Edwɛkpa ne kɛmɔ Luku hɛlɛle la 6:8 - BAEBOLO ANZƐƐ BULUKU NWUANZANWUANZA

⁸ Gyisɛse nwunle bɛ adwenle na ɔzele nrenya ne mɔɔ asa ɛdwe la kɛ, “Dwazo bagyinla yɛ nyunlu ɛke.” Nrenya ne dwazole ragyinlanle ɛkɛ ne.

Edwɛkpa ne kɛmɔ Luku hɛlɛle la 6:8 ပူးပေါင်းရင်းမြစ်များ

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

Dwobu Buluku ne 42:2

Ɔse, “Meze kɛ ɛkola ɛyɛ ninyɛne muala, yɛɛ awie ɛngola ɛnzɛkye wɔ ngyehyɛlɛ biala.

Edwɛndolɛ Buluku ne 44:21

asoo anrɛɛ Nyamenle ɛnrɛnwu ye ɔ? Ɔluakɛ ɔze ahonle muala anu.

Ayezaya Buluku ne 42:4

Ɔnrɛkpo aze anzɛɛ ye ahonle ɛnrɛdu, kɔkpula kɛ ɔkɛmaa pɛlepɛlelilɛ kɛra ewiade. Ɛnweanloa amra ɛlɛkendɛ ye mɛla ne.”

Edwɛkpa ne kɛmɔ Mateyu hɛlɛle la 9:4

Gyisɛse nwunle bɛ adwenle, yemɔti ɔzele bɛ kɛ, “Duzu ati a bɛ adwenle le ɛtane zɛhae a?

Edwɛkpa ne kɛmɔ Maake hɛlɛle la 3:3

Gyisɛse zele nrenya ne mɔɔ asa ko ɛdwe la kɛ, “Dwazo bagyinla yɛ nyunlu ɛke.”

Edwɛkpa ne kɛmɔ Luku hɛlɛle la 13:12

Mɔɔ Gyisɛse nwunle ye la, ɔvɛlɛle ye na ɔzele ye kɛ, “Ɔmɔ, bɛye wɔ bɛvi wɔ anwonyane ne anu!”

Edwɛkpa ne kɛmɔ Luku hɛlɛle la 5:22

Gyisɛse nwunle bɛ adwenle na ɔzele bɛ kɛ, “Duzu ati a bɛdwenle ninyɛne ɛhye mɔ anwo ɛ?

Edwɛkpa ne kɛmɔ Luku hɛlɛle la 6:9

Gyisɛse zele bɛ kɛ, “Mebiza bɛ, duzu a yɛ mɛla ne maa nwolɛ adenle kɛ yɛyɛ wɔ Ɛnwomenlelielɛ Kenle ne a? Yɛyɛ ahunlunyele anzɛɛ yɛli ɛtane? Yɛlie sonla ngoane anzɛɛ yɛzɛkye ye?”

Dw 2:25

Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Dw 21:17

Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.

Dw 9:4

Alehyenlɛ ye wɔ zo la, ɔwɔ kɛ yɛkɔ zolɛ yɛyɛ mɔɔ zoanle me la gyima ne; aledwolɛ ɛlɛba mɔɔ awie ɛngola ɛnyɛ gyima a.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 26:26

Belemgbunli Agelepa, mekpa edwɛkɛ ne anwo ɛdanlɛ mɔɔ menzulo ɔ nzi a, ɔluakɛ ɛdawɔ ɛze ɛhye mɔ amuala. Meze noko kɛ ɛyɛle bɛ nzonlɛ kpalɛ kpalɛ, ɔluakɛ ɛhye mɔ biala anzi fealera nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:28

Bɛmmasulo bɛ agbɔvolɛ ne mɔ; bɛnyia akɛnrasesebɛ, na ɛhye bahile amaa bɛanwu kɛ bɛmɛ bɛli konim na bɛ agbɔvolɛ ne mɔ ɛho ɛdɔ. Ɔluakɛ bɛ ngoane a le Nyamenle.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

1 Pit 4:1

Kɛmɔ bɛmɛ bɛ ti Kelaese nwunle amaneɛ wɔ nwonane nu la, ɔwɔ kɛ bɛdabɛ noko bɛnwu ye kɛ bɛbanwu amaneɛ; ɔboalekɛ mɔɔ kɛnwu amaneɛ wɔ nwonane nu la ɛnyɛ ɛtane bieko.

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.