Edwɛkpa ne kɛmɔ Luku hɛlɛle la 5:8 - BAEBOLO ANZƐƐ BULUKU NWUANZANWUANZA

⁸ Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Edwɛkpa ne kɛmɔ Luku hɛlɛle la 5:8 ပူးပေါင်းရင်းမြစ်များ

2 Sam 6:9

Na kenle ko ne Devidi zulole Ɛdɛnkɛma, na ɔhanle kɛ, “Kɛ ɔkɛyɛ na Ɛdɛnkɛma Ngyekyeleɛ Ɛlɛka ne adwu me nwo ɛke ɛ?”

1 Arl 17:18

Raalɛ ne hanle hilele Yilaegya kɛ, “Nyamenle sonla, duzu edwɛkɛ a le ɛhye? Medwenle kɛ ɛrale ɛke kɛ ɛfa saleɛ wɔarɛlɛ me; amuanrɛɛ ɛrale kɛ ɛbaza me ɛtane ne mɔ wɔagua zolɛ na wɔamaa me ra ye awu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:19

Bɛgyinlanle moa moa na bɛhanle bɛhilele Mosisi kɛ, “Wɔmɔ tendɛ kile yɛ na yɛbade. Mmamaa Nyamenle tendɛ kile yɛ, anrɛɛ yɛkɛwu.”

Ayezaya Buluku ne 6:5

Na menganle kɛ, “Medame, mebɔ munzule! Meminli, ɔluakɛ mele sonla mɔɔ meka ɛtane, yɛɛ mede menli mɔɔ ka ɛtane la avinli. Noko akee menwu Belemgbunli ne, Tumivolɛ Ɛdɛnkɛma!”

Edwɛkpa ne kɛmɔ Mateyu hɛlɛle la 17:6

Mɔɔ ɛdoavolɛma ne dele ɛnelɛ ɛhye la, ɛzulolɛ kpole hanle bɛ na bɛdule bɛguale, bɛbutubutule bɛ nye aze.

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.

Edwɛkpa ne kɛmɔ Mateyu hɛlɛle la 8:8

Sogya kpanyinli ne buale ye kɛ, “Yɛmenle, kyɛkyɛ! Menfɛta kɛ ɛkɛra me sua nu. Wɔmɔ ka ɛ nloa edwɛkɛ ne ala na me sonvolɛ ne kɛde kpɔkɛ.

Edwɛkpa ne kɛmɔ Luku hɛlɛle la 5:7

Yemɔti bɛdole bɛ sa bɛvɛlɛle bɛ gɔnwo mɔ mɔɔ wɔ ɛlɛne ɛhendeɛ ne anu la kɛ bɛrɛla bɛraboa bɛ. Bɛrale la nlɛne nwiɔ ne yiyile tetɛkɛɛ mɔɔ ɛnee asɛɛ bɛwie sia a.

Edwɛkpa ne kɛmɔ Luku hɛlɛle la 5:9

Ɔlua fɛlɛ dɔɔnwo mɔɔ bɛhyele la ati, ɛzulolɛ kpole hanle Pita nee bɛdabɛ mɔɔ bɛwɔ ɛkɛ ne la amuala.

Dw 11:32

Mɛle dwule ɛleka mɔɔ Gyisɛse wɔ na ɔnwunle ye la, ɔdule ɔdɔle ɔ gyakɛ anu na ɔzele kɛ, “Awulae, saa ɛwɔ ɛke a, anrɛɛ me diema nrenya ne anwu.”

1 Kɔl 13:12

Kɛkala, mɔɔ yɛnwu ye la le kɛ nvoninli monzomonzo bie wɔ neanleɛ nu, na kenle bie yɛ nye bayia zo. Kɛkala, mɔɔ meze la ɛnli munli, na kenle bie ɔbali munli, kɛmɔ Nyamenle si ze me la.

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Maanlebuvolɛma Buluku ne 13:22

Manowa zele ɔ ye kɛ, “Yɛnwu Nyamenle! Yɛbawu”

1 Sam 6:20

Yemɔti Bɛte Hyimɛhyema hanle kɛ, “Nwane a kɛhola Ɛdɛnkɛma Nyamenle Nwuanzanwuanza ɛhye anyunlu gyinla a? Yɛɛ ɔvi yɛ ɛke a ɛnee nwane ɛkɛ ne yɛɛ ɔkɔ a?”