Edwɛkpa ne kɛmɔ Luku hɛlɛle la 6:2 - BAEBOLO ANZƐƐ BULUKU NWUANZANWUANZA

² Falasiima ne bie mɔ bizale bɛ kɛ, “Kɛmɔti a bɛlɛyɛ mɔɔ yɛ mɛla ne tua kɛ yɛmmayɛ ye wɔ Ɛnwomenlelielɛ Kenle ne la ɛ?”

Edwɛkpa ne kɛmɔ Luku hɛlɛle la 6:2 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:10

“Saa awie kponle zolɛ kɛ ɔkɛzie ɔ gɔnwo asoaso anzɛɛ ɛnlankɛ nyinli anzɛɛ boane anzɛɛ ayɛmoa biala ɔkɛmaa ye, na saa ɔwu, ɔboda anzɛɛ bɛwua, mɔɔ awie biala ɛnli nwolɛ daselɛ la a,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:15

Kenle nsia yɛɛ ɔwɔ kɛ bɛfa bɛyɛ gyima a, na kenle ne mɔɔ tɔ zolɛ nsuu ne la le Ɛnwomenlelielɛ Kenle, bɛdu bɛzie ɛkɛ bɛmaa me. Awie biala mɔɔ kɛyɛ gyima kenle ko ne la, ɔwɔ kɛ bɛku ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:2

Bɛva kenle nsia bɛyɛ bɛ gyima, na kenle nsuu ne le Ɛnwomenlelielɛ Kenle. Ɔle kenle nwuanzanwuanza mɔɔ bɛdu bɛzie ɛkɛ bɛmaa Ɛdɛnkɛma a. Awie biala mɔɔ kɛyɛ gyima kenle ko ne la, ɔwɔ kɛ bɛku ye.

Ayezaya Buluku ne 58:13

Ɛdɛnkɛma se, “Saa bɛsia bɛ nzi bɛsie Ɛnwomenlelielɛ Kenle ne, bɛgyakyi bɛdabɛ bɛ ngome bɛ kpalɛyɛlɛ nwo gyimayɛlɛ wɔ me kenle nwuanzanwuanza ne, bɛmaa bɛ nye die Ɛnwomenlelielɛ Kenle ne ɛzielɛ nwo, na bɛbu medame Ɛdɛnkɛma me kenle nwuanzanwuanza ne bie, saa bɛdi kenle ne eni na bɛanyɛ mɔɔ bɛdabɛ bɛkulo la, anzɛɛ bɛamkpondɛ bɛ ngome bɛ anyelielɛ, bɛandendɛ ɛdendɛlɛ mgbane mgbane a,

Edwɛkpa ne kɛmɔ Mateyu hɛlɛle la 12:2

Falasiima bie mɔ nwunle ɛhye la bɛzele Gyisɛse kɛ, “Nea, kɛ wɔ ɛdoavolɛma ne ɛlɛyɛ mɔɔ bɛnyɛ la wɔ Ɛnwomenlelielɛ Kenle ɛ; ɔtia yɛ mɛla ne!”

Edwɛkpa ne kɛmɔ Mateyu hɛlɛle la 15:2

“Duzu ati a wɔ ɛdoavolɛma ne ɛnli ngilehilelɛ ne mɔɔ yɛ nlenya mɔ ɛva ɛgyakyi yɛ la azo ɛ? Bɛnnrinzi bɛ sa anwo wɔ adenle kpalɛ zo na bɛali debie.”

Edwɛkpa ne kɛmɔ Maake hɛlɛle la 2:24

Na Falasiima ne zele Gyisɛse kɛ, “Nea, ɔtia yɛ mɛla ne kɛ wɔ ɛdoavolɛma ne mɔ kɛyɛ zɛhae debie wɔ Ɛnwomenlelielɛ Kenle ye a!”

Edwɛkpa ne kɛmɔ Luku hɛlɛle la 5:33

Menli bie bizale Gyisɛse kɛ, “Dwɔn ɛdoavolɛma ne ta kɛ bɛkye ɛhɔne na bɛsɛlɛ, Falasiima ɛdoavolɛma ne noko yɛ zɔhane ala; na wɔ ɛdoavolɛma ɛdeɛ dahuu bɛdi debie.”

Dw 5:16

Ɛhye ati bɛbɔle ɔ bo kɛ bɛyɛ Gyisɛse kpɔdekpɔde kɛ yeyɛ ayile wɔ Ɛnwomenlelielɛ Kenle a.