Edwɛkpa ne kɛmɔ Luku hɛlɛle la 6:6 - BAEBOLO ANZƐƐ BULUKU NWUANZANWUANZA

⁶ Ɛnwomenlelielɛ Kenle bieko Gyisɛse hɔle nyianu sua ne anu hɔhilehilele. Nrenya ko wɔ ɛkɛ ne mɔɔ ɔ sa fema ne ɛdwe a.

Edwɛkpa ne kɛmɔ Luku hɛlɛle la 6:6 ပူးပေါင်းရင်းမြစ်များ

1 Arl 13:4

Belemgbunli Gyɛlɔbowam dele Nyamenle sonla ne edwɛkɛ mɔɔ ɛha wɔ azukponle ne anwo wɔ Bɛtɛle la, ɔdendenle ɔ sa wɔ Nyamenle kpɔmanvolɛ ne anwo na ɔdeanle nuhua kɛ, “Bɛhye ye!” Na ɛkɛ ne ala ɔ sa ne mɔɔ ɔdendenle la tenlenle mɔɔ ɔfa ɔmeta ɔ nwo a ɔnyɛ boɛ a.

Zɛkalaya Buluku ne 11:17

Me mboaneneavolɛ mgbane zɔhane, mɔɔ kpo me mboane ne mɔ la, ye gyakɔ! Bɛbapepɛ ɔ sa wɔ konle nu na bɛadu ɔ nye fema ne. Ɔ sa badwe, yɛɛ ɔ nye fema ne bazi bɔkɔɔ.”

Edwɛkpa ne kɛmɔ Mateyu hɛlɛle la 4:23

Gyisɛse hɔkpɔsale Galeli maanzinli ne anu amuala na ɔhilehilele wɔ bɛ nyianu azua ne mɔ anu, ɔhanle Anwuma Belemgbunlililɛ ne anwo Edwɛkpa ne, na ɔmanle menli mɔɔ ewule nee anwondolɛ ngakyile ɛha bɛ la anwo zale.

Edwɛkpa ne kɛmɔ Luku hɛlɛle la 13:10

Ɛnwomenlelielɛ Kenle ko bie ɛnee Gyisɛse ɛlɛkilehile wɔ nyianu sua bie anu.

Edwɛkpa ne kɛmɔ Luku hɛlɛle la 14:3

na Gyisɛse bizale mɛla kilehilevolɛma ne nee Falasiima ne mɔ kɛ, “Asoo yɛ mɛla ne tua ayileyɛlɛ wɔ Ɛnwomenlelielɛ Kenle ne, anzɛɛ ɔndua?”

Edwɛkpa ne kɛmɔ Luku hɛlɛle la 4:16

Gyisɛse akee hɔle Nazalɛte, ɛleka mɔɔ bɛtetele ye la, ɔhɔle nyianu sua ne anu Ɛnwomenlelielɛ Kenle ne, kɛmɔ ɔyɛ ye dahuu la, na ɔdwazole kɛ ɔkenga Nyamenle Edwɛkɛ ne.

Edwɛkpa ne kɛmɔ Luku hɛlɛle la 4:31

Akee Gyisɛse hɔle Galeli maanzinli nu suakpole bie mɔɔ bɛfɛlɛ ye Kapɛnayɛm la azo, na ɔhilehilele menli ne wɔ Ɛnwomenlelielɛ Kenle ne.

Edwɛkpa ne kɛmɔ Luku hɛlɛle la 6:1

Ɛnwomenlelielɛ Kenle ko bie ɛnee Gyisɛse lua atoko ɛya bie anu. Ye ɛdoavolɛma ne bubule atoko ne bie lile.

Edwɛkpa ne kɛmɔ Luku hɛlɛle la 6:5

Na Gyisɛse dwulale ye edwɛkɛ ne kɛ, “Medame Sonla Ra, melɛ tumi wɔ Ɛnwomenlelielɛ Kenle ne azo.”

Dw 5:3

Menli dɔɔnwo mɔɔ ɛnde kpɔkɛ la gugua kpɔda ne mɔ abo, anyenzinliravolɛma, abuburama, yɛɛ bɛdabɛ mɔɔ bɛ foa ko ɛdwe la amuala. [Bɛlɛkendɛ bɛamaa bɛakpoto azule ne,

Dw 9:16

Falasiima ne bie mɔ hanle kɛ, “Sonla mɔɔ yɛle ɛhye la ɛnvi Nyamenle ɛkɛ, ɔboalekɛ ɔnli Ɛnwomenlelielɛ Kenle mɛla ne azo.” Bie mɔ noko hanle kɛ, “Na kɛ ɔkɛyɛ na sonla mɔɔ le ɛtanenli la ayɛ nwanwane gyima mɔɔ le zɛhae ɛ?” Na menli ne lile abunwiɔ.