Edwɛkpa ne kɛmɔ Luku hɛlɛle la 7:28 - BAEBOLO ANZƐƐ BULUKU NWUANZANWUANZA

²⁸ Na Gyisɛse hanle zɔle zolɛ kɛ, “Meka meahile bɛ, Dwɔn le kpole tɛla sonla biala mɔɔ bɛwo ye la; noko akee mɔɔ le ekyi kpalɛ wɔ Nyamenle Belemgbunlililɛ nu la le kpole tɛla ye.”

Edwɛkpa ne kɛmɔ Luku hɛlɛle la 7:28 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:11

Nɔhalɛ, meka meahile bɛ, wɔ menli mɔɔ bɛwo bɛ bɛgua ɛbɛla azɛlɛ ɛhye azo la anu, awie ɛtɛdwazole mɔɔ le kpole tɛla Dwɔn Sɔnevolɛ ne a. Noko akee awie mɔɔ le ekyi wɔ Anwuma Belemgbunlililɛ nu la le kpole tɛla ye.

Edwɛkpa ne kɛmɔ Mateyu hɛlɛle la 3:1

Mekɛ ne anu Dwɔn Sɔnevolɛ ne rale Dwudiya fienemgbole ne anu na ɔbɔle nolo kɛ,

Edwɛkpa ne kɛmɔ Luku hɛlɛle la 3:16

Yemɔti Dwɔn zele bɛ kɛ, “Mame, mefa nzule a mesɔne bɛ a, na awie ɛlɛba mɔɔ ɔle kpole ɔtɛla me a. Sonla zɔhane mgbɔlaboa bɔbɔ, menfɛta kɛ menwɔzianyi zolɛ nyɛma. Na yemɔ, ɔbava Sunsum Nwuanzanwuanza ne nee senle a yeazɔne bɛ a.

Edwɛkpa ne kɛmɔ Luku hɛlɛle la 7:27

Ɔluakɛ Dwɔn a Nyamenle Edwɛkɛ ne ka ye ɔ nwo kɛ, ‘Nyamenle se: Mebazoa ɛbɔfoɔ meamaa yealumua ɛ nyunlu na yeahɔziezie adenle ne yeamaa wɔ’ la.”

Edwɛkpa ne kɛmɔ Luku hɛlɛle la 7:29

Menli mɔɔ dele ɛhye, nee adwuledievolɛma amuala lile fɛlɛko na bɛyele Nyamenle ayɛlɛ kɛ bɛdiele Dwɔn, bɛnlunle bɛ nwo na bɛmanle ɔzɔnenle bɛ a.

Edwɛkpa ne kɛmɔ Luku hɛlɛle la 9:48

na ɔzele bɛ kɛ, “Awie biala mɔɔ kɛlie kakula ɛhye wɔ me duma nu la, ɛlie medame; yɛɛ awie biala mɔɔ kɛlie me la, ɛlie ahenle mɔɔ zoanle me la noko. Ɔluakɛ mɔɔ le bɛ nuhua ekyi la a le sonlakpole kpalɛ wɔ bɛ avinli a.”