Edwɛkpa ne kɛmɔ Luku hɛlɛle la 7:16 - BAEBOLO ANZƐƐ BULUKU NWUANZANWUANZA

¹⁶ Ɛzulolɛ hanle bɛdabɛ mɔɔ bɛwɔ ɛkɛ ne la amuala, na bɛyele Nyamenle ayɛlɛ bɛzele kɛ, “Nyamenle kpɔmanvolɛ kpole bie ɛvinde yɛ avinli! Nyamenle ɛra baboa ye menli.”

Edwɛkpa ne kɛmɔ Luku hɛlɛle la 7:16 ပူးပေါင်းရင်းမြစ်များ

Edwɛndolɛ Buluku ne 65:9

Ɛkpɔla azɛlɛ ye na ɛtɔ nzule ɛgua zo; ɛmaa ɔyɛ azɛlɛ mɔɔ kye aleɛ la. Ɛmaa azule ne mɔ yi tɛkɛɛ; ɛmaa bɛ ma yɛ kpalɛ, ɔluakɛ kɛ ɛhyehyɛle ye la ɛne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:31

Na menli ne liele lile. Mɔɔ bɛdele kɛ Ɛdɛnkɛma ɛrakpɔla ye menli Yizilayɛma na yenwu bɛ amaneɛnwunlɛ ne la, bɛbɔle bɛ ti aze bɛyeyɛle ye.

Gyɛlɛmaya Buluku ne 33:9

Na Gyɛlusalɛm bayɛ anyelielɛ, ayɛlɛyelɛ, yɛɛ anyunlunyia ɛleka amaa me wɔ maanle maanle kɔsɔɔti anye zo. Maanle biala mɔɔ bade kpalɛ mɔɔ meyɛ memaa suakpole ye la bazulo, ɔ nwo awozo ye wɔ nyele mɔɔ meyɛ memaa ye nee ɛkpazilɛ mɔɔ memaa suakpole ne ɛkpazi la ati.”

Edwɛkpa ne kɛmɔ Mateyu hɛlɛle la 15:31

Mɔɔ menli ne nwunle kɛ mumule ɛlɛtendɛ, abubura ɛlɛtia, mɔɔ ɛdwidwe la anwo ɛza, na anyenzinliravolɛ nwu debie la, ɔzinle bɛ nwo, na bɛyele Yizilayɛ Nyamenle ne ayɛlɛ.

Edwɛkpa ne kɛmɔ Mateyu hɛlɛle la 21:11

Na menli dɔɔnwo ne zele kɛ, “Ɛhye a le Nyamenle kpɔmanvolɛ ne mɔɔ bɛfɛlɛ ye Gyisɛse, mɔɔ vi Nazalɛte mɔɔ wɔ Galeli la.”

Edwɛkpa ne kɛmɔ Mateyu hɛlɛle la 28:8

Yemɔti ndɛndɛ ne ala bɛvale ɛzulolɛ nee fɛlɛkolilɛ bɛvile sɛka ne azo bɛhɔle, na bɛvale ɛnriandilɛ kɛ bɛkabɔ Gyisɛse ɛdoavolɛma ne amaneɛ.

Edwɛkpa ne kɛmɔ Mateyu hɛlɛle la 9:8

Menli ne mɔ nwunle ye zɛhae la, ɛzulolɛ hanle bɛ, na bɛyele Nyamenle ayɛlɛ kɛ yeva tumi mɔɔ le zɛhae la yemaa sonla a.

Edwɛkpa ne kɛmɔ Luku hɛlɛle la 1:65

Ɛzulolɛ hanle ye kpalɛzo amra amuala, na bɛhɔhanle mɔɔ ɛzi la wɔ Dwudiya maanzinli ne anu amuala.

Edwɛkpa ne kɛmɔ Luku hɛlɛle la 1:68

“Bɛmaa yɛye Awulae, Yizilayɛ Nyamenle ne ayɛlɛ! Yeraboa ye menli na yekpɔne bɛ.

Edwɛkpa ne kɛmɔ Luku hɛlɛle la 19:44

Bɛbagologolo wɔ bɛagua na bɛazɛkye menli mɔɔ wɔ zolɛ la amuala; bɛnrɛgyakyi bolɛ ko bɔbɔ wɔ ɔ bo zo ne, ɔboalekɛ wɔannwu mekɛ ne mɔɔ Nyamenle rale kɛ ɔbalie wɔ ngoane la.”

Edwɛkpa ne kɛmɔ Luku hɛlɛle la 2:20

Mboaneneavolɛma ne ziale hɔle, bɛdole edwɛne bɛyele Nyamenle ayɛlɛ wɔ mɔɔ bɛde nee mɔɔ bɛnwu ye la anwo; mɔɔ bɛnwunle ye la amgba le kɛ mɔɔ Nyamenle soanvolɛ ne hanle hilele bɛ ala la.

Edwɛkpa ne kɛmɔ Luku hɛlɛle la 24:19

Ɔbizale bɛ kɛ, “Duzu edwɛkɛ?” Bɛbuale ye kɛ, “Edwɛkɛ mɔɔ ɛzi Gyisɛse mɔɔ vi Nazalɛte la anwo zo la.” Akee bɛvale bɛzɔle zolɛ kɛ, “Nrenya ɛhye le Nyamenle kpɔmanvolɛ, yɛɛ wɔ Nyamenle nee menli kɔsɔɔti anyunlu, ɔhilele kɛ tumi wɔ ye edwɛkɛhanlɛ nee ye nyɛleɛ nu.

Edwɛkpa ne kɛmɔ Luku hɛlɛle la 5:26

Ɔzinle bɛ muala bɛ nwo kpole, na bɛvale sulosulo bɛyele Nyamenle ayɛlɛ bɛzele kɛ, “Ɛnɛ yɛnwu ninyɛne ɛzulolɛ kpalɛ!”

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Edwɛkpa ne kɛmɔ Luku hɛlɛle la 7:15

Sonla ne mɔɔ ɛwu la dwazole dɛnlanle aze na ɔbɔle ɔ bo kɛ ɔtendɛ, na Gyisɛse vale ye manle ɔ nli.

Edwɛkpa ne kɛmɔ Luku hɛlɛle la 7:39

Mɔɔ Falasiinli ne mɔɔ yiale Gyisɛse la nwunle ɛhye la, ɔhanle ye ɔ ti akunlu kɛ, “Saa amgba nrenya ɛhye le Nyamenle kpɔmanvolɛ a, anrɛɛ ɔkɛnwu raalɛ holɛ ko mɔɔ ɛlɛfa ɔ sa aha ye la, na ɔkɛnwu ye ɛbɛla mgbane mgbane mɔɔ ɔbɔ la.”

Edwɛkpa ne kɛmɔ Luku hɛlɛle la 8:37

Ɛzulolɛ kpole mɔɔ hanle Gɛlasa maanlema la manle bɛzele Gyisɛse kɛ ɔvi bɛ maanle ne anu ɔhɔ. Yemɔti Gyisɛse vole ɛlɛne nu kɛ ɔkɔ.

Edwɛkpa ne kɛmɔ Luku hɛlɛle la 9:19

Bɛbuale ye kɛ, “Bie mɔ se wɔmɔ a le Dwɔn Sɔnevolɛ ne, bie mɔ noko se wɔmɔ a le Yilaegya, yɛɛ bie mɔ se mɔmoane Nyamenle kpɔmanvolɛma ne mɔ anu ko a ɛzia ɛra ngoane nu a.”

Dw 1:21

Bɛbizale ye kɛ, “Ɛnee wɔmɔ a le nwane? Wɔmɔ a ɛle Yilaegya ɔ?” Dwɔn buale bɛ kɛ, “Kyɛkyɛ, tɛ yemɔ a le me.” Bɛbizale ye kɛ, “Wɔmɔ a ɛle Nyamenle kpɔmanvolɛ ne ɔ?” Ɔbuale kɛ, “Kyɛkyɛ.”

Dw 1:25

Bɛbizale Dwɔn kɛ, “Saa tɛ wɔ a ɛle Mɛzaya ne, Yilaegya anzɛɛ Nyamenle kpɔmanvolɛ ne a, ɛnee duzu ati a ɛsɔne menli a?”

Dw 4:19

Raalɛ ne zele kɛ, “Yɛmenle, menea wɔ a ɛle Nyamenle kpɔmanvolɛ.

Dw 6:14

Mɔɔ menli ne nwunle nwanwane gyima kpole ɛhye mɔɔ Gyisɛse ɛli la bɛhanle kɛ, “Nɔhalɛ, ɛhye a le Nyamenle kpɔmanvolɛ ne mɔɔ bara ewiade la!”

Dw 9:17

Yemɔti Falasiima ne bizale nrenya ne bieko kɛ, “Ɛse ɔdaye yɛɛ ɔdukuele ɛ nye a, ɛnee duzu edwɛkɛ a ɛka ye wɔ ɔ nwo a?” Ɔbuale kɛ, “Ɔle Nyamenle kpɔmanvolɛ.”

Ɛzoanvolɛma Gyima ne 5:5

Ananayase dele edwɛkɛ ɛhye la, ɔpɛle ɔfinle na ɔwule ɛkɛ ne ala; na ɛzulolɛ kpole hanle bɛdabɛ mɔɔ bɛdele edwɛkɛ ne la amuala.

Ɛzoanvolɛma Gyima ne 7:37

Mosisi ɛhye ala a zele Yizilayɛma kɛ, ‘Nyamenle baye ye kpɔmanvolɛ avi bɛ avinli yeazoa ye bɛ nwo, kɛmɔ ɔzoanle me la.’

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:24

Na ɔlua me ti bɛyele Nyamenle ayɛlɛ.

Mɛla 18:15

Ɛdɛnkɛma bɛ Nyamenle ne bamaa ye kpɔmanvolɛ mɔɔ le kɛ medame la avinde bɛ avinli. Ɔbaye ye yeavi bɛdabɛ bɛ mediema ne mɔ avinli, na yemɔ yɛɛ ɔwɔ kɛ bɛtie ye a.