Edwɛkpa ne kɛmɔ Luku hɛlɛle la 7:12 - BAEBOLO ANZƐƐ BULUKU NWUANZANWUANZA

¹² Ɔhɔdwule sua ne kandiba la ɛnee bɛdo ɛlɔnwɔne na bɛ nee funli vi sua ne azo anuhɔlɛ kpole ne anu ɛlɛfinde. Ahenle mɔɔ ɛwu la le raalɛ kunlanvolɛ bie ara nrenya kokye, ɛhye ati ɛnee sua ne azo amra dɔɔnwo doa raalɛ ne.

Edwɛkpa ne kɛmɔ Luku hɛlɛle la 7:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:12

Ɛdɛnkɛma soanvolɛ ne zele ye kɛ, “Mmafa ɛ sa ɛka kakula ne anzɛɛ mmayɛ ye debie. Ɔluakɛ kɛkala, menwu kɛ ɛsulo Nyamenle, ɔboalekɛ wɔanva ɛ ra kokye ne wɔanyɛ me abokɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:2

Ɔzele ye kɛ, “Fa ɛ ra nrenya ne, ɛ ra kokye Ayezeke, mɔɔ la wɔ ahonle nwo la, na kɔ Molaya azɛlɛ zo kɔyela ye bɔ azu wɔ awoka ne mɔ ko mɔɔ mebahile wɔ la azo maa me.”

2 Sam 14:7

Kɛkala, me nwo amra kɔsɔɔti ɛhɔ afoa na bɛze me kɛ, ‘Fa sonla ne mɔɔ hunle ɔ diema ne la bɛla maa yɛhu ye bie.’ Saa bɛyɛ ɛhye a ɛnee ɔkile kɛ bɛnlua me anyevinli ala ɛne. Me hu ɛnrɛnyia ye kɔliagya yɛɛ ye duma baminli ewiade ye anu.”

1 Arl 17:12

Raalɛ kunlanvolɛ ne buale ye kɛ, “Meka Ɛdɛnkɛma wɔ Nyamenle ne kɛ menlɛ kpanwo nretee zɛ wɔ ɛkɛ. Yeha me ɛdɔkɛ ekyi bie wɔ me kpule ne abo yɛɛ nwole ekyi wɔ toba bo. Yemɔ yɛɛ melɛkpondɛ nwolɛ ngeleka kɛyɛ nwiɔ meahɔwuda senle meado na me nee me ra nrenya ne yɛava yɛazɔ yɛ ɛbolɛ a. Saa yɛdi na ɔwie a ɛnee yɛze kɛ yɛ awieleɛ ne ala ɛne; ɛhɔne yɛɛ bahu yɛ a, ɔluakɛ ɛnee yɛnlɛ aleɛ bieko.”

1 Arl 17:18

Raalɛ ne hanle hilele Yilaegya kɛ, “Nyamenle sonla, duzu edwɛkɛ a le ɛhye? Medwenle kɛ ɛrale ɛke kɛ ɛfa saleɛ wɔarɛlɛ me; amuanrɛɛ ɛrale kɛ ɛbaza me ɛtane ne mɔ wɔagua zolɛ na wɔamaa me ra ye awu.”

1 Arl 17:23

Ɔvale kakula ne ɔdwule aze ɔrɛlɛle ɔ nli na ɔzele kɛ, “Ɔmɔ, nea, ɛ ra ne ɛde kpɔkɛ!”

1 Arl 17:9

“Dwazo kɔ Zalefate mɔɔ wɔ Saedɛn maanzinli nu la kɔdɛnla ɛkɛ. Meyɛ ye kɛ kunlanvolɛ raalɛ bie mɔɔ de ɛkɛ ne maanle ne anu la ɛmaa wɔ aleɛ.”

2 Arl 4:16

na Yilaehya zele ye kɛ, “Ɛvolɛ bieko bekezɛ ɛnee ɛvia ralɛ nrenya.” Raalɛ ne buale kɛ, “Yɛmenle, Ɛle Nyamenle sonla, mmabɛlɛbɛla me.”

2 Arl 4:20

Sonvolɛ ne vale kakula ne hɔmanle ɔ nli. Raalɛ ne vale kakula ne dole ɔ gyakɛ azo na ɔkadwu sɛnzɛngyinla la, kakula ne wule.

Dwobu Buluku ne 29:13

Menli mɔɔ asɛɛ ɛdɔ nzonle la yileyilale me, na memanle ahunlanvolɛ mraalɛ dole anyelielɛ edwɛne.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Luku hɛlɛle la 7:11

Aleɛ hyenle la Gyisɛse hɔle suakpole bie mɔɔ bɛfɛlɛ ye Neeyen la azo. Ye ɛdoavolɛma ne nee menli dɔɔnwo nee ye a hɔle a.

Edwɛkpa ne kɛmɔ Luku hɛlɛle la 7:13

Mɔɔ Awulae nwunle raalɛ ne la alɔbɔlɛ hunle ye, na ɔzele ye kɛ, “Mmasu.”

Edwɛkpa ne kɛmɔ Luku hɛlɛle la 8:42

ɔluakɛ ɔ ra raalɛ kokye mɔɔ ɛli ɛvolɛ bulu nee nwiɔ la ɛlɛdie ewule awu. Gyisɛse nee nrenya ne bɛlɛkɔ la, menli dɔɔnwo doale ye na bɛhyelele ɔ nwo zo kpalɛ.

Edwɛkpa ne kɛmɔ Luku hɛlɛle la 8:52

Ɛnee awie biala mɔɔ wɔ sua nu ɛkɛ ne la ɛlɛsu aye awolɛ wɔ kakula ne mɔɔ ɛwu la ati. Na Gyisɛse zele bɛ kɛ, “Bɛmmasu na kakula ne ɛtɛwule; ɔlɛdafe ala!”

Dw 11:19

yemɔti Dwuuma dɔɔnwo ɛra kɛ bɛbakyekye Maata nee ɔ diema Mɛle arɛle wɔ bɛ diema nrenya ne ewule ne anwo.

Ɛzoanvolɛma Gyima ne 9:39

Pita noko anzi aze na ɔ nee bɛ hɔle. Ɔhɔdwule la, bɛ nee ye hɔle ɛbolɔnsane ne azo ɛleka mɔɔ bɛdeda ye la. Ahunlanvolɛ mraalɛ mɔɔ Dɔkase ɛyɛ bɛ nyele ɛlɛ la vale ɛzunlɛ rabɔle yiale Pita na bɛvale adɛladeɛ mɔɔ Dɔkase kpomgbale hyɛle bɛ, wɔ mekɛ mɔɔ ɔde aze la bɛhilele ye.

Ɛzoanvolɛma Gyima ne 9:41

Pita zɔle ye manle ɔdwazole ɔgyinlanle. Akee ɔvɛlɛle diedima ne nee ahunlanvolɛ mraalɛ ne mɔ na ɔvale ye ɔmanle bɛ.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.