Edwɛkpa ne kɛmɔ Luku hɛlɛle la 6:30 - BAEBOLO ANZƐƐ BULUKU NWUANZANWUANZA

³⁰ Awie biza wɔ debie na ɛlɛ bie a, maa ye bie, yɛɛ awie fa wɔ debie a, mmabiza ɔ bo zo bieko.

Edwɛkpa ne kɛmɔ Luku hɛlɛle la 6:30 ပူးပေါင်းရင်းမြစ်များ

Edwɛndolɛ Buluku ne 112:9

Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

Edwɛndolɛ Buluku ne 41:1

Nyilalɛ ɛha sonla ne mɔɔ dwenle ehyianvolɛma anwo la! Ɛdɛnkɛma die ye wɔ ye amaneɛnwunlɛ nu;

Mrɛlɛbulɛ Buluku ne 19:17

Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

Mrɛlɛbulɛ Buluku ne 21:26

Anyebolo tɔ amumuyɛnli anwo alehyenlɛ ne anu amuala, na tenlenenli ɛdeɛ, ɔbuke ɔ sa nu, yɛɛ ɔbuke ye ahonle nu ɔfa ɔmaa.

Mrɛlɛbulɛ Buluku ne 22:9

Sonla mɔɔ asa do la banyia nyilalɛ, ɔluakɛ ɔ nee ehyianvolɛma kyɛ ye aleɛ.

Nolo 11:2

Bubu bie maa menli nsuu anzɛɛ mɔtwɛ bɔbɔ, ɔluakɛ ɛnze munzule mɔɔ kenle bie bazi azɛlɛ ye azo a.

Nolo 8:16

Mekɛ biala mɔɔ mendwenlenle nwolɛ kɛ mesukoa nrɛlɛbɛ, na meanwu mɔɔ ɛlɛsisi ewiade, mɔɔ yemɔti sonla si epe nɔɔzo nee ewiazo la,

Edwɛkpa ne kɛmɔ Mateyu hɛlɛle la 18:35

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛdabɛ noko bɛanyeye bɛ ahonle nu bɛanva bɛ gɔnwo mɔ anwo edwɛkɛ bɛangyɛ bɛ a Egya mɔɔ wɔ anwuma la bayɛ bɛ nuhua ko biala a.”

Edwɛkpa ne kɛmɔ Mateyu hɛlɛle la 5:39

Noko mame, mese: Saa awie yɛ wɔ ɛtane a, mmasenra ye. Saa awie bɔ ɛ nzo fema ne anu a, kakyi bɛne ne ɔdaye maa ye.

Edwɛkpa ne kɛmɔ Mateyu hɛlɛle la 6:12

Na fa yɛ ɛtane kyɛ yɛ, Kɛmɔ yɛfa yɛkyɛ bɛdabɛ mɔɔ bɛfo yɛ la;

Edwɛkpa ne kɛmɔ Luku hɛlɛle la 11:41

Bɛva mɔɔ ɛyi bɛ kanrɛlɛ ne mɔ nee bɛ ɛyɛba ne mɔ la bɛmaa ehyianvolɛma na debie biala anwo kɛde kɛmaa bɛ.

Edwɛkpa ne kɛmɔ Luku hɛlɛle la 12:33

Bɛdɔne mɔɔ bɛlɛ la amuala na bɛva ezukoa ne bɛmaa ehyianvolɛma. Bɛyɛ gya ahodoku mɔɔ ɛnzɛkye ɛlɛ la bɛmaa bɛ nwo, na bɛva bɛ anwonyia bɛzie ɛleka mɔɔ ɔnrɛminli ɛlɛ la, ɔboalekɛ awule asa ɛnrɛha ye, yɛɛ ɛlɛtɛba ɛnrɛhola ɛnrɛzɛkye ye.

Edwɛkpa ne kɛmɔ Luku hɛlɛle la 18:22

Gyisɛse dele ɛhye la, ɔzele ye kɛ, “Yeha wɔ debie ko. Tɔne debie biala mɔɔ ɛlɛ la amuala na kyɛ ezukoa ne maa ehyianvolɛma, na ɛkɛnyia anwonyia wɔ Nyamenle anwo lɔ, na akee bɛla badoa me bo zo.”

Edwɛkpa ne kɛmɔ Luku hɛlɛle la 6:29

Saa awie bɔ ɛ nzo ko anu a, kakyi ko ne noko maa ɔbɔ nu. Saa awie die wɔ anwuma tɛladeɛ ne a, fa bubu ne noko maa ye.

Edwɛkpa ne kɛmɔ Luku hɛlɛle la 6:31

Mɔɔ ɛkpondɛ kɛ awie mɔ yɛ maa wɔ la, yɛ zɔhane ala maa bɛdabɛ noko.

Edwɛkpa ne kɛmɔ Luku hɛlɛle la 6:38

Bɛmaa bɛ sa ɛdwu awie mɔ anwo zo, na Nyamenle asa adwu bɛdabɛ noko bɛ nwo zo. Nɔhalɛ, bɛkɛnyia ye dɔɔnwo kpalɛ mɔɔ kɛyi bɛ sa a, na ɔkɛbulu zolɛ bɔbɔ. Nzuzulɛ mɔɔ bɛkɛzuzu bɛkɛmaa awie mɔ la yɛɛ Nyamenle bazuzu amaa bɛdabɛ noko a.”

Ɛzoanvolɛma Gyima ne 20:35

Mehilehile bɛ wɔ debie biala anu kɛ ɔlua gyima ɛsesebɛ ɛyɛlɛ zo yɛɛ bɛkɛhola bɛkɛboa menli mɔɔ ɛnlɛ anwosesebɛ la a. Bɛhakye Awulae Gyisɛse edwɛkɛ ne mɔɔ ɔhanle la. Ɔse, ‘Nyilalɛ dɔɔnwo wɔ ɛmanlɛ nu tɛla ɛlielɛ.’ ”

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.