidikpoku, nzanli, adwuledievolɛma nee bɛdabɛ mɔɔ awie ɛmbu bɛ la agɔnwo!’ Noko Nyamenle nrɛlɛbɛ ne amra ne mɔ nyɛleɛ maa bɛnwu kɛ ɔle nɔhalɛ.”

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Mateyu hɛlɛle la 9:11

Falasiima bie mɔ nwunle ye na bɛzele Gyisɛse ɛdoavolɛma ne kɛ, “Duzu ati a bɛ menle nee adwuledievolɛma nee bɛdabɛ mɔɔ awie ɛmbu bɛ la to bɛ sa ɛyɛba ko anu ɛ?”

Edwɛkpa ne kɛmɔ Luku hɛlɛle la 11:37

Gyisɛse wiele tendɛ la, Falasiima bie dole ɛsalɛ vɛlɛle ye kɛ ɔrɛla ɔmaa bɛkpula bɛ sa. Yemɔti Gyisɛse hɔle na ɔhɔdɛnlanle ɛkponle ne anwo kɛ ɔdi debie.

Edwɛkpa ne kɛmɔ Luku hɛlɛle la 14:1

Ɛnwomenlelielɛ Kenle ko Gyisɛse hɔle kɛ ɔkakpula ɔ sa wɔ Falasii mgbanyima ne mɔ ko sua nu. Mekɛ ne anu ɛnee menli ɛlɛtɛ ye kpalɛ.

Edwɛkpa ne kɛmɔ Luku hɛlɛle la 15:2

Na Falasiima ne nee mɛla kilehilevolɛma ne mɔ dendɛle bɛ nzo abo kɛ, “Nrenya ɛhye nee ɛtanevolɛma tu na ɔ nee bɛ to bɛ sa ɛyɛba ko anu.”

Edwɛkpa ne kɛmɔ Luku hɛlɛle la 19:7

Menli mɔɔ nwunle ye la amuala dendɛle bɛ nzo abo kɛ, “Akee ɛtanenli ɛhye sua nu a nrenya ye ɛhɔ kazokoɛ a!”

Edwɛkpa ne kɛmɔ Luku hɛlɛle la 5:29

Nzinlii Livae dole ɛkponle kpole bie wɔ ye sua nu ɛkɛ ne manle Gyisɛse, na adwuledievolɛma dɔɔnwo nee menli mɔɔ bɛdabɛ noko awie ɛmbu bɛ la hɔle ɛkponledolɛ ne abo.

Edwɛkpa ne kɛmɔ Luku hɛlɛle la 7:33

Dwɔn Sɔnevolɛ ne rale, ɔhyele ɛhɔne dahuu na ɔhyile nza la bɛse, ‘Ɔle ayɛne!’

Edwɛkpa ne kɛmɔ Luku hɛlɛle la 7:35

Noko, Nyamenle nrɛlɛbɛ ne amra ne mɔ nyɛleɛ maa bɛnwu kɛ ɔle nɔhalɛ.”

Edwɛkpa ne kɛmɔ Luku hɛlɛle la 7:36

Falasiinli ko bie dole Gyisɛse ɛkponle. Gyisɛse hɔle na ɔdɛnlanle aze kɛ ɔdi debie.

Dw 12:2

Bɛdole Gyisɛse ɛkponle wɔ ɛkɛ ne, na Maata boka bɛdabɛ mɔɔ bɛzonlenle la anwo, yɛɛ Lazalɛse noko nee Gyisɛse a de ɛkponle ne anwo a.

Dw 2:2

yɛɛ bɛdole ɛsalɛ bɛvɛlɛle Gyisɛse nee ye ɛdoavolɛma ne mɔ noko.