Edwɛkpa ne kɛmɔ Luku hɛlɛle la 6:13 - BAEBOLO ANZƐƐ BULUKU NWUANZANWUANZA

¹³ Aleɛ hyenle la, ɔvɛlɛle ye ɛdoavolɛma ne amuala na ɔkpale bɛ nuhua bulu nee nwiɔ, na ɔvɛlɛle bɛ ɛzoanvolɛma.

Edwɛkpa ne kɛmɔ Luku hɛlɛle la 6:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 10:2

Ɛzoanvolɛma bulu nee nwiɔ ne aluma ɛne: mɔɔ lumua la a le Saemɔn, mɔɔ bɛfɛlɛ ye Pita la nee ɔ diema Andelu; Gyemise nee ɔ diema Dwɔn, mɔɔ bɛ ze a le Zɛbɛdi la;

Edwɛkpa ne kɛmɔ Mateyu hɛlɛle la 19:28

Gyisɛse zele bɛ kɛ, “Meka meahile bɛ, saa medame Sonla Ra, metɛnla me anyunlunyia belemgbunli ebia ne anu wɔ Ewiade fofolɛ ne anu a, bɛdabɛ bulu nee nwiɔ ye mɔɔ bɛle me ɛdoavolɛma la, bɛkɛdɛnlɛdɛnla arelemgbunli mbia zo na bɛkɛbua Yizilayɛ mbusua bulu nee nwiɔ ne ndɛne.

Edwɛkpa ne kɛmɔ Mateyu hɛlɛle la 9:36

Ɔnwunle menli somaa ne la, alɔbɔlɛ hunle ye, ɔluakɛ bɛbɔ asande na bɛluolua nu mgbane mgbane kɛ mboane mɔɔ ɛnlɛ neavolɛ la.

Edwɛkpa ne kɛmɔ Maake hɛlɛle la 6:30

Ɛzoanvolɛma ne ziale rale na bɛrahanle ninyɛne mɔɔ bɛyɛle nee mɔɔ bɛhilehilele la amuala bɛhilele Gyisɛse.

Edwɛkpa ne kɛmɔ Maake hɛlɛle la 6:7

Ɔvɛlɛle Bulu nee Nwiɔ ne na ɔzoanle bɛ nwiɔ nwiɔ, na ɔmanle bɛ tumi wɔ sunsum ɛtane nwo zo,

Edwɛkpa ne kɛmɔ Luku hɛlɛle la 11:49

Ɛhye ati a Nyamenle Nrɛlɛbɛ ne hanle la, ɔse: ‘Bɛbayɛ Nyamenle kpɔmanvolɛma nee bɛdabɛ mɔɔ mebazoa bɛ wɔ bɛ nwo la kpɔdekpɔde na bɛahu bie mɔ.’

Edwɛkpa ne kɛmɔ Luku hɛlɛle la 22:30

Bɛ nee me badɛnla me ɛkponle nwo, bɛali debie na bɛanlo wɔ me Belemgbunlililɛ ne anu, na bɛbadɛnlɛdɛnla arelemgbunli mbia zo bɛabua mbusua bulu nee nwiɔ ne ndɛne.”

Edwɛkpa ne kɛmɔ Luku hɛlɛle la 6:14

Bɛmɛ a le: Saemɔn mɔɔ ɔmanle ye duma fofolɛ kɛ bɛfɛlɛ ye Pita la, nee ɔ diema Andelu; Gyemise nee Dwɔn, Felepe yɛɛ Baatɔlomiyu,

Dw 4:33

Yemɔti ɛdoavolɛma ne mɔ bɔle ɔ bo kɛ bɛbizebiza bɛ nwo kɛ, “Ɛnee awie ɛrɛlɛ ye aleɛ ɔ?”

Ɛzoanvolɛma Gyima ne 1:13

Bɛdwule la, bɛhɔle anwuma sua ne mɔɔ ɛnee bɛwɔ nu la anu. Bɛmɛ a le: Pita, Dwɔn, Gyemise yɛɛ Andelu; Saemɔn mɔɔ le Maanle Kulovolɛ ne yɛɛ Felepe nee Tɔmase; Baatɔlomiyu, Mateyu, Afeɛse ara Gyemise, yɛɛ Dwudase mɔɔ le Gyemise ara ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20

Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:11

Ye ahyɛlɛdeɛ a le kɛ ɔmaa bie mɔ yɛ ɛzoanvolɛma, bie mɔ yɛ Nyamenle kpɔmanvolɛma, bie mɔ yɛ Edwɛkpa ne nolobɔlɛma, yɛɛ bie mɔ noko yɛ sɛlɛvolɛma nee kilehilevolɛma.

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

Yekile 12:1

Akee nwanwane sɛkɛlɛneɛ kpole bie vindele anwomanyunlu. Raalɛ bie mɔɔ ɛva sɛnzɛne ne ɛyɛ ɛdanlɛ ɛheda, ɔ gyakɛ gyigyi siane ne azo, na yeva nwɔlɔra bulu nee nwiɔ yeyɛ abɔtile yebɔ la

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 21:14

Suakpole ne bane ne, bɛhyele ye wɔ adiabo awolɛ bulu nee nwiɔ mɔɔ bɛhɛlɛ Boaneralɛ ne ɛzoanvolɛma bulu nee nwiɔ ne aluma wɔ nwolɛ la azo.