Edwɛkpa ne kɛmɔ Luku hɛlɛle la 6:20 - BAEBOLO ANZƐƐ BULUKU NWUANZANWUANZA

²⁰ Gyisɛse manle ɔ nye zo nleanle ye ɛdoavolɛma ne na ɔzele kɛ, “Nyilalɛ ɛha bɛdabɛ ehyianvolɛma; Nyamenle bamaa bɛanyia ye belemgbunlililɛ ne.

Edwɛkpa ne kɛmɔ Luku hɛlɛle la 6:20 ပူးပေါင်းရင်းမြစ်များ

Edwɛndolɛ Buluku ne 37:16

Ekyi mɔɔ tenlenenli lɛ la le kpalɛ tɛla amumuyɛma ɛdeɛ dɔɔnwo ne.

Mrɛlɛbulɛ Buluku ne 16:19

Ɔle kpalɛ kɛ sonla kɛbɛlɛ ɔ nwo aze, ɔ nee ehyianli kɛyɛ ko, tɛla kɛ ɔ nee mgbanyizonlema kɛyɛ ko kɛhyɛ mɔɔ bɛwua la.

Mrɛlɛbulɛ Buluku ne 19:1

Ehyianli mɔɔ fa adwenle dua la le kpalɛ tɛla sonla mɔɔ tendɛ mgbane mgbane na ɔle koasea la.

Ayezaya Buluku ne 29:19

Sonla mɔɔ le bɛlɛvo la banyia anyelielɛ fofolɛ bie wɔ Ɛdɛnkɛma ati, na Yizilayɛ Nwuanzanwuanza Ko ne ati, ehyianvolɛma mɔɔ wɔ menli avinli la ali fɛlɛko.

Ayezaya Buluku ne 66:2

Medame a meva me sa mebɔ ninyɛne kɔsɔɔti a, yemɔti debie biala le me ɛdeɛ, medame Ɛdɛnkɛma a mese a. Noko sonla mɔɔ me nye balie ɔ nwo la a le sonla ne mɔɔ le bɛlɛvo, ɔnu ɔ nwo, ɔsulo me na ɔdi me edwɛkɛ zo la.

Zɛfanaya Buluku ne 3:12

Ɔluakɛ mebagyakyi menli mɔɔ bɛlɛ bɛ nwo aze na bɛ nwo dwo la. Bɛbakpondɛ ɛvealeka wɔ Ɛdɛnkɛma duma ne anu.

Zɛkalaya Buluku ne 11:11

Yemɔti mentulule ngyekyeleɛ ne kenle ko ne, na nwule ne mɔ mɔɔ di mboane gua, mɔɔ ɛnee ɛlɛnea me la nwunle kɛ ɔle Ɛdɛnkɛma anloa edwɛkɛ.

Edwɛkpa ne kɛmɔ Mateyu hɛlɛle la 11:5

anyenzinliravolɛma nwu debie, abuburama tia, kokobɛvolɛma anwo sa, anzondiliravolɛma te edwɛkɛ, bɛdwazo mɔwuamra bɛba ngoane nu bieko, yɛɛ bɛka Edwɛkpa ne bɛkile ehyianvolɛma.

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 5:1

Mɔɔ Gyisɛse nwunle menli dɔɔnwo ne la ɔhɔle boka bie azo na ɔdɛnlanle aze. Ye ɛdoavolɛma ne rale ɔ nwo ɛkɛ ne,

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Edwɛkpa ne kɛmɔ Luku hɛlɛle la 13:28

Na akee mɔɔ bɛkɛnwu bɛ nlenya mɔ Ebileham, Ayezeke nee Gyekɔbo nee Nyamenle kpɔmanvolɛma ne mɔ mɔɔ bɛfa bɛ bɛtu bɛ nloa nu la amuala wɔ Nyamenle Belemgbunlililɛ ne anu, na menli vi aduduleɛ nee adɔleɛ, ɛbɔ nu nee nyevile nu ɛra ɛvoyia ne abo, na akee bɛye bɛmɛ bɛgua alie nwo nehane la, ɛkɛ ne yɛɛ bɛbazu na bɛadedɛ bɛ nwo bonrane nu a.

Edwɛkpa ne kɛmɔ Luku hɛlɛle la 14:15

Menli mɔɔ de ɛkponle ne anwo la anu ko mɔɔ dele ɛhye la hanle hilele Gyisɛse kɛ, “Nyilalɛ ɛha bɛdabɛ mɔɔ bɛbadɛnla ɛkponledolɛ kpole ne abo wɔ Nyamenle Belemgbunlililɛ ne anu la!”

Edwɛkpa ne kɛmɔ Luku hɛlɛle la 16:25

“Na Ebileham zele ye kɛ, ‘Me ra, kakye kɛ mekɛ mɔɔ ɛde aze la ɛnyianle ɛbɛla nu ninyɛne kpalɛ ngome, yɛɛ Lazalɛse nyianle ninyɛne ɛtane ngome. Na kɛkala, wɔ ɛke, ɔ rɛle ɛkyekye, yɛɛ wɔmɔ ɛlɛnwu amaneɛ a.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

2 Kɔl 8:2

Bɛhɔle sɔnea nu kpole wɔ ndenle dɔɔnwo anu, noko bɛlile fɛlɛko kpole. Ɛnee bɛnlɛ bie suzuamgba ɛdeɛ, noko bɛluale bɛ amaneɛnwunlɛ ne anu bɛvale ninyɛne bɛhyɛle, bɛhilele bɛ atiakunlukɛnlɛma.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

2 Tɛs 1:5

Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

1 Sam 2:8

Ɔye ehyianvolɛma ɔfi bɛ nyane nu, ɔye anwunvɔnema ɔfi bɛ amaneɛnwunlɛ nu. Ɔyɛ bɛ arelemgbunli agɔnwo mɔ na ɔmaa bɛdi bɛ eni dɔɔnwo. Azɛlɛ ye adiabo ne le Ɛdɛnkɛma ɛdeɛ; zolɛ yɛɛ yezie ewiade a.