Edwɛkpa ne kɛmɔ Luku hɛlɛle la 7:25 - BAEBOLO ANZƐƐ BULUKU NWUANZANWUANZA

²⁵ Duzu a bɛhɔle ye ɛnleanlɛ a? Sonla mɔɔ heda ɛdakpa la ɔ? Nɔhalɛ, bɛdabɛ mɔɔ bɛkeda ɛdakpa na bɛde anyelielɛ nu la wɔ arelemgbunli azua nu.

Edwɛkpa ne kɛmɔ Luku hɛlɛle la 7:25 ပူးပေါင်းရင်းမြစ်များ

2 Sam 19:35

Kɛkala, meli ɛvolɛ abulatwɛ. Debie biala ɛnzɔ me nye bieko. Debie mɔɔ wɔ sonvolɛ, medi na meanlo la fɛlɛko, anzɛɛ edwɛne mɔɔ mrenya nee mraalɛ mɔɔ ane yɛ fɛ la to la fɛlɛko bɔbɔ, mende bie. Duzu ati a ɔwɔ kɛ wɔ sonvolɛ, menwɔyɛ adesoa menwɔmaa Nana ɛ?

1 Arl 10:5

Akee ɔnwunle aleɛ mɔɔ bɛdi wɔ sua nu ɛkɛ nee ye mgbanyima ne mɔ tɛnlabelɛ nu, kɛ ye sonvolɛma si sonle ye, bɛ adɛladeɛ mɔɔ bɛwula, ye nzasuvolɛma nee ɛyelalɛ azu mɔɔ Sɔlɔmɔn bɔ wɔ Ɛdɛnkɛma Ɛzonlenlɛ Sua ne anu la, ɔzinle ɔ nwo na ɔ nwo bubule ye.

2 Arl 1:8

Bɛbuale ye kɛ, “Nrenya ne wula enrinli ɛdanlɛ tɛladeɛ na nwoma akyeso hye ye avinli.” Belemgbunli ne zele kɛ, “Yilaegya mɔɔ vi Tehyebe la ɔ.”

Ɛseta Buluku ne 1:11

Ɔzele bɛ kɛ bɛhɔze Belemgbunli Raalɛ Vahyetae kɛ ɔzoa ye belemgbunli kyɛlɛ ne na ɔ nee bɛ ɛlua nwolɛ ɛrɛla. Ɔyɛle ɛhye amaa saa ɔba a yeanyia adenle yeava belemgbunli raalɛ ne anwofɛlɛko ne yeadu ɔ nloa anu wɔ menli ne anyunlu, ɔluakɛ ɛnee belemgbunli raalɛ ne anwo yɛ fɛ kpole kpalɛ.

Ɛseta Buluku ne 1:3

Ɔlile ɛvolɛ nsa wɔ ebia ne azo la ɔdole ye mgbanyima nee sonvolɛma, Pɛhyea nee Midea sogya mgbanyinli, menli mɔɔ di munli nee amɛnladoma mɔɔ nea maanle maanle ne mɔ azo la ɛkponle,

Ɛseta Buluku ne 4:2

Ɔhɔle toonwo ɔhɔle belemgbunli ne anuhɔlɛ kpole ne anloa, noko yeanwolo nu, ɔluakɛ bɛngeda ɛrele bɛngɔ suakunlu ɛkɛ ne.

Ɛseta Buluku ne 5:1

Kenle nsa ne dwule la, Ɛseta wulale ye belemgbunli raalɛ tɛladeɛ ne na ɔhɔgyinlanle suakunlu ɛkɛ ne alie ne anwo, ɛleka mɔɔ nee belemgbunli asalo kpole ne anye bɔ zolɛ la. Mekɛ ne anu ɛnee belemgbunli ne de ye ebia nu wɔ ye sua ne anu, ɛleka mɔɔ nee suakunlu ɛkɛ ne anuhɔlɛ ne anye bɔ zolɛ la.

Ɛseta Buluku ne 8:15

Akee Mɔdekae vi belemgbunli sua nu finde a ɔwula belemgbunli tɛladeɛ buluwu nee fufule, na ɔsoa belemgbunli ezukoa nvutuke kyɛlɛ, na yeava dwɛsɛ ɛdanlɛ anye nwohyee nee kɔkɔlɛ kɛnlɛma bie yeagua zolɛ. Ɔvi belemgbunli sua nu ɔfinde a ɛnee awie biala anye ɛlie.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Edwɛkpa ne kɛmɔ Mateyu hɛlɛle la 11:8

Na duzu a bɛhɔle ye ɛnleanlɛ a? Awie mɔɔ heda ɛdakpa la ɔ? Bɛdabɛ mɔɔ bɛheda ɛdakpa la dede arelemgbunli azua nu.

Edwɛkpa ne kɛmɔ Mateyu hɛlɛle la 3:4

Dwɔn wula tɛladeɛ mɔɔ bɛva afunlumu enrinli a bɛnwo la, na yeva nwoma akyeso yehye ɔ nze zo, yɛɛ ye aleɛ a le abɛbɛ nee wolɛ.

Edwɛkpa ne kɛmɔ Mateyu hɛlɛle la 6:29

Noko meka meahile bɛ, Belemgbunli Sɔlɔmɔn bɔbɔ, wɔ ye anwonyia mekɛ ne anu, yeangeda ɛdanlɛ anzɛɛ bɛanziezie ye bɛandɛla aloa ɛhye mɔ anu ko.

Edwɛkpa ne kɛmɔ Luku hɛlɛle la 16:19

“Nrenya sukoavolɛ bie woale ɛkɛ; ɔhedale ndanlɛ ngɛnlɛma mɔɔ awolɛ yɛ se la na ɔlile ɔ ti dahuu.

Edwɛkpa ne kɛmɔ Luku hɛlɛle la 7:24

Nzinlii mɔɔ menli mɔɔ Dwɔn zoanle bɛ la hɔle la, Gyisɛse bɔle ɔ bo kɛ ɔka Dwɔn anwo edwɛkɛ yeahile menli dɔɔnwo ne kɛ, “Mɔɔ bɛhɔle Dwɔn anwo ɛkɛ ne wɔ fienemgbole ne anu la, duzu a ɛnee bɛ nye la kɛ bɛkɛnwu ye a? Ndile mɔɔ anwoma ɛlɛkpusu ye la ɔ?

Edwɛkpa ne kɛmɔ Luku hɛlɛle la 7:26

Bɛha bɛhile me ɛ, duzu a ɛnee akee bɛhɔle ye ɛnleanlɛ a? Nyamenle kpɔmanvolɛ ɔ? Ɔle zɔhane, noko bɛnwunle mɔɔ tɛla Nyamenle kpɔmanvolɛ bɔbɔ la.