Edwɛkpa ne kɛmɔ Luku hɛlɛle la 7:22 - BAEBOLO ANZƐƐ BULUKU NWUANZANWUANZA

²² Na ɔbuale Dwɔn ɛdoavolɛma ne kɛ, “Bɛzia bɛhɔ na bɛhɔha mɔɔ bɛnwu ye nee mɔɔ bɛde la amuala bɛhile Dwɔn: anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo menli mɔɔ ɛwu la bɛba ngoane nu, na bɛbɔ Edwɛkpa ne nolo bɛkile ehyianvolɛma.

Edwɛkpa ne kɛmɔ Luku hɛlɛle la 7:22 ပူးပေါင်းရင်းမြစ်များ

Dwobu Buluku ne 29:15

Menyɛle anyenzinliravolɛma anye, na menyɛle abuburama agyakɛ.

Edwɛndolɛ Buluku ne 146:8

ɔtukue mɔɔ anye ɛzi la anye. Ɛdɛnkɛma dwazo bɛdabɛ mɔɔ bɛgua aze la; ɔkulo bɛdabɛ mɔɔ bɛle tenlene la.

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Ayezaya Buluku ne 43:8

Nyamenle se, “Bɛva menli ne mɔɔ lɛ ɛnyelɛ, noko bɛ nye ɛzi, bɛlɛ ɛnzonlɛ, noko bɛ nzo ɛdi la bɛrɛla.

Gyɛlɛmaya Buluku ne 31:8

Bɛnlea, me nee bie mɔ vi sɔlɔ maanle nu bara, me nee bie mɔ vi maanle ti nee maanle bo bara, anyenzinlirama nee abuburama bara bie, nrenzɛvolɛma nee bɛdabɛ mɔɔ bɛde awolɛ zo la amuala bara bie; bɛle maanle mumua a bɛbazia bɛara ɛke a.

Zɛfanaya Buluku ne 3:12

Ɔluakɛ mebagyakyi menli mɔɔ bɛlɛ bɛ nwo aze na bɛ nwo dwo la. Bɛbakpondɛ ɛvealeka wɔ Ɛdɛnkɛma duma ne anu.

Edwɛkpa ne kɛmɔ Mateyu hɛlɛle la 11:5

anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo mɔwuamra bɛba ngoane nu bieko, yɛɛ bɛka Edwɛkpa ne bɛkile ehyianvolɛma.

Edwɛkpa ne kɛmɔ Mateyu hɛlɛle la 21:14

Anyenzinliravolɛma nee abuburama rale ɔ nwo ɛkɛ ne wɔ Ɛzonlenlɛ Sua ne anu, na ɔyɛle bɛ ayile.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Edwɛkpa ne kɛmɔ Luku hɛlɛle la 7:21

Mekɛ zɔhane, Gyisɛse yɛle menli dɔɔnwo mɔɔ ɛnde kpɔkɛ nee bɛdabɛ mɔɔ ewulenzane wɔ bɛ nwo la ayile manle bɛdele kpɔkɛ, ɔdudule sunsum ɛtane ɔvile menli nwo na ɔdukuedukuele anyenzinliravolɛma dɔɔnwo anye.

Edwɛkpa ne kɛmɔ Luku hɛlɛle la 7:23

Nyilalɛ ɛha bɛdabɛ mɔɔ medame ti bɛmkpo aze wɔ diedi nu la.”

Dw 1:46

Natanayɛle bizale ye kɛ, “Asoo debie kpalɛ bie kola fi Nazalɛte finde?” Felepe buale kɛ, “Bɛla banlea.”

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 8:7

ɔluakɛ ɔmanle sunsum ɛtane dɔɔnwo deɛdeanle nu na bɛvile menli somaa ne ala anwo. Menli mɔɔ ɛdwidwe nee abuburama dele kpɔkɛ,

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.