Edwɛkpa ne kɛmɔ Luku hɛlɛle la 6:40 - BAEBOLO ANZƐƐ BULUKU NWUANZANWUANZA

⁴⁰ Ɛdoavolɛ ɛnle kpole ɛndɛla ye kilehilevolɛ, yɛɛ ɛdoavolɛ biala di munli wɔ ye ndetelɛ nu a, ɔyɛ kɛ ye kilehilevolɛ ne ala la.

Edwɛkpa ne kɛmɔ Luku hɛlɛle la 6:40 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:15

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ, bɛdua nyevile nye, bɛdua aze bɛkɔ maanle maanle zo kɛ bɛkɛnyia sonla ko bɔbɔ bɛkɛhakyi ye bɛkɛmaa ɔkɛzonle Nyamenle; noko saa bɛnyia bie a, bɛyɛ bɛmaa ɔ nwo fɛta abɔnsam senle nu fane nwiɔ kɛ bɛdabɛ la!

Edwɛkpa ne kɛmɔ Luku hɛlɛle la 6:41

“Duzu ati a ɛnwu mumunli ne mɔɔ la ɛ diema bie anye zo la, na ɛndwenle dubinli ne mɔɔ la ɛ nye zo la anwo ɛ?

Dw 13:16

Meka nɔhalɛ meahile bɛ: Akɛlɛ biala ɛnle kpole ɛndɛla ɔ menle; soanvolɛ biala ɛnle kpole ɛndɛla ahenle mɔɔ zoanle ye la,

Dw 15:20

Bɛhakye mɔɔ meha mehile bɛ la; ‘Akɛlɛ ɛnle kpole ɛndɛla ɔ menle.’ Saa bɛyɛle me kpɔdekpɔde a ɛnee bɛbayɛ bɛdabɛ noko kpɔdekpɔde; saa bɛlile me ngilehilelɛ zo a, ɛnee bɛbali bɛdabɛ noko bɛ ngilehilelɛ zo.