Edwɛkpa ne kɛmɔ Luku hɛlɛle la 6:23 - BAEBOLO ANZƐƐ BULUKU NWUANZANWUANZA

²³ Saa ɔba ye zɔhane a, bɛli fɛlɛko, bɛzi agole, na bɛmaa bɛ nye ɛlie, ɔboalekɛ Nyamenle ɛva nwolɛ ahatualɛ kpole bie ɛzie bɛ wɔ anwuma. Ɔluakɛ kɛ bɛ nlenya mɔ yɛle Nyamenle kpɔmanvolɛma mɔɔ lumua la ɛne.

Edwɛkpa ne kɛmɔ Luku hɛlɛle la 6:23 ပူးပေါင်းရင်းမြစ်များ

2 Sam 6:16

Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

1 Arl 18:4

Mekɛ mɔɔ Gyɛzɛbɛle kuhu Nyamenle kpɔmanvolɛma ne mɔ la, Obadaya liele bɛ nuhua ɛya ko ngoane. Ɔvale bɛ abulanlu abulanlu ɔveɛveale awolɛ mbɔne nu na ɔmanle bɛ aleɛ nee nzule.)

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

1 Arl 19:14

Yilaegya buale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛkpo wɔ ngyekyeleɛ ne, bɛbubu wɔ azukponle ne mɔ na bɛhu wɔ kpɔmanvolɛma ne mɔ amuala; me ngomekye ala a meha a, yɛɛ eza bɛkpondɛ medame noko bɛahu me.”

1 Arl 19:2

Ɛhye ati Gyɛzɛbɛle zoanle manle bɛhɔhanle bɛhilele Yilaegya kɛ, “Ɛhunlɛ mɔɔ wɔhu ahɔmenle ne mɔ la, saa ɛhyema bekezɛ ɛnee metɛkunle ɛdawɔ noko a awozonle ne mɔ ɛdua me kakɛ ɛgua me bie zo.”

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

1 Arl 22:27

Bɛze ye kɛ, ‘Belemgbunli se, Fa sonla ɛhye sie na maa bɛmaa ye aleɛ mɔɔ ɛnza ye di la nee nzule ekyi bie kɔkpula mekɛ mɔɔ menwɔzia menwɔradwu sua nu anzonudwolɛ nu la.’ ”

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

2 Arl 6:31

Na ɔzele kɛ, “Saa ɛnɛ kenle ye meammaa bɛanye Hyeefate ara Yilaehya ati ne bɛanvi zo a, Nyamenle ɛdua me kakɛ ɛgua me bie zo.”

2 Edk 36:16

Noko bɛhɔle zo bɛzile menli mɔɔ Nyamenle zoanle bɛ la amgbu, bɛkpole kɛ bɛnrɛdie bɛ edwɛkɛ ne, na bɛgolole Nyamenle kpɔmanvolɛma ne anwo toonwo bɛmanle Ɛdɛnkɛma vale ɛya kpole mɔɔ bɛyɛ ye ɛhwee a ɔnyɛ boɛ a.

Nihɛmaya Buluku ne 9:26

“Wɔ menli ne dele ɛ nwo atua na bɛandie wɔ aneɛ, bɛhakyile bɛ nzi bɛzile wɔ mɛla ne. Bɛhunle Nyamenle kpɔmanvolɛma mɔɔ bɔle bɛ kɔkɔ, na bɛzele bɛ kɛ bɛzia bɛdoa wɔ la; bɛbɔle munzule kpole!

Edwɛndolɛ Buluku ne 58:11

Menli baha kɛ, “Nɔhalɛ, tenlenema ɛnyia bɛ ahatualɛ; nɔhalɛ, Nyamenle wɔ ɛkɛ mɔɔ bua ewiade ndɛne a.”

Ayezaya Buluku ne 35:6

Abuburama bawuluwulu kɛ ahɛtɛboɛ, yɛɛ mumulema bava anyelielɛ ado edwɛne. Ɔluakɛ azule bavinde fienemgbole ne mɔ anu, yɛɛ azudenle baze ɛsɛlɛ zo.

Gyɛlɛmaya Buluku ne 2:30

Bɛ mra ne mɔ ɛmaa mevɛ mgbane; medea bɛ, noko bɛande folɛ. Bɛdabɛ a bɛhu bɛ Nyamenle kpɔmanvolɛma ne mɔ kɛ awenade mɔɔ asa ɛha nane la.

Malakae Buluku ne 4:1

Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Luku hɛlɛle la 1:41

Mɔɔ Ɛlezabɛte dele Mɛle ahyebizalɛ ne la, ɔ ra ne mɔɔ la ɔ kunlu la hanle ɔ nwo, Sunsum Nwuanzanwuanza ne wolole Ɛlezabɛte

Edwɛkpa ne kɛmɔ Luku hɛlɛle la 1:44

Mɔɔ mendele wɔ ahyebizalɛ ne ala la yɛɛ ralɛ ye mɔɔ la me kunlu la vale fɛlɛkolilɛ hanle ɔ nwo a.

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Ɛzoanvolɛma Gyima ne 14:10

na ɔdeanle nu ɔzele ye kɛ, “Dwazo gyinla!” Nrenya ne wulule gyinlanle na ɔbɔle ɔ bo kɛ ɔtia.

Ɛzoanvolɛma Gyima ne 3:8

ɔwulule ɔpenle na ɔbɔle ɔ bo kɛ ɔtia. Ɔ nee bɛ hɔle Ɛzonlenlɛ Sua ne anu, na ɔwuluwulule ɔyele Nyamenle ayɛlɛ.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 5:3

Bɔbɔ wɔ amaneɛnwunlɛ nu yɛbali fɛlɛko, ɔboalekɛ yɛze kɛ nyanelilɛ maa sonla nyia abotane,

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

Kɛlata mɔɔ bɛhɛlɛle bɛhɔmanle Hibuluma la 11:26

Ɔdwenlenle nwo kɛ saa sonla doa Kelaese ne abo zo na ɔnwu amaneɛ a, ɔle kpalɛ ɔtɛla kɛ ɔkɛnyia Yigyibiti anwonyia kɔsɔɔti a, ɔluakɛ ɛnee ɔ nye la ahyɛlɛdeɛ mɔɔ kenle bie Nyamenle bava amaa ye la azo.

Kɛlata mɔɔ bɛhɛlɛle bɛhɔmanle Hibuluma la 11:6

Ɔyɛ se kɛ awie mɔɔ ɛnlɛ diedi la kɛhola kɛzɔ Nyamenle anye. Ɔluakɛ ɔwɔ kɛ awie mɔɔ ba Nyamenle ɛkɛ ne la die di kɛ Nyamenle wɔ ɛkɛ na ɔyila bɛdabɛ mɔɔ bɛkpondɛ ɔ bo zo la.

Gyemise Kɛlata ne 1:2

Me mediema, saa sɔnea ngakyile dɔɔnwo ba bɛ nwo zo a bɛli nwolɛ fɛlɛko;

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 2:26

Mɔɔ kɛli konim, na ɔkɛyɛ mɔɔ mekpondɛ la nɔhalɛ nu kɛhɔ awieleɛ la, mebava tumi ne mɔɔ Egya vale manle me la meamaa ye. Mebamaa yeali maanle maanle dɔɔnwo anwo zo konim, yeava tumi yeazie bɛ, na yeabubu bɛ kɛ abua. Eza mebava nwonlomɔ ɛwɔlɔra ne meamaa ye.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.

Yekile 3:12

Sonla mɔɔ kɛli konim la, mebayɛ ye me Nyamenle Ɛzonlenlɛ Sua nu sika, na yeadɛnla ɛkɛ ne dahuu. Mebahɛlɛ me Nyamenle ne duma nee me Nyamenle ne suakpole ne, mɔɔ le Gyɛlusalɛm fofolɛ ne, mɔɔ vi me Nyamenle ne ɛkɛ ne wɔ anwuma bara la duma wɔ ɔ nwo. Eza mebahɛlɛ me duma fofolɛ ne ɔ nwo.

Yekile 3:5

Sonla ne mɔɔ kɛli konim la bɛbayɛ ye fufule nwohyee, na menrɛye ye duma menrɛvi teasema buluku ne anu. Mebaha ye wienyi wɔ Egya nee Nyamenle soanvolɛma anyunlu ɛkɛ ne kɛ bɛle me ɛdeɛ.