Edwɛkpa ne kɛmɔ Luku hɛlɛle la 7:13 - BAEBOLO ANZƐƐ BULUKU NWUANZANWUANZA

¹³ Mɔɔ Awulae nwunle raalɛ ne la alɔbɔlɛ hunle ye, na ɔzele ye kɛ, “Mmasu.”

Edwɛkpa ne kɛmɔ Luku hɛlɛle la 7:13 ပူးပေါင်းရင်းမြစ်များ

Edwɛndolɛ Buluku ne 103:13

Kɛ selɛ si nwu ɔ mra anwunvɔne la, zɔhane ala yɛɛ Ɛdɛnkɛma nwu bɛdabɛ mɔɔ bɛsulo ye la anwunvɔne a.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Gyɛlɛmaya Buluku ne 31:20

“Yizilayɛ, ɛle me ra nrenya mɔɔ mekulo wɔ, ɛle ralɛ nrenya mɔɔ ɛla me ahonle nwo. Mekɛ biala mɔɔ menwɔva ɛ nwo ɛya la, ɛnee ɛ nwo adwenle gyi me adwenle nu. Yemɔti me nwo dɔ wɔ; nɔhalɛ, mebanwu wɔ anwunvɔne. Medame Ɛdɛnkɛma a mese a.

Edwɛkpa ne kɛmɔ Maake hɛlɛle la 8:2

“Me kunlu yelɛyela me wɔ menli ɛhye mɔ anwo, ɔluakɛ bɛ nee me ɛradɛnla kenle nsa, yɛɛ bɛnlɛ debie biala mɔɔ bɛdi ye kɛkala a.

Edwɛkpa ne kɛmɔ Luku hɛlɛle la 10:1

Nzinlii Awulae yele menli abulasuu nee nwiɔ noko na ɔzoanle bɛ nwiɔ nwiɔ ɔmanle bɛlumuale bɛhɔle sua biala azo nee ɛleka biala mɔɔ ɔdaye ɔbahɔ la.

Edwɛkpa ne kɛmɔ Luku hɛlɛle la 11:1

Kenle ko Gyisɛse hɔle ɛleka bie kɛ ɔkayɛ nzɛlɛlɛ. Ɔwiele la, ye ɛdoavolɛma ne anu ko hanle hilele ye kɛ, “Awulae, kile yɛ kɛ bɛsi bɛyɛ nzɛlɛlɛ la, kɛmɔ Dwɔn hilele ye ɛdoavolɛma ne mɔ la.”

Edwɛkpa ne kɛmɔ Luku hɛlɛle la 11:39

Na Awulae zele ye kɛ, “Bɛmɛ Falasiima, bɛkpuda bɛ kanrɛlɛ nee bɛ ɛyɛba nwo, noko bɛ ahonle ne mɔ anu, atisesebɛ nee ɛtane ngome ɛyi bɛ tetɛkɛɛ.

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

Edwɛkpa ne kɛmɔ Luku hɛlɛle la 13:15

Awulae buale ye kɛ, “Bɛmɛ nabalabama! Saa ɔdwu Ɛnwomenlelielɛ Kenle a bɛ biala sianyi ye ɛnlankɛ anzɛɛ asoaso ɔfa ye ɔkɔmaa ye nzule.

Edwɛkpa ne kɛmɔ Luku hɛlɛle la 17:5

Ɛzoanvolɛma ne hanle hilele Awulae kɛ, “Maa yɛ diedi ɛnyi.”

Edwɛkpa ne kɛmɔ Luku hɛlɛle la 17:6

Awulae buale bɛ kɛ, “Saa bɛlɛ diedi mɔɔ ye kpole le kɛ ‘mɛsetade’ baka ma ekyi bie bɔbɔ la a, anrɛɛ bɛkɛhola bɛkɛha bɛkɛhile baka kpole ɛhye mɔɔ bɛfɛlɛ ye ‘sekamɔ’ la kɛ, ‘Tu kɔgyinla nyevile nu lɔ’ a, ɔkɛyɛ zɔhane.”

Edwɛkpa ne kɛmɔ Luku hɛlɛle la 18:6

Na Awulae vale zɔle zolɛ kɛ, “Bɛdie mɔɔ ndɛnebuavolɛ alane ne hanle a.

Edwɛkpa ne kɛmɔ Luku hɛlɛle la 19:8

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Edwɛkpa ne kɛmɔ Luku hɛlɛle la 22:61

Awulae hakyile ɔ nye nleanle Pita, na Pita hakyele Awulae edwɛkɛ ne mɔɔ ɔhanle kɛ, “Mɔɔ akɔlɛ kabɔ la, ɛnee wɔha ye fane nsa kɛ ɛnze me” la.

Edwɛkpa ne kɛmɔ Luku hɛlɛle la 24:3

yemɔti bɛwolole nuhua, na bɛannwu Awulae Gyisɛse funli ne.

Edwɛkpa ne kɛmɔ Luku hɛlɛle la 24:34

na bɛlɛka kɛ, “Amgba, Awulae ɛdwazo! Yeye ɔ nwo yehile Saemɔn!”

Edwɛkpa ne kɛmɔ Luku hɛlɛle la 7:12

Ɔhɔdwule sua ne kandiba la ɛnee bɛdo ɛlɔnwɔne na bɛ nee funli vi sua ne azo anuhɔlɛ kpole ne anu ɛlɛfinde. Ahenle mɔɔ ɛwu la le raalɛ kunlanvolɛ bie ara nrenya kokye, ɛhye ati ɛnee sua ne azo amra dɔɔnwo doa raalɛ ne.

Edwɛkpa ne kɛmɔ Luku hɛlɛle la 7:14

Akee ɔhɔvale ɔ sa ɔhanle ɛlɛka ne na bɛdabɛ mɔɔ bɛzo funli ne la gyinlanle na bɛzokoɛle. Gyisɛse zele kɛ, “Kpavolɛ! Mese, dwazo!”

Edwɛkpa ne kɛmɔ Luku hɛlɛle la 7:19

na ɔzoanle bɛ wɔ Awulae anwo ɛkɛ ne kɛ bɛhɔbiza ye kɛ, “Ɛnee wɔmɔ a ɛle ahenle ne mɔɔ ɛlɛba la, anzɛɛ yɛmaa yɛ nye ɛla awie fofolɛ ade ɔ?”

Edwɛkpa ne kɛmɔ Luku hɛlɛle la 8:52

Ɛnee awie biala mɔɔ wɔ sua nu ɛkɛ ne la ɛlɛsu aye awolɛ wɔ kakula ne mɔɔ ɛwu la ati. Na Gyisɛse zele bɛ kɛ, “Bɛmmasu na kakula ne ɛtɛwule; ɔlɛdafe ala!”

Dw 11:2

(Mɛle ɛhye a wolale nwole evuanlɛ ne guale Awulae agyakɛ anwo na ɔvale ɔ ti enrinli ɔkyikyile la, yɛɛ ɔ diema nrenya a le Lazalɛse ɛhye mɔɔ ɛnde kpɔkɛ la.)

Dw 11:3

Mediema mraalɛ ne mɔ zoanle manle bɛhɔzele Gyisɛse kɛ, “Awulae, ɛ gɔnwo kpalɛ ne ɛnde kpɔkɛ.”

Dw 20:13

Bɛbizale ye kɛ, “Ɔmɔ, duzu ati a ɛlɛsu a?” Ɔbuale bɛ kɛ, “Bɛrava me Awulae bɛhɔ, na mennwu ɛleka mɔɔ bɛhɔdo ye a.”

Dw 20:15

Gyisɛse bizale ye kɛ, “Ɔmɔ, duzu ati a ɛlɛsu a? Nwane a ɛkpondɛ ye a?” Ɛnee Mɛle dwenle kɛ ahenle ne mɔɔ gyi ɔ nyunlu ɛkɛ ne la a le sonla ne mɔɔ nea tola ne azo la ati, ɔzele ye kɛ, “Yɛmenle, saa ɛdawɔ yɛɛ ɛrayele ye ɛhɔle a, ka na kile me ɛleka mɔɔ ɛhɔdole ye la maa mengɔnva.”

Dw 4:1

Falasiima ne dele kɛ Gyisɛse ɛlɛnyia menli dɔɔnwo azɔne bɛ, yeava bɛ yeayɛ ɛdoavolɛma adɛla Dwɔn.

Dw 6:23

Nzinlii nlɛne gyɛne vi Taebilease rale ɛleka mɔɔ Gyisɛse vale kpanwo ne na ɔyɛle mo ɔvale ɔmanle menli ne lile la.

1 Kɔl 7:30

bɛdabɛ mɔɔ bɛsu la ɛyɛ bɛ nwo kɛ bɛnli nyane; bɛdabɛ mɔɔ bɛ nye ɛlie la ɛyɛ bɛ nwo kɛ bɛnli fɛlɛko; bɛdabɛ mɔɔ bɛtɔ ninyɛne la ɛyɛ bɛ nwo kɛ mɔɔ bɛtɔ la ɛnle bɛ ɛdeɛ;

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

Kɛlata mɔɔ bɛhɛlɛle bɛhɔmanle Hibuluma la 4:15

Yɛ Sɛlɛvolɛ Kpanyinli ɛhye le sonla mɔɔ se yɛ anwunvɔne wɔ yɛ sinlidɔlɛ nwo a. Yɛlɛ Sɛlɛvolɛ Kpanyinli mɔɔ bɛzɔle ye bɛnleanle kɛ yɛdayɛ la, noko yeanyɛ ɛtane biala.

Maanlebuvolɛma Buluku ne 10:16

Akee bɛkpole bɛ nyamenle ne mɔ na bɛzonlenle Ɛdɛnkɛma. Na Yizilayɛma anwubɛnyunlu ne yɛle Ɛdɛnkɛma nyane nee ɛya.