Edwɛkpa ne kɛmɔ Luku hɛlɛle la 6:19 - BAEBOLO ANZƐƐ BULUKU NWUANZANWUANZA

¹⁹ Menli dɔɔnwo ne amuala pelele kɛ bɛkɛva bɛ sa bɛkɛha ye, ɔluakɛ ɛnee tumi vi ye nu ɛlɛyɛ bɛ muala ayile.

Edwɛkpa ne kɛmɔ Luku hɛlɛle la 6:19 ပူးပေါင်းရင်းမြစ်များ

2 Arl 13:21

Kenle ko Yizilayɛma hɔle kazie nrenya bie mɔɔ ɛwu la, bɛnwunle kɛ Mowabe nwule ɛlɔnema ɛlɛba bɛ nwo zo. Yemɔti bɛvuandinle funli ne bɛdole Yilaehya nla ne anu na bɛnriandile bɛhɔle. Funli ne dɔle Yilaehya mbowule ne azo ala la ɔdunwuele na ɔdwazole ɔgyinlanle.

Edwɛkpa ne kɛmɔ Mateyu hɛlɛle la 14:36

bɛzɛlɛle Gyisɛse kɛ ɔmaa wuleravolɛma ne adenle ɔmaa bɛva bɛ sa bɛha ye tɛladeɛ ne anloa bɔbɔ ala. Na bɛdabɛ mɔɔ bɛvale bɛ sa bɛhanle ye tɛladeɛ ne la amuala dele kpɔkɛ.

Edwɛkpa ne kɛmɔ Maake hɛlɛle la 3:10

Ɛnee yeyɛ menli dɔɔnwo ne ala ayile, zɔhane ati bɛdabɛ mɔɔ bɛnde kpɔkɛ la pelele kɛ bɛkɛbikye ye na bɛkɛva bɛ sa bɛkɛha ye bɔbɔ.

Edwɛkpa ne kɛmɔ Maake hɛlɛle la 5:30

Ɛkɛ ne ala Gyisɛse dele ye wɔ ye nu kɛ tumi vi ye nuhua ɛhɔ. Ɔhakyile ɔ nwo na ɔbizale kɛ, “Nwane a vale ɔ sa hanle me tɛladeɛ ne a?”

Edwɛkpa ne kɛmɔ Maake hɛlɛle la 6:56

Ɛleka biala mɔɔ ɔhɔle la, saa namule nu o, saa suakpole zo o, anzɛɛ ɛya nu bɔbɔ a, menli vale bɛ wuleravolɛma raguale gua ne mɔ azo na bɛbodole ye kɛ ɔmaa adenle ɔmaa bɛva bɛ sa bɛha ye tɛladeɛ ne anloa ala, na bɛdabɛ noko mɔɔ bɛyɛle ye zɔhane la amuala dele kpɔkɛ bɔkɔɔ.

Edwɛkpa ne kɛmɔ Maake hɛlɛle la 8:22

Gyisɛse nee ye ɛdoavolɛma ne rale Bɛteseeyeda na menli bie vale nrenya bie mɔɔ anye ɛzi la rɛlɛle ye na bɛbodole ye kɛ ɔyɛ ye ayile.

Edwɛkpa ne kɛmɔ Luku hɛlɛle la 5:17

Kenle ko bie mɔɔ ɛnee Gyisɛse ɛlɛkilehile la, Falasiima bie nee mɛla kilehilevolɛma mɔɔ vi azua mɔɔ wɔ Galeli nee Dwudiya maanzinli ne mɔ anu nee Gyɛlusalɛm la radɛnlanle ɛkɛ ne bie. Nyamenle tumi ne rale Gyisɛse anwo zo na ɔyɛle wuleravolɛma ayile.

Edwɛkpa ne kɛmɔ Luku hɛlɛle la 6:18

bɛrale kɛ bɛbadie ye na bɛamaa yeayɛ bɛ ayile. Bɛdabɛ mɔɔ sunsum ɛtane gyegye bɛ la noko rale, na ɔyɛle bɛ ayile.

Ɛzoanvolɛma Gyima ne 19:12

Saa bɛfa ye hameteduku anzɛɛ ahedazo bɛkɔgua awuleravolɛ nwo zo a, bɛte kpɔkɛ, na sunsum ɛtane ne mɔ fi bɛ nwo nriandi.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.